Epacerero 17:16 - Emakhuwa Bible

¹⁶ Vano Miyo nkimureelihe, nitho mwa yoowo kinimoovahani mwaana. Aani, Miyo nkimureelihe, ni mwa yoowo nsikhumelele miloko ni mamwene a miloko.”

Epacerero 17:16 Iomraidhean Croise

Epacerero 1:28

Muluku aahaareeliha ni aaweerela: “Mwaandyeereraneke. Musareyeke ni mulamuleke elapo ya vathi yootheene. Mulamuleke ihopa mphareiyani; ipalame sa wiirimu ni inama sootheene sa mweelaponi ya vathi.”

Epacerero 12:2

Wa nyuwo kinookhaliha muloko mutokotoko. Kinimooreelihani ni Miyo kinimoovahani epili. Vano nyuwo munookhala nreeliho.

Epacerero 15:4

Vano Yave aamwaakhula: “Kharwa akhala yoowo namahiyeriwaanyu. Hoye, mwaana muneeraanyu mungyare aneera akhale namahiyeriwaanyu.”

Epacerero 17:15

Vano Muluku aamweerelatho Abrahaamu: “Okhuma vanaano vaava mpaka ohoolo, amwaarinyu kheerwa yiitthaniwatho Sarai; nsinanaya nnikhale Sara.

Epacerero 17:19

Muluku aamwaakhula: “Vekhaikhai Sara onimooyarelani mwaana mulopwana ni nyuwo mmunttehe Isaki. Nkikhalihe wiiraanyihawaka ni yoowo ni ekhapiraawe ya muhoolo ntoko wiiraana woohimala.

Epacerero 17:6

Kinimoovahani ikhapira soowaattaxa ni wa nyuwo nseereke okhumelela miloko soohiyanahiyana, aani, eniikhumelele mamwene variyari wa ekhapiraanyu.

Epacerero 21:1

Vano Yave aamuxekura Sara ni aampakela ntoko aamuroromelinghaawe.

Epacerero 24:60

Yaamureeliha Rebeka emweerelaka: ”Wunnuwe murokorihu mpaka okhale maayi a atthu ancipalexa! Ekhapiraawo ewine isidade sa amwiittanaawo.”

Epacerero 25:23

Yave aamweerela: “Miloko miili sa atthu siri mmirimanimwanyu. Miloko miili sa atthu sinookhuma murukulunimwanyu. Mmoha wa seiyo onuukhale woolipaxa, mene mutokweene anamurumeele mukhaani.”

Epacerero 35:11

Aamweerelatho: “Miyo ti Muluku a ikuru sootheene. Muyaraneke ni mwaandyeereraneke. Vano muloko, aani mpaka miloko sincipale, nsikhumelele mwa nyuwo, ni eniikhale mamwene variyari wa ekhapiraanyu.

Epacerero 36:31

Ala yaari mamwene yaalamula mweelaponi ya wEdomi, ahinaaye okhala mwene variyari wa aYixrayeli:

Yesaya 49:23

Mamwene anookhala anamakosoopaanyu ni mapwiyamwenaaya oowaamwihaanyu. Awosa animookokhorelani ephiihaka muruwaaya vathi; anoolata ntthupi na inaawosanyu. Vano, munoosuwela weera Miyo ti Yave; yaale ankiroromela Miyo annapwaneya.”

aRooma 9:9

Vano ti hiihaawo yoororomelihiwa epakiwaaya: “Ehuhu yootthuneya nkirwe veeli, ni Sara anaakhale ni mwaana.”

aGalata 4:23

Mwaana a epottha aayariwe munkhaleloni wa erutthu, mene mwaana a neethi aayariwe niwoko na yoororomelihiwa.

1 Pedru 3:6

ntoko Sara, aamwiiwelelaawe Abrahaamu ni aamwiitthana apwiya. Nyuwo muri anamwanaawe Sara mwapaka yooreera ni mwaahoova.