Daniyeli 8:13 - Emakhuwa Bible

¹³ Vano kaawiiwa andyelo etthekulaka ni mmoha a yaawo aamukoha mukhwaawe: “Sookhumelela iya nsimale yaakhani sihimmwale ni moonelo ola? Mpaka yaakhani ovaanya woophwata oneeraaya opwaherere wooceeliha sooveleela sa khula nihuku? Mpaka yaakhani Nipuro Nootteela* ni anakhotto eneeraaya evahereriwe mukuruni mwa nnyaka enyikaleliwaka?”

Daniyeli 8:13 Iomraidhean Croise

Icipo 74:10

Ii! Muluku, mpaka yaakhani amwiittana eneeraaya yootheyeeni? Weeraka awosa anooderera Nsinananyu wa mahuku ootheene?

Icipo 74:9

Khanivahiwatho ineneero sootikhiniheya; khaawoworu maprofeeti ni khaawo a hiyo osuwenle omalawaya.

Icipo 79:5

Ii! Yave, mpaka yaakhani? Munoonyoonyiwa wa mahuku ootheene? Mpaka yaakhani ehacaanyu eneeraaya ehise ntoko mooro?

Yesaya 28:18

Wiiraanawanyu ni okhwa onoomalihiwa; wiiwananawanyu ni nihiye khoolekela. Naarwaaka nthorihelo noowoopiha, nyuwo munoophwanyiwa ni nno.

Yesaya 6:11

Vano miyo kaamukoha: “Ii! Yave, mpaka yaakhani?” Ni Owo aakaakhula: “Mpaka isidade sineeraaya siheleye nthala woohimakiwamo, mpaka impa othaamiwa ni imatta oheleya nthala woomalela,

Yesaya 63:18

Mulokwaanyu waakuxa Nipuronanyu Nootteela* wa ehuhu vakhaani, mene vano amwiittanaahu aanyikalela Empaanyu Yootteela.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 12:10

Akukhuli ancipale aananariha emattaaka ya iwuuva* enyikhalelaka yeeyo; awosa aatatuxa emattaaka yooreeraxa nikare noophwatiwa.

Daniyeli 11:31

Anakhottwaawe anoorowa weera eveihe Empa ya Muluku yoolipaxa, emalihaka sooveleela sa khula nihuku. Vanonto anoomuteka muluku oohiira.

Daniyeli 12:11

Okhuma ehuhu sooveleela sa khula nihuku sineeraaya simalihiwe mpaka otekiwa wa muluku oohiira, anoovira mahuku 1 290.

Daniyeli 12:8

Kaahiiwa, mene nkiiwenxenxe, tivawo kaamukonghaaka: “Pwiiyaaka, sootheene iyo emalihero heeni?”

Daniyeli 4:10

Nyoonelo koonnaaka kiixaatalenleene vabeettiniwaka ti iya: Kaahoona ni waakhalawo ohoolowaka mwiri woorakamaxa eriyari ya elapo.

Daniyeli 4:13

Mmooneloni kaarinaaka kikonaka, kaaweha ni ohoolowaka aakhala namutthenga ootteela aarweela wiirimu.

Daniyeli 4:23

Nyuwo, amwene mwaamoonatho namutthenga, ootteela, aarweela wiirimu, eeraka: ‘Muuhe mwiri ni mutaase! Vaheera nikotto ni mikhwankwaarisaya sitthukiweene ni eyuuma ni ebronze*, muhiyeke. Nno nikhaleke vathi eriyari ya malaxi a ntuphini. Owo onimwiimeliwa nikame na wiirimu ni onookhala ni axinama a ntuphini mpaka omvirela ihuhu ithannapiili.’

Daniyeli 7:16

Kaamwaattamela mmoha a yaale yeemenle vaavaale, kinamvekela etaphulelo ya ekhaikhai ya itthu sootheene iye. Vano owo aakileela, akithaliheraka etaphulelo ya itthu iye:

Daniyeli 7:23

Owo aakithalihera etaphulelo ela: ‘Mwaamunama anaaxeexe ti omwene wanaaxexe onuukhumelele mweelaponi. Onoovirikana ni omwene mukina wootheene ni onoonyaanya elapo yootheene ya vathi, ahononaka ni anyikalelaka.

Daniyeli 9:27

Owo onoopaka wiiraana ni ancipale wa esimana emoha. Vano eriyari ya esimaneene yeeyo sinoomala sooveleela ni soovaha. Mpatta mmoha wa Empa ya Muluku onootekiwa muluku oohiira aneeraawe akhalewo mpaka ophiya ommaleloni olakeleliwaawe.”

Zakariya 1:19

Miyo kaamukoha ndyelo uuluma ni miyo: “Iheeni iya?” Owo aakaakhula: “Ala ti manyaka amwaranxe oYuda, oYixrayeli ni oYerusaleemu.”

Zakariya 14:5

Nyuwosa munootthawela oreyareyaniwaka, niwoko nno nnimwaataleya mpaka wAzeli. Munootthawa ntoko mwaatthangwaanyu otetereya mweehuhuni mwa Uziya, mwene a oYuda. Vano Yave Mulukwaaka onimoowa vamoha ni ootteelaawe ootheene.

Matheyo 11:27

Itthu sootheene kivahereriwe ni Atithaka. Khaawo amusuwenle Mwaana, ehikhanle Atiithi, ni khaawo aasuwenle Atiithi ahikanle Mwaana ni yaale Mwaana ontthunaawe owoonihera Atiithi.

Matheyo 24:15

Hiiho, nyuwo moonaka yiikaathiweene vaNipuroni Nootteela* etthu yoonanaraxa yoowuulihaxa muru* mwa yeeyo uulumalaawe mprofeeti Daniyeli, – owo onsoma iiwexexeke!

Marku 13:14

Nyuwo moonaka etthu yoonanaraxa yoowuulihaxa muru yiikaathiweene vanipuroni ehintthunihiwaaya – namasoma, iiwexexe – vano yaawo eneera ekhale oYudeiya, etthawele nnyaakoni.

Luuka 10:22

Atithaka aakivaha itthu sootheene. Khaawo onsuwela weera Mwaana taani, ehikhanle Atiithi, ni khaawo onsuwela weera Atiithi taani, ahikhanle Mwaana ni yaale Mwaana ontthunaawe waathupululela.”

Luuka 21:20

Moonaka oYerusaleemu orukureeriweene ni anakhotto, mmwisuwele weera othaamiwawaya wookhuveela.

Luuka 21:24

Akina eniyiiviwe ni ikatana, ni akina eniironghiwe okaliposo mweelaponi sootheene. oYerusaleemu onuunyikaliwe ni amalapo mpaka ihuhusaya sineeraaya sikwaniheriwe.

Yohaane 1:18

Khaawo omoonne Muluku, ahikhanle Mwanawe mmoharu ori vamoha ni Atiithi mwa Yoowo aasuwelihale.

Deuteronomiyo 33:2

Owo aaheera: “Yave ohoorwa arweelaka oSinayi, akhumaka ntoko nsuwa iixooniheraka wa yaawo oSeyiri. Aahaarela mulokwaawe vamwaako oParani. Aarwa ni ancipalexa a ootteela a mpatta wa ohitto, okhuma mukerekhere nyaako.

1 aTesalonika 3:13

Awo elipihere mirimasanyu weera mukhale oohikhala malepa ni ootteela vamaithoni wa Mulukwaahu Atiithi moorwani mwa Apwiyaahu Yeesu vamoha ni ootteelaaya ootheene.

aHeberi 10:29

Munuupuwela hai? Ottaruxiwa heeni wootepaxa omphwanela yoole omunyikanlaawe ni inaawo Mwaana a Muluku, yoole oveihale ephome ya wiiraana emutteelihale ni ooruwana Munepa wa mahala?

1 Pedru 1:12

Muluku aawoonihera weera mutthenga yaalaleiyaaya, khawaahiyono wa asineenaaya, mene wa nyuwo. Awo yaahuuluma sa itthu nyuwo mwiiwalaanyu vaanaanova wa anamalaleiya a masu ooreeraxa, mwa yaawo yuulumale ni Munepa Wootteela orumihiwe wiirimu. Siri itthu mpaka andyelo antthunaxaaya osuwela.

Yuda 1:14

Henookhi, ekhapira yanaathannapiili okhuma wa Adamu, aathaliha mwaha wa yaawo: “Moone, Apwiya angwa ni ootteelaaya oohaalikeleya

Ethupululo 11:2

Mwahiyeke nipuwa na vaate wa Empa ya Muluku, muhiphime, niwoko nno avahiwe amalapo. Awo eniinyikale esidade yootteela wa nyeeri miloko mixexe ni miili.

Ethupululo 6:10

Awo yaakhuwela ni nsu ntokotoko: “Mpaka yaakhani, Namalamula, Ootteela ni Ekhaikhai nnoowehereraahuni weera mwaathorihe atthu amanke elapo ya vathi ni mwiinlele ikuhu ephomaahu?”

Ahooleli 13:18

Ndyelo aamwaakhula: “Munkohera heeni nsinanaka? Ti nootikhinsa.”