Daniyeli 7:25 - Emakhuwa Bible

²⁵ Owo onimuuluma soomvirikanyihela Muluku a Musulusulu, aahasulaka ootteelaawe, eereraka oceendya ihuhu ni malamulo. Ootteela animwinnyereriwa mmatatanimwawe wa ehuhu, ihuhu ni eriyari ya ehuhu.

Daniyeli 7:25 Iomraidhean Croise

Yesaya 37:23

Munruwanne taani? Mumveihale taani? Mwaamukhuwelenle taani, mungwehexexaka ngwiixoonani? Ti Ootteela a oYixrayeli!

Daniyeli 11:28

Mwene a ottuttuwani onoohokoleela elapwaawe ni mihakhu sincipale, mene murimaawe onootthuna owanano wiiraana wootteela. Owo onoopaka ntoko uupuwenlaawe, ahokoleeleke elapwaawe.

Daniyeli 12:7

Mulopwana aawanre ikuwo sa eliinyu* aari vasulu maahi aatheteelela moonowaawe mulopwana ni muthiyana wiirimu ni kaamwiiwa amulipelaka Yoowo onkhala ni okumi woohimala: “Enoovira ehuhu, ihuhu ni eriyari ya ehuhu. Ikuru sa muloko wootteela saamalakaru, itthu sootheene iyo sinookwaniheriwa.”

Daniyeli 2:21

Owo onceendya ihuhu sa vanihukuni ni sa vayaakani; Owo onaakhaliha mamwene ni Owo onaakuruxa yaawo. Owo onaavaha miruku anamiruku ni esuwelo yaale aniiwexexa nnene.

Daniyeli 3:26

Nebukadenezari aahaattamela mulako wa niikho noovihaxa, anakhuwela: “Xadraki, Mixaki ni Abedneku, arumeiyi a Muluku a Osulusulu, mukhumeke, ngweeke wenno!” Vano Xadraki, Mixaki ni Abedneku yaakhuma mmooroni.

Daniyeli 4:17

Yoolakela enlaleiwa ni anamitthenga; ootteela anghima yoolakela eyo weera akumi ootheene esuwele weera Muluku Musulusulu onlamula meekhaawe omwene wootheene wa omutthu. Owo onimvaha onimutthunaawe ni onimwinnyerera olamula yoole oohiphwanelela.

Daniyeli 4:2

Enkisiveliha woothaliherani sa ineneero ni sootikhiniha sooweraxa Muluku a Osulusulu okipakenlaawe.

Daniyeli 4:25

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe ni munimwiimeliwa nikame na wiirimu. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.

Daniyeli 4:32

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.”

Daniyeli 7:18

Vaheera ootteela a Muluku a Musulusulu animwaakhela omwene ni anookuxa yoowo wa mahuku ootheene – aani, wa mahuku ootheene.’

Daniyeli 7:20

Kaatthuna osuwelatho mwaha wa manyaka muloko a mmurumwawe ni sa nnyaka nikina naakhumelenle vanipuroni na manyaka mararu makina yaakomphongwe – nnyakanene nenne naarino maitho ni eyano yuuluma moota woowiikuxa.

Daniyeli 7:8

Miyo kiwehexexaka manyaka, kaahoona nnyaka nikhaani nikina, naakhuma eriyaraaya ni manyaka mararu a yaale oopacera yaakompholiwa weera nikhaani nne niphwanye nipuro. Nnyaka nne naakhalano maitho ntoko a atthu ni eyano yuuluma moota woowiikuxa.

Daniyeli 8:11

Aahunnuwa moota wooweera aamutannya mutokweene a anakhotto a wiirimu avenxaka yooveleela ya khula nihuku aapakeliwa mutokweene yoowo, ni nipuronawe nootteela naaphwatiwa.

Daniyeli 8:14

Owo aakaakhula: “Sootheene iyo sinoomala oxeexelo ni ohiyu 2 300. Vahoolowaya Nipuro Nootteela* nnooraseliwa.”

Daniyeli 8:9

Vannyakani nimoha a yaawo naakhuma nikina nikhaani, mene naahunnuwa woowaakuveya mukuruni niwehaka mpatta wa ohitto, ninkhuma nsuwa ni wa Elapo Yooreeraxa.

Daniyeli 9:27

Owo onoopaka wiiraana ni ancipale wa esimana emoha. Vano eriyari ya esimaneene yeeyo sinoomala sooveleela ni soovaha. Mpatta mmoha wa Empa ya Muluku onootekiwa muluku oohiira aneeraawe akhalewo mpaka ophiya ommaleloni olakeleliwaawe.”

Hoxeya 7:16

Awosa khaanghokoleela wa Muluku Musulusulu; ari ntoko muura woohilokaloka. Ahoolelaaya animwiiviwa ni ekatana niwoko na maswaaya ooveiha. Tivawo atthu a wExipitu anaatthebwaaya.”

2 aTesalonika 2:3

Ahikhale mutthu onoolokotthani hata vakhaani. Nihuku nno khaninrwa ophiya ohinaaye ohiiwelela otokotoko wookisera, ni wooniheriwa wa mutthu a yoottheka*, mwaana a oriheya.

2 aTesalonika 2:4

Owo anaakhale mwiittana a sootheene seiyo siri sa Muluku, hoye hoye soolapiwa, ni aniivuwihe wa itthu iyo mpaka anaakilaathi vaNipuroni Nootteela* na Muluku, alaleiyaka weera owo muneenaawe ti Muluku.

2 aTesalonika 2:8

Vahoolowaya anooniheriwe namatakhala owo, ni Apwiya Yeesu eniimwiive ni iphumu sa eyanowaaya ni eniimphwate ni orwawaya.

Ethupululo 12:14

Aavahiwa muthiyana mapupha meeli a xaaka mutokotoko weera owo awere ovava mpaka nipuro aareherereliwaawe munikareni, weiwo eeraawe acihiwe ehuhu, ihuhu ni eriyari ya ehuhu, ottaiwene wa enowa.

Ethupululo 12:6

Muthiyana aatthawela munikareni, wa nipuro aareherereliwaawe ni Muluku weera weiwo acihiwe ni Muluku mahuku 1 260.

Ethupululo 14:12

Va ontthuneya weera evilele ootteela aniiwelela malamulo a Muluku, ni animutthara Yeesu moota woororomeleya.

Ethupululo 16:6

hapo awo avuuvihale ephome ya atthu oororomela ni maprofeeti, ni vano Nyuwo mohaawuriha ephome, ntoko awo aphwanenlaaya.”

Ethupululo 17:6

Kaahoona weera muthiyana aahapaliwa ephome ya atthu ootteela, ephome ya anamoona a Yeesu. Kimoonakaru, kaatikhinaxa.

Ethupululo 18:24

Mwa yeeyo yoophwanyiwa ephome ya maprofeeti ni ya ootteela ni ya ootheene yiiviwe mweelaponi.”