Ecipo Yooreeraxa 4:6 - Emakhuwa Bible

⁶ Ohinaaye oxa, ni ohilakaseiye munttuusi, kinoorowa omwaako wa emira* ni onttumuxani na erubani*.

Ecipo Yooreeraxa 4:6 Iomraidhean Croise

Icipo 66:15

Kinimoopakelani sooveleela sa axinama ooneneva ni sa anapunci mwa yaawo mwiixaaya onootthuwela wa Nyuwo vamoha ni sa imombe ilopwana ni sa ipuri. Sela*

Okhuma 20:24

Mwakitekele altaari* a etthaya ni mwa yaawo mukipakeleno sooveleela soohisa ni sa murettele, eyo tiiyo ikhondoolosanyu ni imombesanyu. Weiwo kineeraka kitthunihere ovuwihiwa Nsinanaka, kinimoorweelani ni kinimooreelihani.

Okhuma 30:8

Ahiseketho erubani* apattihaka onyaari wiilaka weera ehisiwe erubani* woohihiyerera ohoolo wa Yave wa khula ekhapira.

Okhuma 37:29

Aaheekatho makhura ootteela oottikitthelano ni erubani* yoowunkhelaxa yooreera – oopakiwa ni namweeka.

Ecipo Yooreeraxa 2:17

Muhokolowe oosiveleyaaka ohinaaye wiila ni sihinaaye olakaseya nyunttuusi; mukhale ntoko naahe hoye hoye ntoko napunci a naahe mmattumuxani oovinavineya.

Ecipo Yooreeraxa 3:6

Taani yoowo onrwa aweelaka munikareni ntoko otthuwa wa mwiixi, wunkhelihiweene ni makhura a emira*, erubani* ni itthu sootakansiwa ni makhura ooreera sootheene sa anamathumiha?

Ecipo Yooreeraxa 4:14

enardu* ni esafarano*, etthu yoowunkhelaxa ni ekanela, vamoha ni nyiri sootheene soowunkhela, emira*, ni alowe* ni soosivasiva sikinatho.

Ecipo Yooreeraxa 8:14

Murwe woowaakuveya, oosiveleyaaka, ni mukhale ntoko naahe hoye hoye ntoko napunci a naahe mmanyaakoni moosareya soosivasiva.

Yesaya 2:2

Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Luuka 1:78

Elevelelo ele ti niwoko na omoreliwa ikharari sa Mulukwaahu. Owo anaanixekure wa osulu ntoko nsuwa nikhumaka

2 Pedru 1:19

Nsu noolaleiwa ni maprofeeti nookhalano noolipaxa, ni wa nyuwo onuukhale wooreera mwiiwelela nnenesene nsu nno, ntoko nireene onyaari onaara vanipuroni nri ni epiphi, mpaka oyaaka ni oxa, ni Tthanda aakhumme mmurimanimwanyu.

1 Yohaane 2:8

Wa soothesene, nlamulo kinoolepelaakani ti nnyowanitho. Ekhaikhai ya nlamulo nna ninoowera woona mwa Yeesu ni mwa nyuwo, niwoko epiphi enoomalamala, ni waara wa ekhaikhai onimwaara.

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”

Ethupululo 5:8

Yaakhelaka, ikhalelo ixexe sa okumi ni asitokweene miloko miili naaxexe yaakokhorela ohoolo wa Eputtiputthi. Khula mutthu a yaale aakhalano makita ni nyaapu soopakiwa ni eyuuma yoorikaxa soosareya ni mwiixi woowunkhela, mwa yoowo ori mavekelo a atthu ootteela,