Epacerero 2:17 - Emakhuwa Bible

¹⁷ vaheera muhiceru sa mwiri onsuweliha yooreera ni yoonanara, niwoko nihuku muneeraanyu muce sa yoowo, vekhaikhai mmwikhwe.”

Epacerero 2:17 Iomraidhean Croise

Epacerero 2:9

Vano, vatthayani Yave Muluku aameliha moota wootheene wa nyiri soosiveleya mmaithoni ni sooreera oca. Eriyari ya ematta waakhala mwiri wa okumi ni mwiri wa woosuweliha yooreera ni yoonanara.

Epacerero 20:7

Vano, omuhokoloxere mwaneene a muthiyana owo. Owo mprofeeti, onimoovekelela weera weyo ohikhwe. Mene waahimuhokoloxera, osuwele nnenesene weera weyo vamoha ni amusaawo onimookhwa.”

Epacerero 3:11

Vano Muluku aamukoha: “Taani ooleenleni weera khamuwanre? Nyuwo murimooca yoowiima ya mwiri, mwa yoowo Miyo kookhoottihenraakani oca?”

Epacerero 3:17

Vano aamweerela mulopwana: “Mweenre mmwiiwelelaka mwaarinyu ni muca yoowiima ya mwiri, mwa yoowo Miyo koolamulenlaakani weera muhice, yoolaphiwa ti etthaya niwoko na nyuwo. Mmwice ni ohaawa otokotoko mwa yeeyo mookuminimwanyu wa mahuku ootheene.

Epacerero 3:19

Mmweereke oca yoocaanyu muvaraka muteko moota woovihaxa mpaka muneeraanyu muhokoleele vatthayani. Vano mmwivenxiwe mwa yeeyo, niwoko nyuwo ntthupi ni mmwihokoleele wa ntthupini.”

1 Mamwene 2:37

Musuwele nnenesene weera nihuku muneeraanyu mvenye oYerusaleemu mulapuwaka nreyareya na oKideroni, vekhaikhai munimookhwa. Nthowa na okhwawanyu nnikhale nawinyu.”

1 Mamwene 2:42

mwene aamwiitthana Ximei, anamweerela: “Miyo kaahoolipelihani mwa Nsina na Yave kiwoopererakani: ‘Nihuku muneeraanyu murowe nakhalaru nipuro, musuwele weera vekhaikhai munimookhwa.’ Ehuhuweene yeele mwaakaakhula: ‘Yeeyo muhimmaanyu eri yooreera. Kinimwiiwelela.’

Yeremiya 26:8

Vanonto, Yeremiya amalihaleene oleela muloko wootheene aalamuleliwaawe ni Yave, asaserdoti*, maprofeeti ni muloko wootheene waamvara, oneera: “Vekhaikhai nyuwo munimookhwa.

Ezekiyeli 18:13

Onkoongoriha eerelaka owina musurukhu ni onkokoca iphura. Mutthweene yoowo akhaleke ni okumi? Hoye! Mwa ipakelosawe sootheene iya soothanyeya, vekhaikhai owo onimwiiviwa, ni nthowa na okhwawawe ti nawawe.

Ezekiyeli 18:32

Miyo khoonkisiveliharu okhwa wa mutthu, onghima Yave onlamula sootheene. Murukunxe murima ni mukhale ni okumi!”

Ezekiyeli 18:4

Vano akumi ootheene ti awaka, okhuma tiithi mpaka mwaana – ooweeli ti awaka. Yoowo anaattheke ti aneera akhwe.

Ezekiyeli 33:14

Miyo kamweerela mutakhali: ‘Vekhaikhai nyuwo mmwikhwe,’ vaheera owo ahiya yootthekaawe, anapaka yeeyo eri yoororomeleya ni yoowookoleleya,

Ezekiyeli 33:8

Kaamweerelaka mutakhali weera vekhaikhai owo anaakhwe, ni nyuwo mwaahuuluma ni yoowo weera aceendye iphirosawe, mutakhali owo anaakhwe mwa yootakhalaawe, vaheera Miyo kinoowoonelani okhalano nthowa na okhwawawe.

Nuumeru 26:65

Yave aahaaleela weera yaamukhwela munikareni. Tivawo, ahaakhanlaaweru naari mmoha a yaawosa, ahikhanle paahi Kalebi, mwaana mulopwana a Yefune, ni Yoxuwa mwaana mulopwana a Nuni.

aRooma 1:32

Hata esuwelaka nlamulo na Muluku, weera atthu ampaka itthu iyo amphwanela okhwa, khoohiyono ampwaherera opaka yeeyo paahi, menetho angwaakhulela yaale akina ampaka seiyo.

aRooma 6:16

Khamusuwenle weera nyuwo mwiivahereraka wa mukina weera mmwiiwelele ntoko ipottha, nyuwo munkhala ipottha sa yoowo mumwiiwelelaanyu – hata sikhale ipottha sa yoottheka, enooronghani wa okhwa, hata sikhale ipottha sa wiiwelela, onooronghani wa waakhuleliwa ni Muluku?

aRooma 6:23

Ntthuvelo na yoottheka ti okhwa, mene mahala a Muluku ti okumi woohimala mwa Kristu Yeesu Apwiyaahu.

aRooma 8:2

Vano, niwoko na Kristu Yeesu, nlamulo na Munepa wa okumi nookivuluxa wa nlamulo na yoottheka ni na okhwa.

1 aKorinto 15:22

Vano, ntoko ootheene ankhwa mwa Adamu, hiihotho mwa Kristu ootheene eniikhalihiwe ni okumi.

1 aKorinto 15:56

Mpuule wa okhwa ti yoottheka ni nlamulo ti ikuru sa yoottheka.

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

awEfeso 5:14

niwoko waara ommwaleela itthu sootheene. Tivawo yeeriwaaya: “Muvenye, nyuwo munkona, muvenyerere mookhwaani, ni waara wa Kristu oniwoomwaleeleni.”

Deuteronomiyo 27:26

“Oolaphiwa ti yoowo anaaheettele masu a Nlamulo nna.” Vano muloko wootheene weereke: “Ame!*”

Deuteronomiyo 30:15

Moone, kinghela olelo ohoolowanyu okumi ni weetteleya nnene, ni mpatta mukina okhwa ni ophwatiwa.

Deuteronomiyo 30:19

Wiirimu ni vathi ti anamoonaaka olelo weera koowooniherani okumi ni okhwa; mareeliho ni malapho. Vano muthanle okumi weera nyuwosa ni anamwaniinyu mukhaleke ni okumi,

aKolosi 2:13

Nyuwo mwaaraanyu ookhweene mootakhalani ni moohiineliwani wa erutthwaanyu, Muluku ohoohihimuxani vamoha ni Kristu. Owo oonilevelela sootakhala sootheene,

1 Timootheyo 5:6

Naamukhwelitho yoowo onkhala wa ohakalala wa elapo ya vathi, hata areene ni okumi, ohookhwa.

Yakobe 1:15

Vano, soohaawela iyo sarupala, singyara soottheka; ni soottheka siitthwa, singyara okhwa.

1 Yohaane 5:16

Mukina amoona munneiye apakaka yoottheka ehimphiyera mookhwaani, mumvekelele, ni Muluku anaamvahe okumi. Kinaahima yaale yootthekaaya ehimphiyera mookhwaani. Yookhala yoottheka emphiyera mookhwaani. Nkinghima weera evekeleliweke wa yeeyo.

Ethupululo 2:11

Yaawo arino maaru, yiiwe yeeyo Munepa onleelaaya ikerexa! Namawina kharwa ahaawa naari vakhaani okhwa wanaaveeli.

Ethupululo 20:14

Okhwa ni Hadesi* saavonyeriwa vantthiyani na mooro. Ntthiya na mooro ti okhwa wanaaveeli.

Ethupululo 20:6

Ooreelihiwa ni ootteela yaawo eniikhale a ovenyerera woopacera. Okhwa wanaaveeli khoonaawera yaawo; awo eniikhale asaserdoti* a Muluku ni a Kristu, ni eniilamule vamoha ni Yoowo wa iyaakha macira muloko.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ahooleli 3:2

Aapakenle yeeyo weera aaxuttihe moota woowana aYixrayeli yaale yahaawanne oKanaani. Vano miloko saari ti iya:

1 Samuweli 14:39

Kinlipela mwa Nsina na Yave mwa Yoowo owooponle aYixrayeli, hata akhalaka mwanaka Yonatani, iiviweke.” Wa soothesene, khaawo aakhumihale nsu.

1 Samuweli 14:44

Sawuli aamwaakhula: “Muluku akittaruxe moota woonanara weyo waahikhwa, Yonatani.”

1 Samuweli 20:31

Vano mwaana a Yixai akhalaka ni okumi, okhuma weyo mpaka omwenaawo khootekiheya. Olamule wiitthaniwa okiruuhele, niwoko owo ontthuneya okhwa!”

1 Samuweli 22:16

Wa soothesene, mwene aamwaakhula: “Vekhaikhai, munimwiiviwa nyuwo vamoha ni emusi yootheene ya atithinyu.”