Daniyeli 9:27 - Emakhuwa Bible

²⁷ Owo onoopaka wiiraana ni ancipale wa esimana emoha. Vano eriyari ya esimaneene yeeyo sinoomala sooveleela ni soovaha. Mpatta mmoha wa Empa ya Muluku onootekiwa muluku oohiira aneeraawe akhalewo mpaka ophiya ommaleloni olakeleliwaawe.”

Daniyeli 9:27 Iomraidhean Croise

Yesaya 28:15

Nyuwosa muniikuxerera mweeraka: “Hiyo noopaka wiiraana ni okhwa, nohiiwanana ni nihiye. Naarwaaka nthorihelo noowoopihaxa, khaniniphwanya niwoko ntthawelonahu nipanke wootha ni woowiipithawahu ti olokottha.”

Yesaya 28:22

Vano, mmaalihe otthebwawanyu weera onyoorowaanyu ohitepe; Yave a ikuru sootheene ookithalihera sa ophwata olakelingwe elapo yootheene.

Yesaya 42:6

“Miyo, Yave, koowiitthanani moororomeleyani; kinimoovarelani oolipeene. Kinimoothokororani kookhalihakani ntoko namwiiraanyiha a miloko ni waara wa amalapo,

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Daniyeli 11:31

Anakhottwaawe anoorowa weera eveihe Empa ya Muluku yoolipaxa, emalihaka sooveleela sa khula nihuku. Vanonto anoomuteka muluku oohiira.

Daniyeli 11:36

“Mwene onoopaka yeeyo ontthunaawe. Onimwiivuwiha ni onimwiixunnuwiha opwaha wakhalaru muluku ni onoomveiha Muluku a miluku ni itthu sihitonke wiiwiwa. Owo sinoomweettela nnene mpaka okwanela ehuhu ya isara, niwoko yeeyo elakeliwe ontthuneya okhumelela.

Daniyeli 12:11

Okhuma ehuhu sooveleela sa khula nihuku sineeraaya simalihiwe mpaka otekiwa wa muluku oohiira, anoovira mahuku 1 290.

Daniyeli 7:25

Owo onimuuluma soomvirikanyihela Muluku a Musulusulu, aahasulaka ootteelaawe, eereraka oceendya ihuhu ni malamulo. Ootteela animwinnyereriwa mmatatanimwawe wa ehuhu, ihuhu ni eriyari ya ehuhu.

Daniyeli 8:13

Vano kaawiiwa andyelo etthekulaka ni mmoha a yaawo aamukoha mukhwaawe: “Sookhumelela iya nsimale yaakhani sihimmwale ni moonelo ola? Mpaka yaakhani ovaanya woophwata oneeraaya opwaherere wooceeliha sooveleela sa khula nihuku? Mpaka yaakhani Nipuro Nootteela* ni anakhotto eneeraaya evahereriwe mukuruni mwa nnyaka enyikaleliwaka?”

Hoxeya 3:4

Eyo enthoonyera weera aYixrayeli anookhala mahuku mancipale woohikhalano mwene hata mwanawe, woohikhalano yooveleela naari amarimbu ootteeliheriwa, woohikhalano mooxikootti a esaserdoti ni mpaka woohikhalano miluku sikina.

Nuumeru 7:62

nipoottoro na eyuuma yoorikaxa na ixekeli* muloko, noosareya erubani*;

Matheyo 24:15

Hiiho, nyuwo moonaka yiikaathiweene vaNipuroni Nootteela* etthu yoonanaraxa yoowuulihaxa muru* mwa yeeyo uulumalaawe mprofeeti Daniyeli, – owo onsoma iiwexexeke!

Matheyo 26:28

Ela ti ephomaaka ya wiiraanyiha, enriheya mwaha wa atthu ancipale weera eleveleliwe soottheka.

Matheyo 27:51

Ehuhuweene yeele ekuwo etokotoko ya Empa ya Muluku yaahaahuwa, ekawanyeyaka okhuma vasulu mpaka vathi. Etthaya yaatetereiya ni nyala saaphweeya.

Marku 13:14

Nyuwo moonaka etthu yoonanaraxa yoowuulihaxa muru yiikaathiweene vanipuroni ehintthunihiwaaya – namasoma, iiwexexe – vano yaawo eneera ekhale oYudeiya, etthawele nnyaakoni.

Luuka 21:20

Moonaka oYerusaleemu orukureeriweene ni anakhotto, mmwisuwele weera othaamiwawaya wookhuveela.

Luuka 21:24

Akina eniyiiviwe ni ikatana, ni akina eniironghiwe okaliposo mweelaponi sootheene. oYerusaleemu onuunyikaliwe ni amalapo mpaka ihuhusaya sineeraaya sikwaniheriwe.

aRooma 11:26

Ni hiihaawo aYixrayeli ootheene eniivuluxiwe, ntoko elempwalaaya: “Anaarweele oSiyoni Mvuluxa anaasusihe soonanara sa ekhapira ya Yakobe.

aRooma 5:15

Mukhalelo wa mahala khoonlikanxereya ni mukhalelo wa yoottheka. Waari weera vekhaikhai atthu ancipale akhwiiye niwoko na yoottheka ya mutthu mmoha paahi, ekhaikhaitho weera mahala a Muluku ti oopwahaxa. Mahaleene yaawo anrweela wa Muluku wa ancipale niwoko na mutthu mmoha paahi, Yeesu Kristu, ti matokweenexa.

aRooma 5:19

Hiiho ntoko atthu ancipale apakiwaaya anamattheka niwoko na ettiyamaaru ya mutthu mmoha paahi, hiihotho niwoko na wiiwelela wa mutthu mmoharu paahi ancipale eniyaakhuleliwe ni Muluku.

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.