Epacerero 24:40 - Emakhuwa Bible

⁴⁰ Awo yaakaakhula: ‘Yave Yoowo kinimurumeelaaka anoorumihele ndyelowaawe, nitho anoowerihe weera weyo weette nnenesene ni mukwaahaawo, weeratho omuruuhele mwanaka, muthiyana a nihimonaka, aani a emusi ya atithaka.

Epacerero 24:40 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 24:56

Mene aawaakhula: “Muhicerewihe ohokolowawaka, niwoko Yave oheettiha mukwahaaka nnenesene. Mukihiye kirowe weera kihokoleele wa apwiyaaka”

Epacerero 24:7

Yave Muluku a wiirimu, aakivenxale vaate wa atithaka ni elapwaaka kiyariwaaka ni aakiroromelinghe ni nlipelo weera aarwa ovaha elapo ela ekhapiraaka, anaamurumihe ndyelowaawe ohoolowawo, weera weiwo wamuruuhele muthiyana mwanaka.

Epacerero 48:15

Vano aamureeliha Yoseefe eeraka: “Muluku aareelihe anamwane ala. Makholowaaka Abrahaamu ni Isaki yaamurumeela Muluku Owo, ni Owo aari Mukukhulaaka mahuku ootheene mpaka olelo.

Epacerero 5:22

Amuyanreene Metusalemu, Enokhi anneetta ni Muluku iyaakha macira mararu ni aahaayara anamwane asilopwana ni asithiyana akina.

Epacerero 5:24

Henoki aaheetta ni Muluku ni aalakaseya vamaithoni wa atthu, niwoko Muluku aamucophola.

Epacerero 6:9

Ola ori mwaha wa Nowe: Nowe aari mulopwana mmoha oororomeleya ni oohikhalano milattu variyari wa muloko wa ehuhuwaawe. Vano owo anneetta vamoha ni Muluku.

1 Mamwene 2:3

Mwiiwelele yeeyo Yave Mulukwaanyu ontthunaawe: Mweette mphironimwawe ni mwiiwelele ikanosawe ni soolamulasawe; malamulowaawe ni sootthuneyasawe, ntoko elempwalaaya muNlamuloni na Moisesi. Hiiho itthu sinooweettelani nnenesene mwa sootheene muneeraanyu mpake ni mmapuroni moothemwene muneeranyu murowe.

1 Mamwene 3:6

Salomoni aamwaakhula: “Mwaamoonihera murima wooreeraxa murumeiyaanyu, atithaka Davide niwoko owo aari oororomeleyaanyu, a murima wooreera ni a ekhaikhai. Mwaapwaherera omoonihera murima wooreera mumvahaka mwaana mulopwana, mwa yoowo okilaathiye vahiceniwawe olelo.

1 Mamwene 8:23

anavekela: “Ii! Yave, Muluku a aYixrayeli, khoowowo muluku mukina onlikana ni Nyuwo wiirmu hata elapo ya vathi. Nyuwo mookwanihera wiiraanawanyu wa osivela ni arumeiyaanyu, mwa yaawo anoorumeelani ni murima wootheene.

2 Mamwene 20:3

“Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

Icipo 1:3

Owo ori ntoko mwiri ophatteiwe mukerekhere mooloko: oniima ehuhu yootthuneya ni makukhwaaya khaannyaala. Soothesene ompakaawe sinoomweettela nnenesene.

Icipo 16:8

Mahuku ootheene kiningweha Yave ohoolowaka. Ti Yoowo onkookolela – nkirwa kittikinyeya.

Icipo 91:11

Owo onimwaalamulela andyelowaawe aweerelakani nyuwo weera yoothokororeni mphironimwanyu moothemwene.

Okhuma 23:20

Vano, kinoorumihelani ndyelo ohoolowanyu weera ookosoopeni mukwaha wootheene ni weera oophiihaseni vanipuroni koorehererenlaakani.

Okhuma 33:2

Miyo kinoomurumiha ndyelo ohoolowanyu, kiwoomolaka aKanaani, awAmori, aHiti, aPerizi, aHivi ni aYebusi.

Daniyeli 3:28

Vano Nebukadenezari aaheera: “Muluku a Xadraki, Mixaki ni Abedneku attottopeliwe, mwa Yoowo omurumihale ndyelowaawe, anaavuluxa arumeiyaawe! Awosa aamuroromela Yoowo ehipwatthaka nlamulo na mwene ni yaalikana oleva okumaaya ohiya okokhorela naari olapa miluku sikina ahikhanle Mulukwaaya.

aHeberi 1:14

Vano, andyelo ari taani? Awo ari minepa soorumeela, sirumihiwe weera saarumeele yaawo eneera ephwanye ovuluwa.

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”

Ethupululo 22:8

Miyo, Yohaane, ti yoole iiwale ni oonne itthusene seiya. Kiiwalaaka ni koonnaaka, kaamorela inaawo sa ndyelo aakoonihenraawe itthu iya weera kimulape.