Epacerero 1:1 - Emakhuwa Bible

¹ Ompacereroni Muluku aapattuxa erimu ni vathi.

Epacerero 1:1 Iomraidhean Croise

2 Mamwene 19:15

Hizekiya aamvekela Yave: “Ii! Yave, Muluku a aYixrayeli, mukilaathiye variyari wa akerubini*, ti Nyuwo paahi muri Muluku a mamwene ootheene a elapo ya vathi. Moopattuxa wiirimu ni vathi.

1 Nyaha 16:26

Miluku sootheene sa miloko ti soowootha, vaheera Yave oopaka irimu.

2 Nyaha 2:11

Hirami, mwene a oTiro, aamwaakhula Salomoni mukarattani: “Yave onnasivela mulokwaawe, tivawo ookhalihalaaweni mwenaaya.”

Nehemiya 9:6

Nyuwo paahi ti Yave. Moopattuxa erimu ya osulusulu ni ithenyeerisaya; elapo ya vathi ni sootheene sirimo; iphareiya ni sootheene sirimo. Moovaha okumi wa itthu sootheene ni anakhotto a wiirimu annoolapani.

Yobi 26:13

Iphumusawe saaphwaneliha erimu; ntatanawe naahoma enowa yoowiipirikixa.

Yobi 38:4

Mwaari woowi kaapakaka mathipelo a elapo? Mwiiwexexa, mukaakhuleke.

Yobi 9:8

Owo paahi onkunga irimu ni oneetta vasulu wa mitekuteku sa ephareiya.

Icipo 102:25

Ompacereroni mwaakhaliha mathipelo a elapo ya vathi ni wiirimu woopakiwa ni matataanyu.

Icipo 104:24

Ii! Yave! Sincipalexa ti soopakasanyu! Moopaka sootheene seiyo mmirukunimwanyu. Elapo yoosareya itthu mpattunxaanyu.

Icipo 104:30

Mwiiseelelaka ngwiyaanyu, iyo sinoophattuwa ni munrehereratho mulaponi.

Icipo 115:15

Nyuwosa mureelihiwe ni Yave, Mpattuxa a wiirimu ni vathi.

Icipo 121:2

Ekhaviherowaaka enrweela wa Yave opanke erimu ni vathi.

Icipo 124:8

Ekhaviherowaahu ti mwa Nsina na Yave, Mpattuxa a erimu ni vathi.

Icipo 134:3

Yave, Mpattuxa a erimu ni vathi ooreeliheni oSiyoni.

Icipo 136:5

Ti Yoowo opattunxe erimu moorattani. Osivelawawe ompwaherera wa mahuku ootheene.

Icipo 146:6

Owo ti Mpattuxa a erimu ni vathi, ephareiya ni sootheene sirimo; Owo ompwahereriha ororomeleyawawe mahuku ootheene.

Icipo 33:6

Erimu yaapattuxiwa ni nsu na Yave; ithenyerisaya saapattuxiwa ni iphumu sa eyanowaawe.

Icipo 33:9

Vano Owo aahuuluma ni sootheene saapakeya; Owo aalamula ni sootheene saakhumelela.

Icipo 8:3

Miyo kaatthokelelaka irimusanyu – miteko sa ikathasanyu – mweeri ni ithenyeeri mukhalihalaanyuwo,

Icipo 8:4

vano kiniikoha: Mutthu taani oophwanela omuupuwela Nyuwo; omutthu eheeni wootthukuruwela?

Icipo 90:2

Nyaako sihinaaye okhala naari Nyuwo muhinaaye opattuxa wiirimu ni vathi, aani, okhuma ompacereroni mpaka ommaleloni Nyuwo ti Muluku.

Icipo 96:5

Miluku sootheene sa miloko ti miluku soowootha, vaheera Yave oopattuxa erimu.

Okhuma 20:11

Vano wa mahuku mathannamosa Yave aapattuxa erimu ni vathi, ephareiya ni sootheene siri mwemmo, mene nihuku nanaathannameeli aahiitthuuwa. Tivawo Yave oreelinghaawe nihuku nanaathannameeli atteelihaka.

Okhuma 31:18

Amalihakaru wuuluma ni Moisesi vamwaako Sinayi, Yave aamvaha itthaabwa piili sa Namoona, itthaabwa sa maluku soolempwa ni ekatha ya Muluku.

Masu a Miruku 16:4

Yave ompakela sootheene mwa yeeyo onuupuwelelaawe; mpaka atakhali wa nihuku na nttaruxo.

Masu a Miruku 3:19

Mmirukunimwawe Yave oopaka mathipelo a etthaya, mwaakhilinimwawe oolipiha erimu vanipuroniwaya;

Namalaleiya 12:1

Omuupuwelele Mpattuxaawo mmahukuni a omiravowaawo, ehinaaye ophiyera mahuku a makacamiho ni okhuveela iyaakha oneeraawo weere: “Nkinghakalalela seiyo,”

Yesaya 37:16

“Ii! Yave, Muluku a aYixrayeli, mukilaathiye variyari wa akerubini*, ti Nyuwo paahi muri Muluku a mamwene ootheene a elapo ya vathi. Moopattuxa wiirimu ni vathi.

Yesaya 40:21

Khamusuwenle? Khamwiiwale? Khamuthaliheringwe okhuma ompacereroni? Khamwiiwexenxe okhuma ephattuwelo ya elapo ya vathi?

Yesaya 40:26

Ngwehe osulu, moone: taani opattunxe itthu sootheene iya? Yoole onkhaliha ni ontteha khula ethenyeeri. Kheendyuwaru niwoko na ikurusawe ni owerawawe otokotoko.

Yesaya 40:28

Weeraka khamusuwenle? Khamwiiwale? Yave ti Muluku Oohimala, Mpattuxa a elapo yootheene. Owo khankhulumuwa naari khantomba, ni khawowo ongwera oringa mirukusawe.

Yesaya 42:5

Muluku Yave ti Yoole opattunxe irimu ni aatanle seiye, Yoole otanunxe etthaya ni sootheene simmelamo, Yoole onaavaha ngwiya amakaaya ni okumi wa sootheene sinkhalamo. Vano, Mulukweene Yoowo oneera ha:

Yesaya 44:24

Vano Yave Mvuluxaanyu oopankeni mmirimani mwa amayinyu oneera ha: “Miyo ti Yave kipanke itthu sootheene; Miyo paahi kikunge erimu ni kiitapuruxenle elapo.

Yesaya 45:18

Vano Yave opattunxe wiirimu – Owo ti Muluku; Owo oopattuxa elapo ya vathi; ti yoowo oompe etthaya. Khaanse opattuxa, mene weera ekhaliwe. Vano Mulukweene Yoowo oneera ha: “Miyo ti Yave ni khawoworu mukina.

Yesaya 51:13

Munimuttiwalelani Yave Mpattuxaanyu, mwa Yoole okunge erimu ni opanke mathipelo a elapo? Heeni munkhalaanyu ngwoovani mahuku ootheene niwoko na isara sa anamahasula antthunaxa ophwata? Vano siri woowi isara sa anamahasula?

Yesaya 51:16

Koohela maswaaka vayanoniwanyu ni kohoothokororani mmunttuusini mwa matataaka – Miyo kinkunga erimu kihelaka mathipelo a elapo ni kineerela oSiyoni: ‘Nyuwo mulokwaaka.’ ”

Yesaya 65:17

“Moone, kinoopattuxa irimu ni ilapo sinyowani. Itthu sa khalayi khasuupuweleliwa hata khasikhalatho mmuupuweloni.

Yeremiya 10:12

Vano ti Muluku opattunxe elapo ya vathi ni ikurusawe; Owo aakhaliha yeeyo ni mirukusawe ni aakunga erimu ni wiiwexexawawe.

Yeremiya 32:17

Ii! Yave onlamula sootheene, Nyuwo moopaka erimu ni vathi mooweranimwanyu otokotoko ni mwa moonowaanyu woowookowa. Kheewo enoorikani.

Yeremiya 51:15

Vaheera ti Muluku opattunxe elapo ya vathi ni ikurusawe; Owo aakhaliha yeeyo ni mirukusawe ni aakunga erimu ni wiiwexexawawe.

Zakariya 12:1

Ala ti masu a Yave mwaha wa aYixrayeli. Yave onkunga erimu, ompaceriha mathipelo a elapo ya vathi ni opattunxe munepa wa mutthu mpuwamwawe, vano Owo onghima:

Matheyo 11:25

Ehuhuweene yeele, Yeesu aaheera: “Miyo kinootthapelani Nyuwo, Atiithi, Apwiya a wiirimu ni vathi, niwoko mohaavithera itthu iya asuweli ni anamiruku, ni mwaawoonihera asikhaani.

Marku 13:19

niwoko mahukweene yaawo eniikhale mahuku a ohaawaxa ntoko kheeneereiye okhuma ehuhuweene yeele Muluku aapattunxaawe elapo ya vathi mpaka vaanaano vaava, hata kheerwa yeereiyatho.

Miteko 14:15

“Alopwana, heeni nyuwo mumpakaanyu yeeyo? Hiyotho nri atthu ntoko nyuwo. Ninooruuhelani masu ooreeraxa niweerelakani mususe mwa itthusene seiyo sa siiyo, ni muhokoleele wa Muluku mukumi opanke erimu, elapo ni ephareiya ni sootheene siri mwemmo.

Miteko 17:24

Muluku opanke elapo ya vathi ni sootheene siri mwemmo, ti Apwiya a wiirimu ni a elapo ya vathi, ni Owo khammaka impa soopakiwa ni atthu.

Miteko 4:24

Yiiwaka yeeyo, ootheene yaamvekela Muluku yeeraka: “Muluku onlamula soothesene, Nyuwo moopaka wiirimu, elapo ya vathi, ephareiya ni sootheene siri mwemmo!

aRooma 11:36

Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.

1 aKorinto 8:6

mene wa hiyo ookhala Muluku mmoharu paahi, Atiithi, mwa Yaawo sinkhumelela itthu sootheene, nitho wa Yaawo hiyo nnaakhalelaahu. Aritho Apwiya Yeesu Kristu amoharu paahi, mwa Yaawo saakhumelenle itthu sootheene, ni niwoko na Yaawo hiyo ninkhalaahu.

awEfeso 3:9

ni waathalihera ootheene mutekwaaya wa ntikhinelo nna, mwa nenno okhuma khalayi naahiipithihiwa mwa Muluku, mwa Yoowo opanke itthu sootheene.

aHeberi 1:10

Vanotho eenre: “Ompacereroni Nyuwo, Apwiya, mwaahiiyaathi mathipelo a elapo ni wiirimu ori miteko sa matataanyu.

aHeberi 1:2

mahukutho ookisera ala uulumale ni hiyo mwa Mwaana, mwa Yoowo aamukhalinghe Namwaakhela a itthu sootheene, ni mwa Yoowo Muluku opankaawe ephattuwelo yootheene.

aHeberi 11:3

Ni nroromelo ninniiwexexa weera ephattuwelo epattuxiwe ni nsu na Muluku, moota wooweera itthu soowooneya sikhumme mwa soohooneya.

aHeberi 3:4

Khula empa entekiwa ni mutthu, mene Muluku ori Namateka a sootheene.

2 Pedru 3:5

Vaheera awo animwiittiwaliha mwayiini weera khalayi, niwoko na masu a Muluku, waakhala wiirimu ni elapo, ni eyo yaapattuxiwe ni maahi ni yiikaathiwe variyari wa maahi.

1 Yohaane 1:1

Ninlaleiya mwaha wa Nsu na okumi, mwa nenno naari okhuma ompacereroni. Aani ninlaleiya nenno niiwalaahu, noonnaahu ni maithwaahu, naawehawehaahu, ni nenno matataahu yaattaputtenraaya.

Ethupululo 10:6

ni aamulipela Yoole onkhala wa mahuku oohimala, Yoole opattuxale wiirimu ni sootheene siri mwemmo, elapo ni sootheene siri mwemmo ni ephareiya ni sootheene siri mwemmo, eeraka: “Khoorwa opisatho.

Ethupululo 14:7

Owo aaheera ni nsu ntokotoko: “Mmoove Muluku ni mumvuwihe, niwoko yoophiya ehuhu ya othorihawawe. Munlape Yoole opanke erimu, etthaya, ephareiya ni anaattuuttu a maahi.”

Ethupululo 21:6

Aakeerelatho: “Yoopakiwa. Miyo ti Alfa* ni Omega*, Epacerero ni Emalihero. Wa yoowo anaavoliwe ntthona, nkingwurihe woohiliva maahi a naattuuttu a okumi.

Ethupululo 22:13

Miyo ti Alfa* ni Omega*, Oopacera ni Ookisera, Epacerero ni Emalihero.

Ethupululo 3:14

“Wa ndyelo a ekerexa eri ya oLawodiseiya, mulepe: Awo ari masu a Ame*, Namoona oororomeleya ni a ekhaikhai, Namalamula a ephattuwelo ya Muluku.

Ethupululo 4:11

“Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”