Daniyeli 9:24 - Emakhuwa Bible

²⁴ Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Daniyeli 9:24 Iomraidhean Croise

2 Nyaha 29:24

Asaserdoti* yaawiiva anapunci a ipuri, enarongha ephome valtaarini* ntoko yooveleelela yoottheka weera yaarehererele wiiwanana ni Yave aYixrayeli ootheene, niwoko mwene aalamulela yooveleela yoohisa ni yooveleelela yoottheka aweerelaka aYixrayeli ootheene.

Icipo 2:6

“Miyo muneenaaka koomukhaliha mwenaaka oSiyoni, vamwaakoniwaka wootteela.”

Icipo 45:7

Nyuwo munsivela ekhaikhai muthanyaka sootakhala. Tivawo Muluku Mulukwaanyu oothanlalaaweni variyari wa asikhwiinyu oottikitthelakani makhura a ohakalala.

Yesaya 42:4

Owo khoonihera okhulumuwa naari khaporora mpaka aneeraawe akhalihe ekhaikhai mweelaponi. Icirumba sinoororomela munlamulonimwawe.”

Yesaya 51:6

Ngwehe wiirimu ni moone elapo ya vathi; erimu enoolakaseya ntoko mwiixi ni elapo enoothaala ntoko ekuwo ni amakaaya animookhwa ntoko ikulihi. Vaheera ovuluxawaka onoopwaherera wa mahuku ootheene ni ororomeleyawaka khoorwaru wooceela.

Yesaya 51:8

Vano tthumpwiha onimwaakhuura ntoko ekuwo; muungu onimwaanyaanya ntoko exapala ya ekhondoolo. Vaheera ororomeleyawaka onoopwaherera wa mahuku ootheene ni ovuluxawaka ikhapira ikhapirasene.

Yesaya 56:1

Yave oneera ha: “Muthokorore ekhaikhai ni mpake yeeyo eri yookwanela, niwoko ovuluxawaka ori vakhiviru ni ororomeleyawaka onimoonihereya woowaakuveya.

Yesaya 61:1

Munepa wa Yave ori mwa miyo, niwoko Yave ookittikitthela weera kaalaleere oohaawa mutthenga wooreera. Owo ookirumiha weera kaakosoope yaale arino murima woothananaxa, weera kaalaleere otaphuwa anamatthukiwa ni kaatapuxe mpiphini yaawo ari mukaliposo.

Icipo Soolalamika 4:22

Ii! Esidade ya oSiyoni, nttaruxonanyu nnoomala; Yave khapwahereriha oroihiwawanyu wootthukiwani. Vaheera, ii! Nyuwo mwaana muthiyana a Edomi, Owo onoottaruxa yootthekaanyu ni onimoonihera yootakhalaanyu.

Ezekiyeli 28:12

“Mwaana a mutthu, mulalamike mwaha wa mwene a oTiro ni mmweerele: ‘Yave onlamula sootheene oneera ha: Nyuwo mwaari moota wookwanela, oosareya miruku ni oophwanelaxiwa.

Ezekiyeli 4:5

Koolakela weera waatta wa mahuku awo elikaneleke waatta wa iyaakha sa otakhalawaya. Nyuwo muthateleke sootakhala sa muloko wa oYixrayeli wa mahuku macira mararu ni mahuku miloko mithannamixexe.

Ezekiyeli 4:6

Emanleene ehuhu eyo, mwiixaatalelele moonowaanyu woolopwana, ni mwathatele sootakhala sa muloko wa oYuda wa mahuku miloko mixexe – nihuku nimoha wa khula eyaakha ya sootakhala sa oYuda.

Levitiku 25:8

Mwaalikele iyaakha sa iSaabadu ithannapiili, eyo tiiyo ithannapiili sa iyaakha ithannapiili, opwexerera ti iyaakha miloko mixexe niithanniixexe.

Levitiku 8:15

Moisesi aamuhita mwaamombe, anaxuweya ekatha mphomeni, anahinga manyaka ootheene a altaari* weera aatteelihe. Ephome yaahanle eyo ayeehera vathi wa altaari*. Hiiho ahaarehererela wiiwanana ni Yave.

Zakariya 4:14

Vano aakeerela: “Iya sinthoonyera asilopwana eeli oothanliwa weera emurumeele Yave a elapo yootheene.”

Nuumeru 14:34

Mweehuhuni ya iyaakha miloko mixexe, nyuwosa munoohaawa sookacamiha sa sootthekesanyu ni munoosuwela etaphulelo ya okikhootta Miyo; khula eyaakha eniilikaneleke wa khula nihuku a miloko mixexe mwa yaawo mwaarongwaanyu ohottela elapo.

Matheyo 1:21

Owo anaamuyare Mwaana Mulopwana, ni nyuwo mmunttehe Nsinanawe Yeesu, niwoko anaavuluxe mulokwaawe mwa sootthekasaya.”

Matheyo 11:13

Mpaka ehuhu ya Yohaane, maprofeeti ni malamulo yaathalihera otthuna wa Muluku.

Matheyo 4:5

Vano Diyabu* aamurongha Yoowo osidade yootteela, anamwiikaathi vanankatthani a Empa ya Muluku, anamweerela:

Marku 1:24

“Ontthuna eheeni ni hiyo, Yeesu a oNasarete? Waaweenle oniphwata? Koosuwela Weyo taani: ori Ootteela a Muluku.”

Luuka 1:35

Ndyelo aamwaakhula: “Munepa Wootteela onimoorweelani ni ikuru sa Musulusulu nsookhuneeleni ni erungwaawe. Hiiho, Yoole Ootteela anaayariwe, aniitthaniwe Mwaana a Muluku.

Luuka 21:22

Awo eniikhale mahuku a ikuhu weera sikwaniheriwe sootheene silempwale.

Yohaane 1:41

Oopacera aamphwannyaawe aari Simeyoni, munneiye ni aamweerela: “Noomphwanya Mesiya (eyo tiiyo Kristu).”

Yohaane 3:34

Vano, Yoole Muluku omurummaawe, onuuluma masu a Muluku niwoko Owo onnavaha Munepa moota woohikhalano mwiinaano.

Miteko 3:14

Nyuwo mwaamukhootta Ootteela ni Oororomeleya, ni mwaamvekela weera mutaphuleliwe namwiiva.

Miteko 3:22

Vano Moisesi aaheera: ‘Apwiya Mulukwaanyu animookhaliherani variyariwanyu mprofeeti ntoko miyo. Mmwiiwe sootheene seiyo Owo aneeraawe ooleeleni.

Miteko 4:26

Mamwene a elapo ya vathi animweemela, ni asitokweene anoothukumana weera yiittane ni Apwiya ni Kristwaaya.’

aRooma 5:10

Naaraahu nlelo amwiittana a Muluku, niiraanyihiwe ni Yoowo niwoko na okhwa wa Mwanawe, wootepaxa vano, nireene oowiiraanyihiweene, nnivuluxiwe ni okumaawe!

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

aKolosi 1:20

ni weera niwoko na Yoowo siiraanyihiwe itthu sootheene ni Muluku, sikhalaka sa wiirimu, hata sa vathi. Aawenre yeeyo akhalihaka murettele niwoko na ephomaawe evuuvihiwe vamuttandani.

aKolosi 2:14

ni aamaliha ekaratta ya sookopasahu ni soonyesereriwasaya, mwa seiyo saanoothenre hiyo niwoko na nlamulo. Owo aavenxa ekaratta ele, akhomelaka vamuttandani,

aHeberi 10:14

Vano, niwoko na yooveleela emoharu Owo ohaakwaneliha wa mahuku ootheene yaawo antteelihiwa.

aHeberi 2:17

Tivawo waatthuneya weera Owo aathatungwe ntoko axunneiye mmakhaleloni ootheene, weera akhale Mutokweene a asaserdoti* a ikharari ni oororomeleya mmutekoni mwa Muluku, ni weera iiraanyihe soottheka sa muloko.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

aHeberi 9:26

Waari hiiho, waatthuneya weera Kristu ahaawe imaara sincipale, okhuma ompacereroni wa elapo ya vathi. Vanonto, ephiyaka emalihero ya ehuhu, Owo orwiiye emaara emoharu paahi weera avenxe yoottheka niwoko na wiiveleelawawe muneenaawe.

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

1 Yohaane 3:8

Yoole oneetta mootthekani ori a Diyabu*, niwoko Diyabu* oottheka okhuma ompacereroni. Vano, Mwaana a Muluku aarweenle weera aphwate miteko sa Diyabu*.

Ethupululo 14:6

Vano kaamoona ndyelo mukina avavaka wiirimu, areeneno masu ooreeraxa oohimala weera aalaleere atthu ankhala elapo ya vathi, wa ilapo, ipuumba, muulumo ni miloko sootheene.

Ethupululo 3:7

“Wa ndyelo a ekerexa eri ya oFiladelfiya, mulepe: Awo ari masu a Yoole ori Ootteela ni a ekhaikhai ni orino exaavi ya Davide. Yeeyo onghulaawe, khaawo ongwera owala, ni yeeyo ongwalaawe khaawo ongwera ohula.