Epacerero 24:22 - Emakhuwa Bible

²² Ikamelu* iye simalihakaru owura maahi, mulopwana ole aamvaha mwaamwali ecipini ya ebeka* emoha olemelawaya, anangwariha mmoononimwawe ipangiiri piili sa eyuuma yoorikaxa, ixekeli* muloko olemelawaya.

Epacerero 24:22 Iomraidhean Croise

Epacerero 24:10

Vanonto, murumeiyi ole aavenya ni ahaaci muloko a apwiyaawe, akuxakatho itthu sikina sooreeraxa sa apwiyaawe. Aavenya arowaka oMesopotamiya, mpatta wa esidade Nahori aamankaawe.

Epacerero 24:23

Vanonto aamukoha: “Weyo mwaana awani? Dyoontte okileele naariweene nipuro vaate wa atithawo weera miyo ni asikhwaaka nakonewo.”

Epacerero 24:30

Yoonakaru ecipini ni ipangiiri mmoononi mwa murokoraya, ni emwiiwakaru Rebeka athalihaka sootheene mulopwana ole aamuleenlaawe, aavenya, anamphwanya mulopwana ole eemenleene vahimeni mukerekhere wa akamelowaawe.

Epacerero 24:47

Vahoolowaya kaamukoha: ‘Weyo, mwaana awani?’ Owo aakaakhula: ‘a Betuweli, mwaana a Nahori ni Milka.’ Vano kaangwariha ecipini ni ipangiiri mmoononimwawe.

Epacerero 24:53

Murumeiyi ole aamvaha Rebeka itthu sa iyuuma soorikaxa ni soowara. Anaavahatho itthu soorikaxa acimweenaawe ni amayawe.

Exteri 5:1

Eviraleene mahuku mararu, Exteri aawarela sa epwiyamwene, aneemela vanipuwani na mpuwa wa empa ya mwene ohoolo wa esaala ya mwene. Mwene aari vahiceniwawe oluluwana wa mulako.

Yobi 28:1

Nookhala nipuro nimphwanyiwa eparatha* ni mapuro enrehereriwaayawo eyuuma yoorikaxa.

Yeremiya 2:32

Weeraka mwaamwali onimwaattiwala axiveevaawe hoye hoye, ootthomeriwa soowarelasawe? Wa soothesene, mulokwaaka wookittiwala mahuku ootheene.

Yeremiya 32:9

Hiiho kaathuma wa munnaka Hanameeli ematta yaari yawawe wAnatote. Kaaringa ixekeli* sa eparatha* muloko niithannapiili, kinamuliva.

1 Pedru 3:3

Oreerawanyu ohikhale omokoniwanyu, ntoko otthava mayihi, owara iyuuma soorikaxa, naari soowara sooreera.

1 Pedru 3:8

Vano, nyuwo ootheene mukhale ni murima mmoharu. Mukhalelaneke murima wooreera, musivelaneke ntoko axunna; mukhale a ikharari ni oowiiyeviha.