Epacerero 18:25 - Emakhuwa Bible

²⁵ Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Epacerero 18:25 Iomraidhean Croise

Epacerero 18:24

Noone ha: “Yakhala atthu miloko mithanu oohikhalano nthowa esidadeene yeele, munrowa ophwata? Khamunrowa wuurela nipuro nno niwoko na waasivela atthu miloko mithanu yaale ari mwemmo?

1 Nyaha 16:33

Vano nyiri sa moothakoni sinimwiipa ni ohakalala, sinimwiipa ohoolo wa Yave, niwoko Owo ongwa othoriha elapo.

2 Nyaha 19:7

Vano munttittimihe Yave ni mwiipasoopeno moota munthorihaanyu, niwoko Yave khamvilela ohiroromeleya, hata khanthalu, naari khanaakhulela makhwankwa.”

Nehemiya 9:33

Mwaari oororomeleya mwa sootheene saanikhumelela. Mweettenle moota woororomeleya naaroohiroromeleyaru.

Yobi 34:10

Tivawo, mukiwiriyane, nyuwosa murino esuwelo. Muluku khampakaru yoonanara, aani Muluku a ikuru sootheene khampakaru yootakhala.

Yobi 34:12

Ohuupuweliweru weera Muluku apake yoonanara, weera Mukuku a ikuru sootheene avirikanyihe ekhaikhai.

Yobi 8:20

Vano, ettiitthu ti weera Muluku khanimukhootta mutthu ookwanela ni khanlipihera matata a yaale ampaka yoonanara.

Yobi 8:3

Weeraka Muluku onoopiritula ekhaikhai? Weeraka Muluku a ikuru sootheene onookhoromanyiha yeeyo eri yoowookoleleya?

Icipo 50:6

Wiirimu onlaleiya ekhaikhaiyaawe, niwoko Muluku muneenaawe ti Mphuki. Sela*

Icipo 58:11

Vano atthu eniyeere: “Vekhaikhai oororomeleya nlelo anaakhela ntthuvelonaya; vekhaikhai ookhala Muluku onthoriha elapo ya vathi.”

Icipo 7:12

Mutthu aahitthuna orukunxa murimaawe, Muluku onnona ekatanaawe, anareherera muupaawe.

Icipo 75:3

Elapo ya vathi ni milokosaya sootheene saatetereyaka, ti Miyo kinlipiha mathipelowaaya. Sela*

Icipo 94:2

Mvenye, Mphuki a elapo ya vathi; mwaalivele oowiixoona yeeyo amphwanelaaya.

Icipo 98:9

seiyo siipe vamaithoni wa Yave, niwoko onrweelaa othoriha elapo. Owo onoothoriha elapo mweekhaikhaiyini ni miloko moota woororomeleya.

Namalaleiya 3:17

Kaahuupuwela: Muluku onimwaathoriha okhuma oororomeleya mpaka mutakhali, niwoko khula etthu yookhalano ehuhuwaaya, aani ehuhu wa khula etthu enkhumelela.

Namalaleiya 7:15

Mookumini ola ohintaphulela etthu, miyo kohoona sootheene: Oororomeleya akhwaaka aarookhalaru oororomeleyeene, ni mutakhali akhalakano okumi mwincipale aarookhalaru mootakhalani.

Yeremiya 11:20

Ii! Yave a ikuru sootheene, Mphuki a ekhaikhai munoota murima ni soowuupuwela sa omutthu, kingweherera woona owiinlelawanyu ikukuttula niwoko mulattwaaka kingwinnyererani Nyuwo.

Yeremiya 12:1

Ii! Yave, khula emaara kinooruuhelaakani mulattu, Nyuwo munlakela ni ekhaikhai. Wa soothesene, kintthuna wuuluma ni Nyuwo mwaha wa ekhaikhayaanyu. Atakhali singweettelela heeni nnene? Anamavariha ootheene ahinkhalanela heeni milattu?

Ezekiyeli 18:25

Wa soothesene, nyuwosa muneera: ‘Ephiro ya Yave kheeroromeleiye.’ Ii! Muloko wa oYixrayeli, mwiiwe: Ephirowaaka ti yoororomeleya. Ti iphirosanyu siri soohiroromeleya.

Malekiya 3:18

Hiiho, nyuwosa munimoonatho ovirikana eriyai ya oororomeleya ni mutakhali, eriyari ya yaawo animurumeela Muluku, ni ahinimurumeela.”

Nuumeru 16:22

Vaheera Moisesi ni Aharoni yaahuuramihelasa ekhove vathi, enamwaakhula: “Ii Muluku, Muluku onaavaha okumi ootheene, munoonyoonyeriwa muloko wootheene atthenkeene mutthu mmoha paahi?”

2 aKorinto 5:10

Vano nintthuneya weera ootheene hiyo niixoonihere ohoolo wa ehice yoothoriha ya Kristu, weera khula mutthu aakhele yeeyo emphwanenle niwoko na seiyo aavarelaawe muteko mweerutthunimwawe – hata sikhalaka sooreera, naari soonanara.

Deuteronomiyo 1:16

Ehuhuweene yeele kaahaalamulela aphukaanyu: “Mwaakhule sookacamiha sa axunninyu muthorihaka ni ekhaikhai – khoohiyono emusaanyuru, menetho muYixrayeli ni namarwa.

Deuteronomiyo 1:17

Muhithorihe ni nthalu, mene mmwaakhulele okhuma mutokweene mpaka mukhaani. Muhimoove akhalaru mutthu, niwoko othoriha ti wa Muluku. Yakhala makacamiho oowoorikaxani, mukiruuhele. Kinooreherera.”

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

aHeberi 12:23

wa ekerexa ya matthaara, wa yaawo masinaaya alempwale wiirimu. Moophiya wa Muluku, Mphuki a atthu ootheene, ni wa minepa sa yaale akwanihenre okwanela,

Ahooleli 11:27

Nkoopakenleni etthu yoonanara, mene munkipakela yoonarara mukiwananaka. Yave ori mphuki athorihe olelo variyari wa aYixrayeli ni awAmoni.”