Daniyeli 9:3 - Emakhuwa Bible

³ Vano kaamwaattamela Yave Muluku kimudyoonttelelaka ni mavekelo, soodyoonttelela ni kitthukaka, kiwanreene isaakho ni kiihenleene ettuura.

Daniyeli 9:3 Iomraidhean Croise

2 Samuweli 12:16

Davide aamudyoonttelela Yave amweerelaka mwaana ole. Owo aatthuka, anavolowa mpaanimwawe avirihaka ohiyu akonneene puruvuru.

Ezera 10:6

Vahoolowaya Ezera aavenya ohoolo wa Empa ya Muluku, anarowa mukwaartuni mwa Yohanani, mwaana mulopwana a Eliyaxibi. Owo ari mwemmo, khaaciiye hata khaawunre alalamikelaka ohiroromela wa anamatthukiwa yaahokolongwe.

Ezera 8:21

Iwe, mukerekhere mooloko wAhava, miyo kaalaleiya otthuka weera niiyevihe vamaithoni wa Mulukwaahu ni nimuvekele ekhavihero ya munkwahani wa hiyo ni anamwaniihu vamoha ni sooreelasahu sootheene.

Ezera 9:5

Vanonto, mweehuhuni ya opaka sooveleela sa ohiyu, kaavenya moothanananimwaka, evestiduwaaka ni mukaandyowaaka woowaahuweene, kinakokhora, kinatheteela matata wa Yave Mulukwaaka,

Nehemiya 9:1

Vanihukuni nanaamiloko miili ni maxexe na mweeri, aYixrayeli yaathukumana, etthukaka, ewaraka isaakho eniihelasa ettuura mmuru.

Exteri 4:16

“Murowe mwaathukumanyihe aYuda ootheene ari oSusa ni mwatthuke mukeerelaka miyo. Muhice naari muhiwure othana ni ohiyu miraru. Miyo vamoha ni arumeiyaaka asithiyana ninootthuka ntoko nyuwosa. Vahoolowaya kinoowaattamela amwene onoohitthunihereyaru munlamuloni. Wakhala okhwa, nkikhweeke!”

Yobi 42:6

Tivawo kiniinyoosaaka muneenaaka, kinarukunxa murima vantthupini ni vattuurani.”

Icipo 35:13

Vaheera, awosa yaavoreiwaaya, miyo kaawarela sa olalamika, kiiyevihaka ni otthuka, kaavekelelaxaka.

Yesaya 22:12

Nihuku nenenenne Namalamula, Yave a ikuru sootheene oowiitthanani weera mwiinle ni mulalamike, murosole mayihaanyu ni ngware isaakho.

Yeremiya 33:3

‘Mukikhuwelele Miyo ni kinoowaakhulani kiwooniherakani itthu sitokotoko ni soohaalikeleya nyuwo muhisuwenlaanyu.’

Ezekiyeli 36:37

Yave onlamula sootheene oneera ha: Kinimwaakhulelatho wiidyoonttelela wa muloko wa oYixrayeli, kipakelaka ha: Kinootatuxa mulokwaaya woowaattaxa ntoko ikhondoolo,

Daniyeli 6:10

Vano Daniyeli iiwakaru weera ekano yoolempwa, aarowa owannyawe, anavolowa mukwaartunimwawe mwa osulu mwa mwemmo ixanela saahuleleya mpatta wa oYerusaleemu. Mmwe aapaka yeeyo aakhovelenlaawe opaka: imaara tthaaru khula nihuku annakokhora, annavekela, amutthapelaka Mulukwaawe.

Daniyeli 9:2

Vano vayaakani yoopacera ya olamulawawe, miyo, Daniyeli, kaahiiwexexa kisomaka masu a Yave aamvahalaawe mprofeeti Yeremiya, weera oYerusaleemu onooheleya nthala wa iyaakha miloko mithannamiili.

Daniyeli 9:20

Miyo kilokololaka ni kivekelaka, kilapaka sootthekasaka ni seiyo sa mulokwaaka aYixrayeli, ni kimvekelaka Yave Mulukwaaka keerelaka mwaakwaawe wootteela,

Daniyeli 9:4

Kaamvekela Yave Mulukwaaka, kilapaka: “Ii! Yave, Muluku Mutokweene ni Oowooveya, mwa Yoowo onthokorora wiiraanawawe wa osivela ni ootheene animusivela ni aniiwelela soolamulasawe,

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Yoweli 2:12

Yave oneera: “Muhokoleele wa Miyo vaanaano va ni murimaanyu wootheene, mutthukaka, mwiinlaka ni mulalamikaka.”

Yoonasi 3:5

Vano atthu a oNinive yaahaakhulela masu a Muluku. Awo yaavaanela otthuka ni ootheene okhuma asitokweene mpaka asikhaani yaawara isaakho.

Luuka 2:37

ni vahoolowaya aakhala naamukhweli mpaka iyaakha miloko mithannamiraru niixexe. Khanatoko ohiya Empa ya Muluku. Annamulapa Muluku, atthukaka ni avekelaka ohiyu ni othana.

Miteko 10:30

Korneliyu aamwaakhula: “Wa mahuku maxexe avirale, miyo kaari owaani kivekelaka ehuhuweene yeela ya oxekuwa. Woowaakuveya aakhala ohoolowaka mulopwana mmoha awanreene ikuwo soowaara,