Epacerero 25:18 - Emakhuwa Bible

¹⁸ Vano anamwanaawe yaamwaramwareya variyari wa elapo wookela oHavila ni oXuri, vakhiviru ni mwiinano ni wExipitu, ohoolo wa mutthu arowaka wAxuri. Vano yaakhala oohiiwanana ni axunnaya ootheene.

Epacerero 25:18 Iomraidhean Croise

Epacerero 10:29

Ofiri, Havila ni Yobabi. Ootheene ala yaari anamwane a Yokitani.

Epacerero 10:7

Anamwane a Kuxe yaari ala: Seba, Havila, Sabeta, Rahama ni Sabuteka. Anamwane a Rahama yaari ala: Xeba ni Dedani.

Epacerero 13:10

Vano Loti aaweha anoona oreyareyani wa Yordaanu: Yaakhala maahi mancipale ni waakhala ntoko muttimbeni mwa Yave, olikanaka ntoko wExipitu, hiihaawo mpaka elapo ya oZowari. Yeeyo yeereiye Muluku ahinaaye ophwata oSodoma ni oGomora.

Epacerero 14:10

Oreyareyani wa oSidimi waasareya ni soowiixera soopakiwa ni ettoko, ni vano, etthawaka mamwene a oSodoma ni oGomora, yaavuluwela mwemmwe. Vano atthwaaya akina yaahanle yaatthawela omwaako.

Epacerero 16:12

Anaakhale ntoko buuru a muthupini ni mahuku ootheene aniittane ni ootheene, ni ootheene eniyiittane ni yoowo. Owo anaakhale oohasuweene iittanaka ni axunna ootheene.”

Epacerero 16:7

Ndyelo a Yave aamphwanya vanaattuuttuni, munikareni, ori mphironi enrowa oXuri,

Epacerero 2:11

Nsina na woopacera ti Pixoni. Vano owo onrukureera elapo yootheene ya Havila, eraayawo eyuuma yoorikaxa.

Epacerero 20:1

Vano Abrahaamu aavenya weiwe arowaka elapo ya oNegeba, anarowa omaka eriyari ya oKade ni oXuri. Vano, aakhala wa mahuku makina oGerari.

Epacerero 21:14

Oxaawaya Abrahaamu aakuxa yooca ni ekacikhi yoosareya maahi, anamvaha Hagari. Vano, amuthatelihakaru mmakhatani, aamulaxera vamoha ni mwaana. Owo aapacera weetta amakamakaka munikareni na oBerxeba.

Epacerero 21:21

Aakhala munikareni na oParani ni amayawe yaamutheliha muthiyana a wExipitu.

2 Mamwene 23:29

Yosiya areene mwene, Farawu* Neko, mwene a wExipitu, aarowa mpaka mooloko Efratesi weera amukhavihere mwene a wAsiriya. Mwene Yosiya aarowa weera angwaneno, mene Farawu* Neko aangwanano, anamwiiva Yosiya oMegidu.

1 Nyaha 1:23

Ofiri, Havila ni Yobabi. Ootheene ala yaari anamwane asilopwana a Yokitani.

Icipo 78:64

asaserdotaaya yaahiiviwa ni ekatana ni asinaamukhwelaaya khayaawenre wiinla.

Okhuma 15:22

Vahoolowaya Moisesi aaweettiha aYixrayeli okhuma Ephareiya Yooxeera mpaka munikareni na oXuri. Yaaheetta mahuku mararu munikareni ehiphwanyaka maahi.

Ezekiyeli 23:23

aBabiloniya ni aKaldeya ootheene, atthu a oPekode, oXowa ni oKowa vamoha ni awAsiriya ootheene, amiravo ooreera, ootheene ereene maguvernadori ni asitoweene a anakhotto, asitokweene anghoolela ikaaro ni atthu oottittimiheyaxa ni ootheene ari anamweettiha ikavalu*.

1 Samuweli 15:7

Vanonto Sawuli aahaawanano awAmaleki ephiroweeneeyo okhuma oHavila mpaka oXuri, mpatta ninkhuma nsuwa wa wExipitu.