Ecipo Yooreeraxa 2:9 - Emakhuwa Bible

⁹ Oosiveleyaaka ori ntoko naahe, aani ntoko napunci a naahe. Moone! Owo ori wiithela exiraahu, aweheraka muxanelani, athurumelaka mmwiikitthoni.

Ecipo Yooreeraxa 2:9 Iomraidhean Croise

2 Samuweli 2:18

Anamwane asilopwana araru a Zeruha yaariwo: Yowabi, Asaheli ni Abixai. Vano Asaheli munsaatalani aatthimaka ntoko naahe.

Masu a Miruku 5:19

naahe oosiveleyaxa, eveyado* yooyevela; mapele a mwaariyo yoovonihe ni ohakalala, ni mahuku ootheene okuxakuxiwe ni osivelawawe.

Masu a Miruku 6:5

Wiitapuxe ntoko oniitapuxaawe naahe wa namalupattha, ntoko mwaapalame ntaphani nnimphariha.

Masu a Miruku 7:6

Waxanelani wa empaaka kaaweha kithurumelaka wa mwiikitthoni,

Ecipo Yooreeraxa 1:16

Moota mureenraanyu oosiveleyaaka! Ii! Moota mutikhiniheiyaanyu! Vamunyepuni wootikanela ti wookonawahu.

Ecipo Yooreeraxa 2:17

Muhokolowe oosiveleyaaka ohinaaye wiila ni sihinaaye olakaseya nyunttuusi; mukhale ntoko naahe hoye hoye ntoko napunci a naahe mmattumuxani oovinavineya.

Ecipo Yooreeraxa 2:7

Asithiyana a oYerusaleemu, miyo kinoodyoonttelelani mwa anaahe ni ikorsa sa ntuphini: muhivenye mukhoveni hata muhitannye osivela ehuhuwaaya ehinaaye.

Ecipo Yooreeraxa 3:5

Asithiyana a oYerusaleemu, miyo kinoodyoonttelelani mwa anaahe ni ikorsa sa ntuphini: muhivenye mukhoveni hata muhitannye osivela ehuhuwaaya ehinaaye.

Ecipo Yooreeraxa 8:14

Murwe woowaakuveya, oosiveleyaaka, ni mukhale ntoko naahe hoye hoye ntoko napunci a naahe mmanyaakoni moosareya soosivasiva.

Luuka 24:35

Eeli ale yaahaathalihera seiyo seereiye mphironi, ni moota yaamusuwenlaaya Yeesu Owo ameyanyihaka ipaawu.

Yohaane 12:41

Yesaya aahima yeeyo niwoko aahoona ovuwa wa Yeesu ni aahuuluma sa Yoowo.

Yohaane 5:39

Nyuwo munsoma Yoolempwa* nnenesene niwoko munuupuwela weera mmwiphwanyemo okumi woohimala. Ti Yoolempwa* enkikhalela onamoona.

Yohaane 5:46

Nyuwo mwaamuroromela Moisesi, saano mukiroromenleenetho Miyo niwoko owo aalepa mwaha wa Miyo.

1 aKorinto 13:12

Vekhaihai, vaanaano nnoona ntoko muloolani ni mmaxiripuloni, mene ohoolowaya, nnoone ekhove ni ekhove. Vaanaano va kinsuwela vakhaani, mene ohoolowaya nkisuwele nnenesene, ntoko kiraaka oosuweliwa nnenesene.

aKolosi 2:17

Itthu iya siri irungu sa yeeyo yeera erwe; wa soothesene, ekhaikhai emphwanyaneya mwa Kristu.

aHeberi 10:1

Nlamulo ti munttuusi paahi wa sooreera sineera sirwe, ohikhanle ekhaikhai ya seiyo. Tivawo, khaningwera waakwaneliha ni sooveleelasene seiyo simvahiwa eyaakha ti eyaakha yaawo anaattamela weera elape.

Ethupululo 19:10

Kaamorela inaawosawe weera kimulape, mene owo aakeerela: “Muhipake yeeyo! Kiri murumeiyi ntoko nyuwo, ni ntoko axunninyu anlipihera moota woororomeleya onamoona wa Yeesu. Mmulape Muluku! Vano, okhalela onamoona mwaha wa Yeesu ti othalihera otthuna wa Muluku mmunepani.”

Ahooleli 5:28

Amayawe Sisera yannaweha ereene vaxanelani ekhuwelaka wiithela exanela: ‘Ekaarwaawe ya ikavalu* empiseraxani? Ohiniiwanyeela heeni oruma wa ekaarwaawe?’