Epacerero 2:18 - Emakhuwa Bible

¹⁸ Yave Muluku aaheera: “Khoohiyono wooreera mulopwana okhala meekhaawe; kinoompaka mukina weera amukhavihereke ni akhaleke mukhwaawe.

Epacerero 2:18 Iomraidhean Croise

Epacerero 1:31

Muluku aahoona sootheene aapankaawe ni sootheene saari sooreeraxa. Vano waahiila ni onaxa, ni nne naari nihuku nanaathannamosa.

Epacerero 2:20

Hiiho mulopwana aatteha masinaaya mihuwo sootheene; ipalame sa wiirimu ni inama sootheene sa ntuphini. Wa soothesene, khaaphwanyaneya wa mulopwana ole mukina eera amukhavihereke weera akhaleke mukhwaawe.

Epacerero 3:12

Mulopwana aaheera: “Ti muthiyana mukivanghaanyu ntoko mukhwaaka okivanghe yoowiima ya mwiri ni miyo kohooca.”

Masu a Miruku 18:22

Yoowo onthela omphwanya etthu yooreera; ohaakhela mareeliho a Yave.

1 aKorinto 7:36

Akhala mukina onoona wuuliha muru niwoko noowoona weera muthiyana omutthomenraawe onoopwaha masusa ooreera omuthela, ni uupuwelaka weera fataari othelana, apakeke ontthunaawe. Owo khanttheka ni yeeyo.

1 Pedru 3:7

Mooteene yoowo nyuwo, axiiya, musuweleke nnene okhala ni axaarinyu, mwaattittimihaka ntoko mpatta woohilipa, ni ntoko anamwaakhela vamoha ni nyuwo a mahala a okumi, weera mavekelowaanyu ehooceeleye.

Ruuti 3:1

Nihuku nimoha Nawomi, apwiyamwaanaawe Ruuti, yaamweerela: “Mwanaka, kiwaasere etthoko yoowiitthuuwa weera yoohakalalihe.