Daniyeli 7:27 - Emakhuwa Bible

²⁷ Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Daniyeli 7:27 Iomraidhean Croise

Icipo 145:13

Omwenaanyu ti omwene woohimala ni olamulawanyu ompwaherera wa ikhapira sootheene. Yave ti oororomeleya mwa soororomelihasawe sootheene ni onoonihera murima wooreera mwa sootheene opankaawe.

Icipo 22:27

Atthu a elapo ya vathi yootheene anoomuupuwelela, ehokoleeleke wa Yave, ni imusi sootheene sa miloko sinoomukokhorela,

Icipo 72:11

Mamwene ootheene anoomukokhorela ni miloko sootheene sinoomurumeela.

Icipo 86:9

Miloko sootheene mpattunxaanyu sinoorowa weera silape ohoolowanyu; Ii! Yave seiyo sinoovuwiha Nsinananyu,

Yesaya 14:2

Miloko sinoophwanya yoowo siroiheke mmapuronimwayaxa. Ekhapira ya Yixrayeli enoolamula miloko ntoko ipottha ilopwana ni ithiyana mweelaponi mwa Yave. Awosa animwaakhaliha anamatthukiwa anamavaraaya ni animwaalamula anamahasulaaya.

Yesaya 54:3

Niwoko nyuwo munimwaandyeerera mipatta sootheene; ekhapiraanyu enookuxa miloko, eniitekiha mmasidadenimwaya moothaamiwa.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 4:34

Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:18

Vaheera ootteela a Muluku a Musulusulu animwaakhela omwene ni anookuxa yoowo wa mahuku ootheene – aani, wa mahuku ootheene.’

Daniyeli 7:22

mpaka Muluku a Musulusulu aaphiyalaawe, alaleiyaka nthorihelo aweerelaka ootteela a Muluku a Musulusulu. Yoophiya ehuhu awosa yookuxa omwene.

Obadiya 1:21

Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.

Zakariya 14:9

Yave onookhala Mwene a elapo ya vathi yootheene. Vanihukuni nenenenno onookhala Yave mmoha ni Nsinanawe nimoharu paahi.

Luuka 1:33

Owo anaalamule empa ya Yakobe mahuku ootheene. Olamulawawe onuukhale woohimala.”

Yohaane 12:34

Atthu ancipale yaamweerela: “Nohiiwa munlamuloni weera Kristu anaakhale mahuku ootheene. Mungwera hai weera: ‘Ontthuneya ottukhuliwa Mwaana a mutthu?’ Taani Yoowo Mwaana a mutthu?”

1 aKorinto 15:24

Vano onuuphiye ommaleloni, Owo aavahereraka omwene wa Muluku Atiithi vahoolo wa ophwata elamulelo yootheene, otokweene wootheene, ni ikuru sootheene.

Ethupululo 11:1

Kaavahiwa ettheere yoolikana ni ekopo weera kiphime ni kaaheereliwa: “Murowe ni mwaphime Empa ya Muluku ni altaari*, ni mwawaalikele anamalapa ari weiwo.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 17:14

Eniiwane ni Eputtiputthi, mene Eputtiputthi eniiwine, niwoko eri Apwiya a asipwiiya ni Mwene a mamwene ni oowiitthaniwaaya, oothanliwaaya ni oororomeleyaaya eniikhale vamoha ni Eyo.”

Ethupululo 19:16

Mmukaandyonimwawe ni vatakhwiniwawe noolempwa nsina nna: MWENE A MAMWENE NI APWIYA A ASIPWIIYA.

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.

Ethupululo 22:5

Khoorwa okhalatho ohiyu ni khoorwa ohaaweleya waara wa onyaari, naari wa nsuwa, niwoko Apwiya Muluku eniyaamwaleele, ni awo eniilamule mahuku ootheene oohimala.