Daniyeli 7:4 - Emakhuwa Bible

⁴ Oopacera aari ntoko mwatto akhalanaka mapupha a xaaka. Kaaweha mpaka mapuphaawe yaavasuliwa ni owo aaheemexiwa vathi moota wooweera aaheemela nyetto miili ntoko mutthu, anaakhela murima wa mutthu.

Daniyeli 7:4 Iomraidhean Croise

2 Samuweli 1:23

Sawuli ni Yonatani – mookuminimwaya yaari oosiveleya ni mookhwaanimwaya khayaamwalamwaxiwe. Yaari oowaaluwaxa waapwaha axaaka ni oolipaxa oowaapwaha amwatto.

Yobi 25:6

wootepaxa mutthu ori ntoko muungu, aani mutthu oopattuxiwa onlikana ni muungu.”

Icipo 9:20

Mutannyere seiyo woova, Yave; miloko sisuweleke weera siri atthu paahi. Sela*

Yeremiya 25:38

Owo omvenya munikhukunimwawe ntoko mwatto; elapwaaya yoohuhuleya niwoko na ekatana ya namahooxa ni mooro wa isara sa Yave.

Yeremiya 4:13

Moone, Owo ongwa ntoko mahutte; ikaarosawe sa ekhotto sinrwa ntoko eyuupuru, ikavalusawe* soowaaluwaxa ompwaha xaaka. Ii! Wa hiyo! Hiyo nooriheya!

Yeremiya 4:7

Mwatto ookhuma munyattanimwawe; namaphwata a miloko oovenya. Owo ookhuma munyattanimwawe weera aphwate elapwaanyu. Mittetthesanyu sinoohala ittuxoru soothaamiwa.

Yeremiya 48:40

Yave oneera ha: “Moone! Xaaka onkungela mapupha oMowabe.

Yeremiya 49:19

Ntoko mwatto omvolowa ntuphini na Yordanu arowoka moocaani moosareya malaxi, wootutuxereya Miyo kinoomulupattha Edomi kimoomolaka mulaponimwawe. Oothanliwa heeni kineeraaka kimurume yeeyo? Taani ori ntoko Miyo anaawere okipakela mpikisaano? Ni mukukhuli heeni anaawere okiwanano?”

Icipo Soolalamika 4:19

Anamattharattharaahu yaari oowaaluwa waapwaha axaaka a wiirimu; yaanittharelela mmanyaakoni, yaaniweherera munikareni.

Ezekiyeli 17:3

Mwaaleelase: ‘Yave onlamula sootheene oneera ha: Xaattula makula ni mapuphaawe ooweraxa, mapururu oorakama ni a malepa oohiyanahiyana aahoorwa oLebanoni. Aaheemela osuluxa wa esedari*,

Ezekiyeli 28:2

“Mwaana a mutthu, mwaaleele alamuli a oTiro weera Yave onlamula sootheene oneera ha: ‘Ngwixoonani wa murimaanyu nyuwo muneera: “Miyo ti Muluku; kinkilaathela ehice ya emwene ya Muluku eriyari ya ephareiya.” Vaheera nyuwo muri mutthu paahi, khamuhiyono Muluku, naari mwiixeeraka okhala musuweli ntoko Muluku.

Ezekiyeli 28:9

Weeraka nyuwo mmweere: “Miyo ti Muluku,” vamaithoni wa yaale eniiwiiveeni? Nyuwo mmwikhale mutthu paahi, ohikhanle Muluku mmatatani mwa yaawo eniiwiiveeni.

Daniyeli 2:38

ohinnyerera mmatatanimwanyu omutthu ni axinama a ntuphini ni ipalame sa wiirimu. Weiwo sintthunaaya okhalawo, Owo ohookhalihani namalamula a sootheene seiyo. Muru wa eyuuma yoorikaxa ti nyuwo.

Daniyeli 4:36

Ehuhuweene yeele waakihokoleela muupuwelowaaka ni kaahaakhelatho nttittimihonaka ni waarawaka wa ovuwa wa omwenaaka. Anamalakaaka ni maneethaaka yaakaasa ni kaahokoleela vahiceniwaka ya emwene kithatuwaka mutokweene opwaha khalayi.

Daniyeli 7:12

Ikuru soolamula sa axinama akinaawo saavenxiwa, mene yaatthuniheriwa okhala ni okumi wa ehuhu ekina.

Daniyeli 7:5

Vano ohoolowaka kaamoona mwaamunama anaaveeli aalikana ni ursu*. Owo eemenle ni nyetto sa ohoolo ni mmwaano eriyari ya maino aakhalano iparari tthaaru. Aaleeliwa: ‘Mvenye ni mukhuure enama yincipale.’

Matheyo 24:28

Weiwo onkhalaayawo muttembo, marepo eniithukumanewotho.

Deuteronomiyo 28:49

Yave anootannyereleni muloko wa ottai weera woorweelaseni ntoko xaaka atthunaka ovara; muloko muneeraanyu muhiiweke nuulumonaya.

Ethupululo 13:2

Enama ya mmunepani koonnaaka yaalikana ni havara, mene yaarino inaawo ntoko inaawo sa ursu* ni eyano ntoko eyano ya mwatto. Edrakoni* yaavaha enama ele ikurusaya, ehicaaya ni owerawaya otokotoko.