Ecipo Yooreeraxa 1:3 - Emakhuwa Bible

³ Wunkhela wa makhuraawe ti wooreera; nsinanawe ninlikana makhura oowunkhela ooyeehiwa. Kheehiyono yootikhiniha weera asimwali animoosivelani!

Ecipo Yooreeraxa 1:3 Iomraidhean Croise

Icipo 133:2

Onlikana ni makhura ooreeraxa amiineliwe vamuru enakhwalalela mureruni, aani ireru sa Aharoni, mpakatho ekolarinya ya malayaawe.

Icipo 45:14

Awanreene mikaandyo sooxoraxoriwa owo onroihiwa wa mwene; asikhwaawe oowiikosoopa animutthara; ootheenaawo anrowa vamaithoni wa mwene.

Okhuma 33:12

Moisesi aamweerela Yave: “Nyuwo mookeerela: ‘Muhoolele muloko ola,’ mene khamunkitthunihera omusuwela taani muneeraanyu mukirumihele. Mweenre: ‘Kohoosuwelani nnenesene ni wa nyuwo koosiveliwa.’

Okhuma 33:19

Yave aaheera: “Kinoorumiha onnenaaka weera ovire ohoolowanyu ni kinoolaleiya Nsinanaka, Yave, muraanyuwo. Kinoommorela ikharari yoowo kintthunaaka ommorela ni kinoompixera murima yoowo kintthunaaka ompixera.

Masu a Miruku 27:9

Yoowiixunkheliha ni erubani* singhakalaliha murima; soolaka sa ekhaikhai sa nthamwene sinkhaliha onthamwene wooreera.

Namalaleiya 7:1

Fataari nsina nooreera ohikhanle makhura oowunkhela oorikaxa, ni nooreerela ti nihuku na okhwa ohikhanle oyariwa.

Ecipo Yooreeraxa 3:6

Taani yoowo onrwa aweelaka munikareni ntoko otthuwa wa mwiixi, wunkhelihiweene ni makhura a emira*, erubani* ni itthu sootakansiwa ni makhura ooreera sootheene sa anamathumiha?

Ecipo Yooreeraxa 4:10

Moota oreenraaya oramelawanyu, murokoraka, ootthomeriwaaka! Oramelawanyu ti woosiveleyaxa opwaha eviinyu, ni wunkhela wa makhuraanyu woopwaha wakhalaru moota wa soosivasiva!

Ecipo Yooreeraxa 5:13

Ekhovaawe eri ntoko nttimbe ni itthu sooreerela simvuuva makhura oowunkhelaxa. Iyanosawe siri ntoko ithutu sinttonya emira*.

Ecipo Yooreeraxa 5:5

Kaavenya weera kimuhulele nsele; matataaka yaavuuva emira*, ikathasaka saattonya emira* vakhatoni ya nampattika.

Ecipo Yooreeraxa 6:8

Naari ekhanleene mapwiyamwene miloko mithannamosa, ni axaaseeta miloko mithannamiraru, ni waatta woohaalikeleya wa asimwali oowiikosoopa,

Yesaya 61:3

kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Matheyo 25:1

Omwene wa wiirimu onuulikane ntoko aximwali oowiikosoopa muloko yaakuxale onyaaraaya ni yaarongwe weera yakumane ni namatthomera.

Yohaane 12:3

Vano Mariya aakuxa mukoomba woosareya makhura ooreera a enardu* yaari makhura oorikaxa. Aattikitthela inaawo sa Yeesu ni aamuukuttha ni mayihaawe. Ni empa yaasareya ni wunkhela wa makhura ale.

2 aKorinto 11:2

Nthiti kookhalenlaakani, ti nthiti ninrweela wa Muluku. Miyo kohootthomerihani nyuwo wa mulopwana mmoharu ori Kristu, kitthunaka owooniherani wa Yoowo ntoko ootthomeriwa ootteelaxa.

aFilipi 4:18

Kohaakhela sootheene ni sookaattela. Kohaattano woowaakhela wa Epafrodito soovaha seiyo nyuwo mwaarumihalaanyu. Iyo siri yoovaha yoowunkhela yooreera, yooveleela emoha yoowaakhuleliwa ni yoomusiveliha Muluku.

Ethupululo 14:4

Awo ti yaawo ahiivalihale ni asithiyana, niwoko khayaakonanne asithiyana, ni antthara Eputtiputthi weiwo entthunaaya orowa. Yaathummwale variyari wa atthu ni yaavahiwa wa Muluku ni Eputtiputthi ntoko mpatta woopacera wa yaale oororomela.