Epacerero 19:31 - Emakhuwa Bible

³¹ Vano nihuku nimoha, mwaana mutokweene aamweerela mukhaani: “Atithihu ahuuluvala. Vano khanaattamanne ni atthu akina weera enithele ntoko akhovelenlaaya atthu ootheene a elapo ya vathi yootheene.

Epacerero 19:31 Iomraidhean Croise

Epacerero 16:2

Sarayi aamweerela Abraamu: “Yave ookooceeliha oyara. Vano, apaale epotthaaka enoowera wooyarelani mwaana wa miyo. Munkoneno.” Abraamu aahaakhulela aatthunaawe Sarayi.

Epacerero 16:4

Abraamu aamukonano Hagari ni owo aarupala. Vano asuwelaka weera oorupala, Hagari aapacera omuramusa Sarai.

Epacerero 19:28

Awehaka oSodoma ni oGomora ni oreyareyani wootheene, aahoona mwiixi mwincipale otthuwakawo ntoko niikho ntokotoko.

Epacerero 4:1

Vano Adamu aamukonano Eva ni owo aarupala, anamuyara Kayini. Eva aaheera: “Ni ekhavihero ya Yave koomuyara mwaana mulopwana.”

Epacerero 6:4

Wa mahuku ale ni vahoolowaya yaakhala aNeefili* mweelaponimu, eyo tiiyo ehuhuweene yeele anamwane a Muluku yaathelanaaya ni anamwane asithiyana a atthu yaayarelaka anamwane. Vano aNeefili* ale yaari atthu oolipaxa murima a ehuhu ya khalayi, aani atthu a epili.

Yesaya 4:1

Vanihukuni nenenenno asithiyana athanneeli anoomvara mulopwana mmoha emweerelaka: “Yooheene nnimwiisaasera yoocaahu ni soowarasahu; mwaase onithela ni munitapuxe wuulihiwa muru niwoko na othupa!”

Marku 9:6

Owo khaasuwenle yeeyo yaatthuneya weera, niwoko yaahoova.

Deuteronomiyo 25:5

Axunna eeli yakhala vamoha ni mmoha a yaawo akhwa ahimuyanre mwaana mulopwana, naamukhwelaawe ahitheliwe ni emusi ekina. Munneiye mulipa oorimela ti anaamuthele, akwaniheraka onyesereriwa wa olamu.