Epacerero 17:8 - Emakhuwa Bible

⁸ Vano elapo yootheene ya oKanaani, weiwo nyuwo vaanaano muraanyu namarwa, kinimoovahani ni wa ekhapiraanyu ntoko yawinyuweene yoohimala, ni nkikhale Mulukwaaya.”

Epacerero 17:8 Iomraidhean Croise

Epacerero 12:7

Vano vaavaale Yave aahiixoonihera wa Abraamu, anamweerela: “Kinoovahani elapo ela ni wa ekhapiraanyu yootheene.” Vanonto Abraamu aamutekela Yave altaari* vanipuroni nne iixoonihenraawe.

Epacerero 13:15

Elapo yootheene ela munoonaanyu, Miyo kinimoovahani nyuwo ni ekhapiraanyu yootheene wa mahuku ootheene.

Epacerero 13:17

Vano mweetteette elapo yootheene ela mipatta sootheene, niwoko kinimoovahani.”

Epacerero 23:4

“Miyo kiri paahi namarwa variyariwanyu. Mukithumihere nipuro weera kipake nihiye weera kimvithe mwaaraka.”

Epacerero 26:24

Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Epacerero 28:4

Ekhale ni weyo ni ekhapiraawo mareeliho aareelihiwaaweno Abrahaamu, weera weyo olamule elapo yeela onkhalaawo ntoko namarwa, aani elapweene yeela Muluku aamvanghaawe Abrahaamu.”

Epacerero 35:27

Vahoolowaya Yakobe aarowa waaxekura atithawe, Isaki, oMamre, vakhiviru ni oHeberoni, eyo tiiyo oKiriyati. Ti weiwo Abrahaamu ni Isaki yaamankaaya.

Epacerero 36:7

Sooreelasaya saari sincipale woohikwana okhala vamoha, niwoko elapo yaamankaaya khayaawera ociha mihuwo sa ooweeli.

Epacerero 37:1

Yakobe aamaka elapo ya oKanaani, weiwo yaamankaayawo atithawe ntoko namarwa.

Epacerero 48:4

akeerelaka: “Kinimoovahani ekhapira etokotoko ni mwa nyuwo nsikhumelele miloko sincipale. Nkivahe ekhapiraanyu elapo ela ntoko yawaya wa mahuku ootheene.

2 Samuweli 23:5

Emusaaka yohaakhuleliwa ni Muluku. Owo ookikhalihera wiiraana woohimala – woolipihiwa ni woororomelihiwa mmikhaleloni moothemwene. Vekhaikhai Owo onookeettiherela nnenesene mwa sootheene, akivahaka sootheene kinghaawelaaka.

1 Nyaha 16:18

“Wa nyuwo kinimoovahani elapo ya oKanaani ntoko yoohiyeriwa muneeraanyu mukuxe.”

Icipo 103:17

Vaheera osivela woororomeleya wa Yave ori woohimala wa yaale ammoova ni ekhaikhaiyaawe eri ni anamwane a anamwanaaya,

Icipo 105:11

“Kinimoovahani nyuwo elapo ya oKanaani ntoko yoohiyeriwa eri yawinyu.”

Icipo 105:9

aani onuupuwelela wiiraana aapankaawe ni Abrahaamu; nlipelo aapankaawe ni Isaki.

Okhuma 13:11

Vahoolo woowoovoleihani Yave mweelaponi ya aKanaani ntoko oororomelinghaaweni ni nlipelo nyuwo ni makholowaanyu, ni woovahani,

Okhuma 21:6

apwiyaaya eroiheke wa aphuki. Erongheke vamulako hoye hoye vaseremuni ni ethoroleke naarunaya. Hiiho epottha eyo eniikhale ya apwiyaaya wa mahuku ootheene.

Okhuma 29:45

Kinookhala variyari wa aYixrayeli kikhalaka Mulukwaaya.

Okhuma 32:13

Muupuwelele sa arumeiyaanyu Abrahaamu, Isaki ni Yakobe. Nyuwo mwaahiilipela: ‘Nkaandyeerere ekhapiraanyu ntoko ithenyeeri sa wiirimu ni kinoovaha elapo yootheene ela kaaroromelinghaaka. Eniikhale yoohiyeriwaaya wa mahuku ootheene.’”

Okhuma 40:15

Mwaattikitthele ntoko mwaattikitthenlaanyu atithaya weera ekirumeele ntoko asaserdoti*. Ottikittheliwawaya onookhaliha osaserdoti* woohimala wa ikhapira sootheene sinrwa.”

Okhuma 6:4

Vahoolowaya kookhaliha wiiraanyihawaka ni yaawo weera kaavahe elapo ya oKanaani, mwa weiwe yaamankaaya ntoko anamarwa.

Okhuma 6:7

Miyo kinimookhalihani mulokwaaka ni kinookhala Mulukwaanyusa. Vano nyuwosa mmwisuwele weera Miyo ti Yave Mulukwaanyu mwa Yoowo onootapuxani mmutekoni mumvarihiwaanyu ni awExipitu.

Yeremiya 25:5

Awosa yannaweerelani: “Murukunxe murima khula mutthu mweettelowaawe woonanara ni wa mapakelowaawe oonanara, ni nyuwosa munoopwaherera okhala mulaponi Yave oovanghaaweni nyuwo ni makholowaanyu wa mahuku ootheene.

Yeremiya 31:1

“Mweehuhuni eyo,” onghima Yave, “kinookhala Muluku a ipuumba sootheene sa aYixrayeli, ni awosa anookhala mulokwaaka.”

Ezekiyeli 11:20

Hiiho eniittharihe ikanosaka ni anoopasoopa wiiwelela malamulowaaka. Awosa anookhala mulokwaaka, ni Miyo kinookhala Mulukwaaya.

Ezekiyeli 33:24

“Mwaana a mutthu, muloko onkhala mmathalani mmwe a oYixrayeli, oneera: ‘Abrahaamu aari mulopwana mmoha paahi, ni naari hiiho yoowo aakhalano elapo. Vaheera hiyo nri ancipale; vekhaikhai nnimwaakhela elapo ntoko yawihuweene.’

Levitiku 14:34

“Mwaavolowaka mulaponi ya oKanaani Miyo kineeraaka koovaheeni ntoko yawinyu ni Miyo kiikaathera eretta yoowoopiha ya muxirini enamwareela mpaani mweelaponi eyo,

Levitiku 16:34

Ekanowaanyu yoohimala ti ela: orehererela wiiwanana ni Yave opakiweke emaara emoha vayaakhani wa soottheka sootheene sa aYixrayeli.” Ni sootheene saapakiwa ntoko Yave aamulamulenlaawe Moisesi.

Levitiku 26:12

Kinimweetta variyariwanyu ni kinookhala Mulukwaanyu ni nyuwosa munookhala mulokwaaka.

Zakariya 8:8

Miyo kinimwaahokoloxera weera ekhale oYerusaleemu; awosa anookhala mulokwaaka ni Miyo kinookhala Mulukwaaya moororomeleyani ni mweekhaikhaiyini.”

Nuumeru 10:29

Vano Moisesi aamweerela Hobabi, mwaana mulopwana a mMidiyani Rewuyeli, atatawe oowaathelela Moisesi: “Ninttimula nirowaka vanipuroni mwa nenne Yave eenraawe: ‘Miyo kinimoovahasani.’ Murowe ni hiyo, ni nnimookosoopani nnenesene niwoko Yave oororomeliha itthu sooreera wa aYixrayeli.”

Nuumeru 25:13

Okhuma vanaano vaava owo mpaka ikhapirasawe onookhala wiiraana wa osaserdoti* woohimala, niwoko owo oomukhalela nthiti Mulukwaawe aarehererelaka aYixrayeli wiiwanana ni Muluku.

Nuumeru 27:12

Vano Yave aamweerela Moisesi: “Ngwele mwaako ola ori mpatta wa nyaako siniitthaniwa Abarimi ni moone elapo kaavanghaaka aYixrayeli.

Miteko 7:5

Khaavanghe yoohiyeriwa* hata vakhaani mweelaponi ela. Mulukutho aaroromeliha weera Abrahaamu, ni vahoolowawe ekhapiraawetho, eniiphwanye elapo ela, naamwi ehuhuweene yeele ahaakhanleno anamwane.

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

Deuteronomiyo 26:18

Olelo Yave oohimatho weera nyuwo ti mulokwaawe xaxaxa ntoko Owo aaroromelinghaawe ni weera nyuwosa mwiiwelelaseke malamulowaawe ootheene.

Deuteronomiyo 29:13

Owo ontthuna weera nyuwo mukhale mulokwaawe ni Owo akhale Mulukwaanyu, ntoko aaroromelinghaawe makholowaanyu Abrahaamu, Isaki ni Yakobe.

Deuteronomiyo 32:49

“Murowe mmanyaakoni sa Habarimi, mwawele mwaako Nebo ori oMowabe, ohoolo wa oYeriko ni moonewo oKanaani, elapo kineeraaka kaavahe aYixrayeli ntoko yawaya.

Deuteronomiyo 32:8

Muluku musulusulu avangheene miloko soohiyeriwasaya; Owo akawelaka omutthu wootheene, aakhaliha mwiinano wa miloko, attharihaka waatta wa anamwane a aYixrayeli.

Deuteronomiyo 34:4

Vano Yave aamweerela: “Ele ti elapo kaaroromenlinghaaka ni nlipelo omvaha Abrahaamu, Isaki ni Yakobe kaaweerenlaaka: ‘Kinoovaha ekhapiraanyu.’ Kohootthuniherani woona ni maithwaanyu, vaheera khamvolowamo.”

Deuteronomiyo 4:37

Aahookhumihani wExipitu ni owerawawe otokotoko niwoko na waasivelawawe makholowaanyu ni othanlawawe ikhapirasaya.

Deuteronomiyo 9:5

Khoohiyono niwoko na waakhuleliwawanyu ni Muluku naari oreerawanyu murima muneeraanyu mwakuxe elapwaaya, mene niwoko na otakhala wa miloko iyo. Yave Mulukwaanyu onimoomola ohoolowanyu weera akwanihere yeeyo aaroromelinghaawe ni nlipelo makholowaanyu Abrahaamu, Isaki ni Yakobe.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

Yoxuwa 1:2

“Murumeiyaaka Moisesi, ohookhwa. Vano, nyuwo ni muloko wootheene ola mwiirehererase weera mulapuwe mooloko Yordanu ni mwavolowe mweelaponi kineeraaka kaavahe aYixrayeli.

Ethupululo 21:7

Namawina anaakhele soothesene iya ni Miyo nkikhale Mulukwaawe, ni owo mwanaka.