Daniyeli 8:8 - Emakhuwa Bible

⁸ Epuri yaahunnuwaxa, mene ereene ya ikuruxa, nnyakanaya ntokweene naapwexiwa, ni vanipuroniwaya manyaka maxexe matokotoko yaahunnuwa ewehaka mipatta mixexe sa vathi.

Daniyeli 8:8 Iomraidhean Croise

2 Nyaha 26:16

Wa soothesene, Uziya athatungweene ooweraxa, wiixoonawawe waammoroxa. Owo khaaroromeleiye wa Yave, Mulukwaawe, anavolowa Mpaani mwa Yave weera ahise erubani* valtaarini* a erubani*.

Exteri 9:4

Mordekai aari ooweraxa mpaani mwa mwene. Epilaawe yaamwareela mweelaponi sootheene ni otokweenaawe wannaandyeerereya.

Yeremiya 49:36

Kinoopakiha weera ipheyo ixexe sinrweela mipatta mixexe sa wiirimu soopele wElami. Miyo kinimwaamwaraxela mpheyoni ixexe, anamatthukiwa a wElami anooronghiwa wootthukiwani mmilokoni sootheene sa mulaponi.

Yeremiya 5:27

Impasaya soosareya olokottha ntoko ikeelo soosareya ipalame; awosa aathatuwa anamapuha ni ooweraxa;

Ezekiyeli 16:7

Miyo kaawunnuwihani ntoko mwiri woowaaliwa mmatta. Nyuwo mwaahunnuwa, munapomba, munathatuwa ooreeraxa a axiveeve. Mapelaanyu yaakhuma, ni mayihaanyu yaahunnuwa, vaheera nyuwo mwaari tiriya.

Ezekiyeli 28:9

Weeraka nyuwo mmweere: “Miyo ti Muluku,” vamaithoni wa yaale eniiwiiveeni? Nyuwo mmwikhale mutthu paahi, ohikhanle Muluku mmatatani mwa yaawo eniiwiiveeni.

Daniyeli 11:4

Vahoolo wa okhalihiwa, omwenaawe onoomwaramwareya ni onookawanyeya mipatta mixexe sa elapo ya vathi. Omwenaawe khookhala wa ekhapiraawe ni khoolipa ntoko waaraaya, niwoko omwenaawe onimwaakhiwa, yinnyereriweke akina.

Daniyeli 4:31

Owo uulumaka hiihaale, nsu naahoorwa wiirimu: “Mwene Nebukadenezari, ekano elamuliwe wa nyuwo ti ela: Olamulawanyu wa omwene woovenxiwa wa nyuwo.

Daniyeli 5:20

Wa soothesene, murimaawe waathatungwaaya woowiixoona ni woowuuma niwoko na wiikuxa, aavenxiwa vahiceniwawe ya emwene ni aahaakhiwa ovuwawawe.

Daniyeli 7:2

Daniyeli aahera: “Moolohanimwaka ohiyu kaahoona ni ohoolowaka saakhala ipheyo ixexe sa wiirimu sitekumihaka ephareiya etokotoko.

Daniyeli 7:6

Vahoolowaya kaaweha ni ohoolowaka aakhala mwaamunama anaararu, aalikana ni havara. Ottuliwawe aakhalano mapupha maxexe ntoko a mwaapalame. Mwaamunama ole aakhalano nyuru mixexe ni aavahiwa ikuru sa olamula.

Daniyeli 8:22

Manyaka maxexe akhumme vanipuroni na nnyaka nenenenno naaphweeye, anthoonyera imwene ixexe sineera sikhumelele mwa muloko owo, mene ohikhalanaka ikhurusene seiyo sa muloko yoowo.

Daniyeli 8:5

Miyo nlelo kitthokelelaka yeeyo, wootutuxereya epuri etokotoko yaarweela mpatta ninkela nsuwa ekhalanaka nnyaka eriyari ya maithwaaya. Eyo yaaviravira elapo ya vathi yootheene, ehitavaka vathi.

Daniyeli 8:7

Kaahoona epuri engwananaka napunci moota woowoopihaxa; yaammana napunci epwexaka manyakaawe. Napunci khaawenre owina ni aamoroxeliwa vathi, ananyikaleliwa ni khaawo aawera omoopola mwa ikuru sa epuri.

Matheyo 24:31

Owo anaarumihe andyelowaawe ni nsu ntokotoko na nipalapatta, ni awo eniyaathukumanyihe oothanliwaawe wa elapo ya vathi yootheene, okhuma ekotenle erimu mpaka mpatta mukinatho.

Marku 13:27

ni Owo anaarumihe andyelowaawe ni eniyaathukumanyihe oothanliwaawe wa ilapo sootheene, okhuma ekotenle elapo ya vathi mpaka ekotenle erimu.

Deuteronomiyo 31:20

Kaavoleihaka mweelaponi yoosareya mukaka ni oravo, mwa yeeyo kaaroromelinghaaka ni nlipelo makholowaaya, ni yaacaaka, enavona, siweettelaka nnenesene, awosa eniikokhoreleke miluku sikina elapaka ekikhoottaka Miyo ni enanarihaka wiiraanawaka.

Ethupululo 7:1

Vahoolowaya, kaawoona andyelo axexe yeemenleene mmattuumbani maxexe a elapo, evaraka ipheyo ixexe sa elapo weera epheyo ehoope mweelaponi, naari mphareiyani naari mmwirini mmoha.