Epacerero 26:22 - Emakhuwa Bible

²² Isaki aathaama iwe, anathipa ehime ekina ni khayaanyakulihanne mwaha wa yeeyo, tivawo aattenghaawe Rehoboti, eeraka: “Vano Yave oonunnuwihera nipuro weera naandyeereraneke mulaponi.”

Epacerero 26:22 Iomraidhean Croise

Epacerero 17:6

Kinimoovahani ikhapira soowaattaxa ni wa nyuwo nseereke okhumelela miloko soohiyanahiyana, aani, eniikhumelele mamwene variyari wa ekhapiraanyu.

Epacerero 26:21

Yaathipatho ehime ekina, onakhumelelatho onyakulihana mwaha wa yeeyo, tivawo aattenghaawe Sitina.

Epacerero 28:3

Muluku a ikuru sootheene ooreelihe ni oovahe ekhapira yoowaatta, moota wooweera mwa weyo siphattuwe miloko sincipale.

Epacerero 41:52

Wa mwaana anaaveeli, aamutteha Efrayimi, eeraka: “Muluku ookiweriha oyara mweelaponi kihaawiyaaka.”

Icipo 118:5

Moothanananimwaka kaamukhuwelela Yave ni Owo aakaakhula anakivuluxa.

Icipo 119:32

Kintthara ephiro ya malamulowaanyu niwoko mookiiwexexiha.

Icipo 18:19

Aakitapuxa woomalela; aakoopola niwoko onnakitthuna nnenesene.

Icipo 4:1

Mukaakhule miyo kaakhuwelaka Mulukwaaka a ekhaikhai. Mukurunuxe othananawaka; mukimorele ikharari ni mwiiwe nivekelonaka.

Okhuma 1:7

Wa soothesene, aYixrayeli yaayarana enaandyeererana vancipalexa mpaka osareya mweelaponi.

Yesaya 54:2

“Munnuwihe nipuro na eheemaanyu, mukokhe nnenesene eluttu ya eheemaanyu; mwaandyeerere mikhoyisaya ni mulipihe ikhomosaya.

Yesaya 54:3

Niwoko nyuwo munimwaandyeerera mipatta sootheene; ekhapiraanyu enookuxa miloko, eniitekiha mmasidadenimwaya moothaamiwa.