Daniyeli 8:26 - Emakhuwa Bible

²⁶ Moonelo wa oxeexelo ni ohiyu 2 300 nyuwo moonnaanyu etiitthu, mene muthokorore muxiirini niwoko onthoonyera itthu sa muhooloxa.”

Daniyeli 8:26 Iomraidhean Croise

Yesaya 24:22

Awosa anoothukumanyihiwa mukaliposo ntoko anamatthukiwa. Anoowaleliwa mukaliposo ni eviraleene mahuku mancipale anoottaruxiwa.

Ezekiyeli 12:27

“Mwaana a mutthu, muloko wa oYixrayeli oneera ha: ‘Moonelo owo onoonaawe oniweereye muhoolommo, ni owo onthalihera otthuna wa Muluku mwaha wa sa muhooloxa.’

Daniyeli 10:1

Vayaakhani yanaararu ya olamula wa Siru, mwene a oParesi, Daniyeli (iitthaniwatho Beltexazari) aahaakhela ethupululo. Mutthenga wa moonelo ole waari wa ekhaikhai ni waathoonyera ekhotto etokotoko. Aahaakhela wiiwexexa wa mutthenga ole mmooneloni.

Daniyeli 10:14

Vano kirweenle woothaliherani yeeyo eneera yeereeliwe mulokwaanyu mweehuhuni mwa muhoolo, niwoko moonelo onthoonyera ehuhu ya muhoolo.”

Daniyeli 11:2

Vano, kinoothaliherani ekhaikhai: “Mamwene mararu makina animoowa oParesi, ni vahoolowaya anaaxexe oopuhaxa waapwahaxa araru akinaawo. Owo aakhalaka moolamulani niwoko na mihakhusawe, onimwaatannya ootheene weera ewaneno omwene wa oGresiya.

Daniyeli 12:4

Mene nyuwo, Daniyeli, ngwale ni mutthuke masu a elivuru mpaka ommaleloni wa ehuhu. Ancipale anooviravira moothemwene yaasaka miruku.”

Daniyeli 12:9

Owo aakaakhula: “Mukuxere mphironimwanyu Daniyeli, niwoko masu aawaleliwa ni aatthukiwa mpaka ehuhu ya ommaleloni.

Ethupululo 10:4

Sirumakaru itari ithannapiili, miyo kaatthuna olepa, mene kaahiiwa nsu nimoha na wiirimu neeraka: “Ngwale seiyo itari ithannapiili sihimalaaya ni muhilepe.”

Ethupululo 22:10

Vano aakeerela: “Muhiwalele masu a ethalihero ya otthuna wa Muluku ya elivuru ela, niwoko ehuhu yookhuveela.