Daniyeli 9:12 - Emakhuwa Bible

¹² Mookwanihera masu naalakeleliwaahu hiyo ni anamalamulaahu, muniruuhelaka erisa etokotoko. Mweelaponi moothemwene kheenapakiwe etthu ntoko epakingwe oYerusaleemu.

Daniyeli 9:12 Iomraidhean Croise

1 Mamwene 3:9

Vano mumvahe murumeiyaanyu murima wa miruku weera kilamule mulokwaanyu kisuwelaka okawanyiha yooreera ni yoonanara. Waahikhala hiiho, moota heeni kineeraka kilamule mulokwaanyu mutokotoko ola?”

2 Mamwene 22:16

‘Yave oneera ha: Kinooruuhela nihooxo nipuro nna ni atthwaaya, ntoko elempwalaaya mulivuruni mwene a oYuda osommaawe.

Yobi 12:17

Owo onaahuhula ni onaakuruxa anamalaka, ni aphuki onaatatuxa alolo.

Icipo 148:11

Munttottopele Yave mamwene a elapo ya vathi ni miloko sootheene, anamwane asilopwana a mamwene ni aphuki ootheene a vathi,

Icipo 2:10

Tivawo, mukhale ni miruku nyuwo mamwene ni nyuwo anamalamula a mulaponi mwaakhulele yoowoopereriwa.

Masu a Miruku 8:16

mwa miyotho maneethi anlamula nitho aphuki ootheene a mulaponi.

Yesaya 43:28

Tivawo kineeraaka kiwuulihihe muru asitokweene a Empa ya Yave ni kimmwinnyerera Yakobe moophwatiwani ni oYixrayeli mootheiwani.”

Yesaya 44:26

Ti miyo kinkwanihera masu a murumeiyaaka ni otthoma wa anamitthengaaka; ti Miyo kinghima sa oYerusaleemu: ‘Onoomakiwatho,’ ni sa mittetthe sa oYuda: ‘Sinootekiwa’ ni sa mathalaaya: ‘Kinoorasela.’

Yeremiya 30:7

Moota nneeraaya noopihe nihuku nno! Noohilikanxereya! Eniikhale ehuhu ya othanana wa Yakobe; mene owo onoovuluxiwa.

Yeremiya 32:23

Awosa yaahoorwa okuxa elapo ela, mene khaawiiwelenleni hata khayeettenle Nlamulonanyu. Khaapankeru etthu ya seiye mwaalamulenlaanyu. Tivawo yiiruhenlaaya erisa yootheene ela.

Yeremiya 39:16

“Murowe mwamuleele Ebedi-Meleki, muKuxi: ‘Yave a ikuru sootheene, Muluku a oYixrayeli oneera ha: Kihanle vakhaani okwanihera soowoopererelasaka esidade ela – mwa irisa ohikhanle weetteleya nnene. Nihuku nno, iyo sinookwanihereya vamaithoniwanyu.

Yeremiya 44:23

Yeereenle yeeyo niwoko moohisa erubani* ni moontthekela Yave, ni khamwiiwelenle maswaawe hata khamutthanre nlamulonawe, ikanosawe ni soolamulasawe. Tivawo yoomorenlaayani erisa ela, ntoko onooneyaaya olelo.”

Icipo Soolalamika 1:12

“Ootheene nyuwo mumvira va, murwe moone moota kihaawiyaaka! Eyo khamumpwatthela? Khoowoworu ovoreya onlikana ovoreya wu okitannyenraawe Yave vanihukuni aakinyoonyeringwaawe.

Icipo Soolalamika 2:13

Ii! Mwaana muthiyana a oYerusaleemu, kooleeleketho eheeni? Kheewowo enlikana ni yawawo! Ii! Mwali oowiikosoopa a oSiyoni! Moota heeni kineeraaka koopepese? Nikhwattanawo ti noowiixera ntoko ephareiya. Taani anoolamihe?

Icipo Soolalamika 2:17

Yave oopaka yeeyo aavaanenlaawe; ookwanihera maswaawe aalaleiyaawe khalayi. Ahoophwata, ahimorelaka ikharari ni ootthunihera weera mwiittana ootthebwe, ohunnuwiha ikuru sa amwiittanaawo.

Icipo Soolalamika 4:6

Ottaruxiwa wa mulokwaaka wootepaxa opwaha wa oSodoma, waaphwatiwa ehuhu emoharu woohikhala ookhaviherawo.

Ezekiyeli 13:6

Nyoonelosanyu ti soowootha ni sootthomasanyu ti soolokottha. Awosa aneera: “Yave onghima,” Owo ahaaruminghe; wa soothesene angweherera weera Owo onookwanihera maswaaya.

Ezekiyeli 5:9

Vano niwoko na milukusanyu sa mwiikho, kinimoopakelani etthu kihitonkwaaka opaka hata kineeraaka kihipaketho.

Daniyeli 12:1

“Mweehuhuni yeeyo Mikayeli, Namwaakiha a mulokwaanyu onoovenya. Enookhala ehuhu ya othanana moota ohitonke wooniwa okhuma epacerero ya miloko mpaka ehuhuweene yeeyo. Vaheera ehuhu eyo mulokwaanyu – ootheene masinaaya alempwale mulivuruni – onoovuluxiwa.

Yoweli 2:2

nihuku na epiphi ni nooriipa; nihuku na mahutte ni ekuttatta. Anakhotto ancipale ooweraxa animoowa yiixooniheraka ntoko ekamaama ya oxa emmwareela mmanyaakoni moota ohitonke wooniwa hata oneera ohooniwetho ni ikhapira sa muhoolo.

Amosi 3:2

“Wa imusi sootheene sa mulaponi koothanlaleni nyuwo paahi; tivawo Miyo kineeraaka koottaruxeleni sootakhala sootheene.”

Zakariya 1:6

Vaheera maswaaka ni ikanosaka mwa seiyo kaalamulenlaaka arumeiyaaka, maprofeeti, saahaaphwanya makholowaanyu. Vano yaakurunuxa mirimasaya yeeraka: ‘Yave a ikuru sootheene oonipakela yeeyo iphirosahu ni mitekosahu simphwanelaaya, ntoko aalakenlaawe opaka.’”

Zakariya 1:8

Moohiyuni kaahoona moonelo ni ohoolowaka aakhala mulopwana eettiha ekavalu* yooxeera! Owo aari yeemelelo variyari wa imurta* vanxaapwani. Ottuliwawe saakhala ikavalu* sooxeera, sancano ni sootteela.

Zakariya 7:12

Yaahuumiha mirimasaya ehitthunaka wiiwa malamulo hata masu Yave a ikuru sootheene uulumaawe mwa Munepaawe mmwaano mwa maprofeeti a khalayi. Tivawo Yave a ikuru sootheene aanyoonyaxiwaawe.

Matheyo 24:21

niwoko ehuhuweene yeeyo nsikhale soohooxa sincipale, moota wooweera kheenatoko okhumelela okhuma ompacereroni wa elapo ya vathi mpaka vaanaano vaava, hata kheerwa ekhumelelatho.

Matheyo 5:18

Kinooleelani ekhaikhai: wiirimu ni vathi onuumale, mene hata yooruma, naari nlepo nimoha na nlamulo na Muluku khanimala mpaka sineeraaya sikwaniheriwe soothesene.

Marku 13:19

niwoko mahukweene yaawo eniikhale mahuku a ohaawaxa ntoko kheeneereiye okhuma ehuhuweene yeele Muluku aapattunxaawe elapo ya vathi mpaka vaanaano vaava, hata kheerwa yeereiyatho.

Luuka 21:22

Awo eniikhale mahuku a ikuhu weera sikwaniheriwe sootheene silempwale.

aRooma 15:8

Vano miyo kinooleelani weera Kristu oothatuwa murumeiyi a aYuda niwoko na ekhaikhai ya Muluku, weera alipihere seiye yaaroromelihiwaaya asitokweene a khalayi.