Epacerero 17:7 - Emakhuwa Bible

⁷ Kinookhaliha wiiraanawaka ni nyuwo, ni ekhapiraanyutho ya muhoolo, ntoko wiiraana woohimala. Miyo nkikhale Mulukwaanyu, ni Muluku a ekhapiraanyu.

Epacerero 17:7 Iomraidhean Croise

Epacerero 15:18

Nihiku nenenenne Yave aakhaliha wiiraana onttharelana ni Abraamu: “Kinoovaha ekhapiraanyu elapo ela, okhuma mukhwipi mwa wExipitu mpaka mooloko mutokweene Efratesi.

Epacerero 17:13

Hata ekhalaka a vaatewanyu, naari oothummwa, ontthuneya wiineliwa. Wiiraanyihawaka wiikaathiwe mweerutthunimwanyu onuukhale wiiraana woohimala.

Epacerero 17:19

Muluku aamwaakhula: “Vekhaikhai Sara onimooyarelani mwaana mulopwana ni nyuwo mmunttehe Isaki. Nkikhalihe wiiraanyihawaka ni yoowo ni ekhapiraawe ya muhoolo ntoko wiiraana woohimala.

Epacerero 26:24

Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Epacerero 28:13

Yave aari mukhwipimwaya, aneera: “Miyo ti Yave, Muluku a Abrahaamu apwiyaanyu ni Muluku a atithinyu Isaki. Elapweene yeela mukonnaanyu kinikoovaheeni, vamoha ni ekhapiraanyu yootheene.

Epacerero 6:18

Vano kinookhaliha wiiraana ni nyuwo. Ontthuneya ovolowa munikulani nyuwo vamoha ni amwaarinyu, anamwaniinyu ni axaarayatho.

Epacerero 9:16

Imaara sootheene muura oneeraaya okhumeke mmahutteni, nkiwehe yoowo ni nkuupuwelele wiiraana woohimala variyari wa Muluku ni itthu sa okumi sootheene sinkhala mweelaponi ya vathi.”

2 Samuweli 7:24

Nyeenyuweene mookhaliha mulokwaanyu, aYixrayeli, ntoko wawinyu wa mahuku ootheene ni Nyuwo, Yave, moothatuwa Mulukwaaya.

1 Nyaha 16:13

ii! Ekhapira ya Yixrayeli, murumeiyaawe, ii! Anamwane asilopwana a Yakobe, oothanliwaawe.

1 Nyaha 16:14

Owo ti Yave, Mulukwaahu; soolamulasawe sinooneya mulaponi yootheene.

Icipo 81:10

Miyo ti Yave Mulukwaanyu, mwa Yoowo ookhumihaleni wExipitu. Mwaathame ni kinimoocihani.

Okhuma 3:15

Muluku aamweerelatho Moisesi: “Mwaaleele aYixrayeli: ‘Yave, Muluku a atithinyu, Muluku a Abrahaamu, a Isaki ni a Yakobe ti Yoowo okirumihale wa nyuwo.’ Nna ti Nsinanaka wa mahuku ootheene, Nsina mwa nenno kineeraaka kuupuweleliweno ikhapira ikhapirasene.

Okhuma 3:6

Aapwaherera eeraka: “Miyo ti Muluku a atithinyu; Muluku a Abrahaamu, a Isaki ni a Yakobe.” Vano Moisesi aakhuneela ekhovaawe niwoko aahoova ongweha Muluku.

Okhuma 6:4

Vahoolowaya kookhaliha wiiraanyihawaka ni yaawo weera kaavahe elapo ya oKanaani, mwa weiwe yaamankaaya ntoko anamarwa.

Okhuma 6:7

Miyo kinimookhalihani mulokwaaka ni kinookhala Mulukwaanyusa. Vano nyuwosa mmwisuwele weera Miyo ti Yave Mulukwaanyu mwa Yoowo onootapuxani mmutekoni mumvarihiwaanyu ni awExipitu.

Yesaya 61:8

Vano Miyo, Yave, kinsivela ekhaikhai; kinthanya wiiya ni sootakhala sootheene. Moororomeleyanimwaka kinimwaavaha ntthuvelo ni kinoopaka wiiraana woohimala ni yaawo.

Yeremiya 31:1

“Mweehuhuni eyo,” onghima Yave, “kinookhala Muluku a ipuumba sootheene sa aYixrayeli, ni awosa anookhala mulokwaaka.”

Ezekiyeli 28:26

Awosa anookhalawo oolipeene, anooteka impa, ephatteyeke ivideira*; anookhala oolipeene Miyo kaattaruxaka amwaattamanaaya ootheene yaapakenle yoonanara. Hiiho, awosa anoosuwela weera Miyo ti Yave Mulukwaaya.’”

Levitiku 11:45

Miyo ti Yave ookhumihaleni wExipitu weera kikhale Mulukwaanyu; tivawo: mukhaleke ootteela niwoko Miyo ti Ootteela.

Levitiku 25:38

Miyo ti Yave Mulukwaanyu kookhumihaleni wExipitu weera koovaheeni elapo ya oKanaani ni kikhale Mulukwaanyu.

Levitiku 26:12

Kinimweetta variyariwanyu ni kinookhala Mulukwaanyu ni nyuwosa munookhala mulokwaaka.

Levitiku 26:44

Hata hiiho, awosa ereene mweelaponi mwa amwiittanaaya, nkaakhootta naari nkaaramusa. Nkaaphwata woomalela kimalihaka hiiho wiiraanawaka ni yaawo. Miyo ti Yave Mulukwaaya.

Levitiku 26:45

Mwaha wa waasivelawaka kinimuupuwelela wiiraana ni makholowaaya kaakhumihalaaka wExipitu vamaithoni wa miloko weera kikhale Mulukwaaya. Miyo ti Yave.’”

Levitiku 26:9

Miyo kinookhala ni nyuwosa ni kinimoorelanyihani; kinoowaattihani kipwahererihaka wiiraanawaka ni nyuwosa.

Mikeyasi 7:20

Munoomoonihera Yakobe ororomeleya, ni munoommorela ikharari Abrahaamu, ntoko mwaaroromelinghaanyu ni nlipelo makholowaahu khalayeene.

Matheyo 22:32

‘Miyo kiri Muluku a Abrahaamu, Isaaki ni Yakobe’? Owo khahiyono Muluku a akhwiiye, mene a akumi!”

Marku 10:14

Oonaka yeeyo, Yeesu aanyoonyiwa ni aaweerela: “Mwaahiyeke anamwane eweeke wa Miyo, ni muhiwooceelihe, niwoko omwene wa Muluku ori wa yaale anlikana ntoko yaawo.

Miteko 2:39

Vano, yoororomelihiwa ela ti yawinyu, ya anamwanaanyu ni ya ootheene ari ottaiwene, ya ootheene yaawo Apwiya Mulukwaahu eneeraaya ewiitthane.”

aRooma 9:4

muloko wa oYixrayeli. Waakhuleliwa ntoko anamwane ti wawaya; ovuwa wa wiirimu ti wawaya. Soowiiraanyiha, waakhuleliwa wa nlamulo, olapa Mpaani mwa Muluku, ni soororomelihiwa – sootheene siri sawaya.

awEfeso 2:2

mwa seiyo mweettelaanyu, muttharihaka mukhalelo wa elapo ya vathi ela, aani mwaamuttharaanyu mutokweene a ikuru sa opheyoni, munepa owo omvara muteko vaanaano mwa yaawo ankhala ni ettiyamaaru.

Deuteronomiyo 29:13

Owo ontthuna weera nyuwo mukhale mulokwaawe ni Owo akhale Mulukwaanyu, ntoko aaroromelinghaawe makholowaanyu Abrahaamu, Isaki ni Yakobe.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

aHeberi 8:10

Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

Ahooleli 2:1

Ndyelo a Yave aakhumme oGiligali arowaka oBokimi, aneera: “Kohookhumihasani wExipitu ni kaahooruhasani elapo kaaroromelinghaaka ni nlipelo waavaha makholowaanyu. Miyo kaaheera: ‘Nkirwa kiphwata wiiraanawaka ni nyuwo,