Daniyeli 9:7 - Emakhuwa Bible

⁷ Yave, Nyuwo ti a ekhaikhai, mene olelo nohuulihiheyaxa muru niwoko na ohiroromeleyawahu ni Nyuwo – aani hiyo a oYuda, amaki a oYerusaleemu ni aYixrayeli ootheene ekhalaka vakhiviru naari ottaiwene, mweelaponi sootheene munimwaraxenlaanyu.

Daniyeli 9:7 Iomraidhean Croise

Ezera 9:13

Seiyo sinikhumelenle ti niwoko na soopakasahu soonanara ni nthowanahu ntokotoko. Hata hiiho, Mulukwaahu, moonittaruxa vakhaani, ohiphiyeraka naaphwanelaahu, munivahaka ahalahanle ala.

Ezera 9:15

Ii! Yave, Muluku a aYixrayeli, Nyuwo ti oororomeleya. Hiyo ninkhala olelo ntoko atthu ahalahanle. Hiyo nri vamaithoniwanyu ni nthowanahu nroosuwelaru weera khawowo a hiyo ongwera okhala vamaithoniwanyu ni nthowa nna.”

Nehemiya 9:33

Mwaari oororomeleya mwa sootheene saanikhumelela. Mweettenle moota woororomeleya naaroohiroromeleyaru.

Icipo 119:137

Yave, Nyuwo ti oororomeleya ni malamulowaanyu ti a ekhaikhai.

Icipo 44:15

Ehuhu yootheene kinnahaawa oyevihiwa ni ekhovaaka yookimora

Icipo 51:14

Ii! Muluku, Nyuwo munkoopola, mukivuluxe mmathowani a ephome ni nluminaka nnoolaleiya ororomeleyawanyu.

Icipo 51:4

Kohootthekelani Nyuwo paahi, kipakaka yeeyo eri yoonanara vamaithoniwanyu moota wooweera nthorihelonanyu ti na ekhaikhai ni moophwanela okittaruxa.

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 45:16

Ootheene ampaka miluku soowootha animuulihiheya muru ni anooyevihiwa; awosa anoomorela vamoha ngwuulihiheyani muru.

Yeremiya 12:1

Ii! Yave, khula emaara kinooruuhelaakani mulattu, Nyuwo munlakela ni ekhaikhai. Wa soothesene, kintthuna wuuluma ni Nyuwo mwaha wa ekhaikhayaanyu. Atakhali singweettelela heeni nnene? Anamavariha ootheene ahinkhalanela heeni milattu?

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Yeremiya 24:9

Miyo kinimwaatatuxa etthu yoowoopopihera ni ya mwiikho wa omwene wootheene wa mulaponi. Khula nipuro kineeraaka kiwoomolele, anoothanliwa, anootthebwiwa, animuulihiwa muru ni anoolaphiwa.

Yeremiya 3:25

Niixaatalele oowuulihiheyeene muru ni omora ekhove onikhuneele. Noomutthekela Yave Mulukwaahu – hiyo nitho makholowaahu; okhuma enamwanaahu mpaka olelo khanimwiiwelenle Yave Mulukwaahu.”

Yeremiya 32:32

Muloko wa oYixrayeli ni wa oYuda onnatannya isarasaka mwa soonanara sootheene ompakaaya – awosa, mamwenaaya ni ahoolelaaya, asaserdotaaya ni maprofeetaaya, atthu a oYuda ni amaki a oYerusaleemu.

Yeremiya 33:16

Mmahukuni awo oYuda onoovuluxiwa ni oYerusaleemu onookhala woolipeene, Nsina aneeraawe iitthaneliwe ti nna: Yave ti ekhaikhayaahu.’

Yeremiya 4:17

Awosa anrica oYerusaleemu ntoko asilopwana anlipelelaaya ematta, niwoko esidade eyo yookivaanya Miyo,’ ” onghima Yave.

Yeremiya 7:19

Mene weeraka ankitannya Miyo? onkoha Yave. Awosa aniixuulihiha muru asineenaaya.

Ezekiyeli 16:63

Vano Miyo kaarehereraka wiiraana mwaha wa nyuwo niwoko na sootheene mpankaanyu, nyuwo munimuupuwelela ni munimuulihiheya muru ni khamuhularutho eyano niwoko na oyeviheyawanyu, onghima Yave onlamula sootheene.’”

Ezekiyeli 36:31

Hiiho, nyuwosa mmuupuwelele iphirosanyu soonanara ni ipakelosanyu sootakhala, ni munimwiixeettiha murima niwoko na sootakhalasanyu ni ipakelosanyu soohiira.

Ezekiyeli 5:10

Tivawo, eriyaraanyu, eniyeereye weera asitiithi eniyaakhuure anamwanaaya ni anamwane eniyaakhuure asitithaya. Kinimoottaruxani kaamwaraxeleke mipatta sootheene sa mpheyoni yaawo eniyaahalele.

Ezekiyeli 6:12

Yoowo orakamenle aniiviwe ni nihooxo; yoowo ori vakhiviru aniiviwe ni ekatana, ni yoowo anaahalahale anuureliwa, anaakhwe etala. Ti hiiho kineeraaka kaayeeherase isarasaka.

Daniyeli 9:14

Yave khaapinse oniruuhela erisa, niwoko Yave Mulukwaahu ti a ekhaikhai mwa sootheene ompakaawe; hata hiiho khanimwiiwelenle.

Daniyeli 9:18

Ii! Muluku Dyoontte mwiiwe; muhuleke maithwaanyu ni ngwehe othaamiwa wa esidade enkuxa Nsinananyu. Hiyo khannoovekelani Nyuwo niwoko na ororomeleyawahu, mene niwoko na ikhararisanyu sitokotoko.

Daniyeli 9:8

Ii! Yave, hiyo, mamwenaahu, anamwanaaya ni asitithihu nohuulihiheyaxa muru niwoko na wootthekelani.

Amosi 9:9

“Vano kinoolamulela ni kinookukuttha muloko wa oYixrayeli eriyari ya miloko sootheene, mooteene yoole etrigu emveeriwaaya, ehinamoraru enuku.

aRooma 6:21

Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Deuteronomiyo 4:27

Yave onimoomwaraxelani variyari wa miloko, eniihale paahi akina akina a nyuwosa variyari wa miloko mwa weiwo Yave aneeraawe awoomoleleni.