Epacerero 18:23 - Emakhuwa Bible

²³ Abrahaamu aamwaattamela, amweerelaka; “Weeraka munrowa waaphwata atthu oohikhala ni nthowa vamoha ni yaawo ari ni nthowa?”

Epacerero 18:23 Iomraidhean Croise

Epacerero 18:24

Noone ha: “Yakhala atthu miloko mithanu oohikhalano nthowa esidadeene yeele, munrowa ophwata? Khamunrowa wuurela nipuro nno niwoko na waasivela atthu miloko mithanu yaale ari mwemmo?

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Epacerero 20:4

Vano, Abimeleki nlelo eera ahinaaye okonano ni aaheera: “Yave munoophwata muloko woohikhalano nthowa?

2 Samuweli 24:17

Davide amoonakaru ndyelo aaphwataka atthu, aamweerela Yave: “Kitthenke ti yoomi kipakaka yoonanara. Atthu ala ari ntoko ikhondoolo paahi. Kheewo apankaaya. Kithorihiwe miyo ni emusaaka.”

Yobi 34:17

Weeraka yoowo onthanya ekhaikhai onoowera olamula? Nyuwo munoowera omuthoriha Yoowo ori oororomeleya ni ooweraxa?

Yobi 8:3

Weeraka Muluku onoopiritula ekhaikhai? Weeraka Muluku a ikuru sootheene onookhoromanyiha yeeyo eri yoowookoleleya?

Icipo 73:28

Vaheera wa miyo ti wooreera okhala vakhiviru wa Muluku. Koomuthanla Yave onlamula sootheene ntoko Wootthawelawaka; kinoolaleiya mitekosanyu sootheene.

Okhuma 23:7

Musembe milatthu soowoothera ni muhimwiive mutthu oororomeleya ni oohikhalano mulattu, niwoko nkinimulevelela nanthowa.

Yeremiya 30:21

Muhoolelaaya anaakhale mmoha a eriyaraaya; namalamula anaakhumelele eriyaraaya. Miyo kinoomuruuha vakhiviru ni owo onookaattamela; vano taani eera iileve akaattamelaka Miyo?’ onkoha Yave.

Nuumeru 16:22

Vaheera Moisesi ni Aharoni yaahuuramihelasa ekhove vathi, enamwaakhula: “Ii Muluku, Muluku onaavaha okumi ootheene, munoonyoonyeriwa muloko wootheene atthenkeene mutthu mmoha paahi?”

aHeberi 10:22

Tivawo, nimwaattamele Muluku ni murima wa ekhaikhai ni noosareya ni nroromelo, nikhalanaka mirima soomisiwa sa mathowa, ni nikhalanaka irutthusahu soorapihiwa ni maahi ootteela.

Yakobe 5:16

Tivawo mulapelane sootthekasanyu mukina ni mukhwaawe, ni muvekelelane mukina ni mukhwaawe weera mukhale oolamihiwa. Nivekelo na mutthu oororomeleya ti na ikuruxa ni noowereya.

Yakobe 5:17

Eliya aari mutthu ntoko hiyo. Owo aavekela ni nthiti weera ehirupe epula, ni khayaarupale wa iyaakha tthaaru ni eriyari ya eyaakha.