Daniyeli 9:16 - Emakhuwa Bible

¹⁶ Ii! Yave, muhapuxe isarasanyu ni onyoonyeriwawanyu oYerusaleemu, esidadaanyu, mwaakwaanyu wootteela, muttharaka soopakasanyu sootheene sa ekhaikhai. Sootthekasahu ni miteko sootakhala sa makholowaahu sootannyera otthebwiwa wa oYerusaleemu ni mulokwaanyu wootheene ni ootheene anirukureenre.

Daniyeli 9:16 Iomraidhean Croise

Nehemiya 9:8

Mwaahoona weera murimaawe waari woororomeleya wa Nyuwo, mwaakhaliha wiiraana ni yoowo muroromelihaka ovaha ekhapiraawe ilapo sa aKanaani, aHiti, awAmori, aPerizi, aYebusi ni aGirgasi. Vano mookwanihera yoororomelihaanyu, niwoko ti oororomeleya.

Icipo 143:1

Ii! Yave, mwiiwe nivekelonaka; mwiiwe okhuwelelawaka ikharari; mukikhavihere moororomeleyani ni mweekhaikhaiyinimwanyu.

Icipo 31:1

Kootthawela mwa Nyuwo, Yave; muhikihiyeru kiyevihiwaka. Mukivuluxe moororomeleyanimwanyu.

Icipo 41:13

Atthapeliwe Yave, Muluku a oYixrayeli ni otthapela woohimala. Ame*, aani Ame*.

Icipo 71:2

Mukivuluxe ni mukoopole moororomeleyanimwanyu; mukiiweke ni mukivuluxe.

Icipo 79:4

Vamaithoni wa aximwaattamanaahu hiyo noothatuwa mutheelelowaaya, aani awosa aanitheya ni aaniruwana.

Icipo 85:4

Ii! Muluku Mvuluxaahu, munirehereretho ni mmaalihe oninyoonyeriwawanyu.

Icipo 89:51

wa matthebweene yaawo a amwiittanaanyu, Yave, animuhooxano khula nlipa na oottikittheliwaanyu.

Okhuma 20:5

Muhikokhorele seiyo naari muhilape, niwoko Miyo, Yave Mulukwaanyu, ti Muluku a ehace. Miyo kinaattaruxa anamwane niwoko na soottheka sa asitithaya mpaka ekhapira yanaararu ni yanaaxexe ya yaawo ankithanya.

Yesaya 5:25

Mwaha wa sootheene iya isara sa Yave soopattela mulokwaawe; Owo ootheteya ntatanawe weera avulalihe. Nyaako sootetereya ni mittembosaya siri ntoko ikokhola mmiseweni. Hata hiiho isarasawe khasimmala; ntatanawe nri etheteeliwo.

Yeremiya 24:9

Miyo kinimwaatatuxa etthu yoowoopopihera ni ya mwiikho wa omwene wootheene wa mulaponi. Khula nipuro kineeraaka kiwoomolele, anoothanliwa, anootthebwiwa, animuulihiwa muru ni anoolaphiwa.

Yeremiya 29:18

Miyo kinimwaattharelela ni ekhotto, etala ni nihooxo; kinimwaapaka moopopihero wa imwene sootheene sa mulaponi, nlapho, ethoonyero, otthebwa ni munyakunyaku eriyari ya miloko sootheene mwa weiwo Miyo kaamwaraxenlaaka.

Yeremiya 32:31

Okhuma nihuku etekiwaaya mpaka olelo, esidade ela entannyera onyoonyiwawaka moota wooweera ontthuneya ovenxa ohoolowaka.

Yeremiya 32:32

Muloko wa oYixrayeli ni wa oYuda onnatannya isarasaka mwa soonanara sootheene ompakaaya – awosa, mamwenaaya ni ahoolelaaya, asaserdotaaya ni maprofeetaaya, atthu a oYuda ni amaki a oYerusaleemu.

Ezekiyeli 22:4

Nyuwo mohiitatuxa nanthowa mwaha wa ephome muyeehalaanyu ni woowiivalihano miluku mpankaanyu. Nyuwo moomaliha mahukwaanyu; woophiyera ommaleloni wa iyaakhasanyu. Tivawo kineeraaka koopakeeni mutheelelo wa miloko ni mutthebwelo wa ilapo sootheene.

Ezekiyeli 5:14

Kinimookhalihani nthala kootatuxekeni ootthebwiwa eriyari ya miloko soorukureenreni, yoonaka ootheene yoovinreni.

Daniyeli 11:45

Owo onookunga iheemasawe sa emwene eriyari ya iphareiya vathi wa mwaako wootteela wooreeraxa. Vaheera ommaleloniwawe onoomphiyera ni khaawo anaamukhavihere.”

Daniyeli 9:20

Miyo kilokololaka ni kivekelaka, kilapaka sootthekasaka ni seiyo sa mulokwaaka aYixrayeli, ni kimvekelaka Yave Mulukwaaka keerelaka mwaakwaawe wootteela,

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

2 aTesalonika 1:6

Ti ekhaikhai weera Muluku anaalivele ni soohooxa yaale anoohooxani nyuwo,

1 Yohaane 1:9

Vaheera nalapa sootthekasahu, Muluku ti oororomeleya ni oothoriha nnene – onoolevelela sootthekasahu ni onoonitteeliha sa sootakhala sootheene.

1 Samuweli 2:7

Ti Yave omvaha ohaawa ni opuha; Owo onnayeviha ni onnunnuwiha.