Daniyeli 9:18 - Emakhuwa Bible

¹⁸ Ii! Muluku Dyoontte mwiiwe; muhuleke maithwaanyu ni ngwehe othaamiwa wa esidade enkuxa Nsinananyu. Hiyo khannoovekelani Nyuwo niwoko na ororomeleyawahu, mene niwoko na ikhararisanyu sitokotoko.

Daniyeli 9:18 Iomraidhean Croise

1 Mamwene 8:29

Ngwehe Empa ela ohiyu ni othana, niwoko nri nipuro nyuwo mweenraanyu: ‘Nsinanaka nnookhalamo.’ Mahuku ootheene mwiiweke mavekelowaaka ankhuma mu.

2 Mamwene 19:16

Ii! Yave mwiiwe ni moone. Mwiiwe mutthenga Senakerebi orumihalaawe weera amuveihe Muluku Mukumi.

Icipo 116:1

Kinimusivela Yave, niwoko Owo onkiiwa kaamudyoonttelaka.

Icipo 25:6

Yave, muupuwelele ikharari ni osivelawanyu otokotoko moonihenraanyu okhuma khalayi.

Okhuma 3:7

Yave aaheera: “Vekhaikhai kohoona ohasuliwawaya mulokwaaka wExipitu. Kohiiwa okhuwelawaya niwoko na anamahooxa ni koosuwela ohaawawaya.

Yesaya 37:17

Ii! Yave mwiiwe ni moone. Mwiiwe mutthenga Senakeribi orumihalaawe weera amuveihe Muluku Mukumi.

Yesaya 43:7

ootheene aniitthaneliwa Nsinanaka, mwa yaawo kaapattuxenraaka ovuwawaka, yaawo kiwoopalaaka, kinaapaka.”

Yesaya 64:12

Vahoolo wa sootheene iye, Yave nlelo khamurwa mpaka etthu? Munoopwaherera emaalelo, munittaruxaka opwaha ikhomo?

Yesaya 64:6

Hiyo ootheene naathatuwa ntoko oohitteela ni mitekosahu soororomeleya sootheene siri ntoko mattapwatta oonanara; ootheene hiyo ninnyaala ntoko makukhu, ni ntoko epheyo sootthekasahu sinnivavihera ottai.

Yeremiya 14:7

Ii! Yave! Naari sootthekasahu sinikhalelaka onamoona, dyoontte, munikhavihere moosivelani wa Nsinananyu. Vano ohiroromeleyawahu wootepa; nohootthekelani.

Yeremiya 14:9

Heeni munkhalaanyu ntoko mutthu ovariwe wootutuxereya, ntoko nakhotto ohingwera ovuluxa? Nyuwo muri variyariwahu, Yave, ni hiyo ti awinyu; muhinihiye!

Yeremiya 15:16

Maswaanyu yaarwiiyaaya, miyo kaahooca yaawo; awo ti ohakalalawaka ni otteeliwawaka murima, niwoko miyo kohiitthaniwa mwa Nsinananyu, Yave, Muluku a ikuru sootheene.

Yeremiya 25:29

Moone, kimpacera oruuhela erisa esidade enkuxa Nsinanaka; ni nyuwosa munuupuwela weera munoovenya oohittaruxiwa? Hata vakhaani khamukhala oohittaruxiwa! Kinaaruuhela ekatana amaki ootheene a mulaponi, onghima Yave a ikuru sootheene.’

Yeremiya 36:7

Apaale wiidyoonttelelawaya onoophiya wa Yave, ni khula mutthu anaahiye mweettelowaawe woonanara, niwoko ti onyoonyiwa otokotoko olaleiwale ni Yave mwaha wa muloko ola.”

Yeremiya 37:20

Vaheera, ii! Amwene, pwiiyaaka, dyoontte mukiiwe. Mukitthunihere owooniherani wiidyoonttelelawaka: Muhikihokoloxere mpaani mwa namalepa Yonatani, weera miyo kihikhwelemo.”

Ezekiyeli 36:22

Tivawo, muleele muloko wa oYixrayeli weera Yave onlamula sootheene, oneera ha: ‘Ii! Muloko wa oYixrayeli, khanihiyono nthowananyu kineeraaka kipakele itthu iyo, mene niwoko na Nsinanaka Nootteela nyuwosa muhiirihalaanyu eriyari ya miloko mwaarowaanyu.

Ezekiyeli 36:32

Kintthuna weera nyuwosa musuwele weera nkimpakela yeeyo mwaha wa nyuwosa, onghima Yave onlamula sootheene. Muulihiheye muru ni mwiiyevihe niwoko na mweettelowaanyu, ii! Muloko wa oYixrayeli!

Daniyeli 9:7

Yave, Nyuwo ti a ekhaikhai, mene olelo nohuulihiheyaxa muru niwoko na ohiroromeleyawahu ni Nyuwo – aani hiyo a oYuda, amaki a oYerusaleemu ni aYixrayeli ootheene ekhalaka vakhiviru naari ottaiwene, mweelaponi sootheene munimwaraxenlaanyu.

Nuumeru 6:27

Ola moota asaserdoti* eneeraaya yaareeliheke aYixrayeli mwa Nsinanaka, ni Miyo kinimwaareelihasa.

1 aKorinto 1:2

Wa ekerexa ya Muluku eri oKorinto; wa ootteelihiwa mwa Kristu, ni oowiitthaniwa weera ekhale ootteela, vamoha ni ootheene yaale aniitthana mipatta sootheene Nsina na Apwiyaahu Yeesu Kristu, Apwiyaaya ni awihu.