Daniyeli 6:7 - Emakhuwa Bible

⁷ Anamawehaweha a itthu sa emwene, anamalamula, mapwattapwattha, anamalaka ni maguvernadori ootheene yaahiiwanana weera mwene akhalihe ekano ni anyesererihe yeeyo. Vano ekanoweene yeeyo ti ela: Wa mahuku miloko miraru, yoole aneera amulape akhalaru muluku hata mutthu mukina ahikhanle mwene onoovonyeriwa mulittini mwa amwatto.

Daniyeli 6:7 Iomraidhean Croise

Icipo 10:9

Onimwiipitha ntoko mwatto; ongweherera weera amvare oohaawa. Onimvara oohaawa, anamupurulela mutthavinimwawe.

Icipo 2:2

Mamwene a mweelaponi animvaanya Yave ni anamalamula anoomvaanelela Yoowo ni oottikittheliwaawe, yeeraka:

Icipo 59:3

Moone moota awosa ankithurumelaaya! Atthu oowuuma murima ankivaanelela kiroohipahularu naari kiroohitthekaru.

Icipo 59:5

Ii! Muluku a ikuru sootheene, Muluku a aYixrayeli, mvenye weera muttaruxe miloko sootheene. Muhaamorele ikharari anamavariha oonanara. Sela*

Icipo 62:4

Awosa antthunaxa okikuruxa vanipuroniwaka na osulu; awosa anghakalalela soowootha. Anreeliha ni iyanosaya, mene anlapha ni soowuupuwela. Sela*

Icipo 83:5

Amvaanelela ni murima mmoharu; angwiiwananelani Nyuwo,

Icipo 94:20

Khoongwereya weera ehice ya emwene yoonanara yiiwanane ni Nyuwo – ehiceene yeele enruuhela ohiroromeleya niwoko na ikanosaya.

Daniyeli 2:4

Vano anamawehaweha ithenyeeri yaamwaakhula mwene munuulumoni na Eramewu: “Ii! Mwene, mukhaleke wa mahuku ootheene! Mwaaleele arumeiyaanyu yoolohaanyu ni hiyo nnootaphulela.”

Daniyeli 3:11

Moolamulelatho weera ootheene eneera ehikokhorele ni ehilape, anoovonyeriwa muniikhoni noovihaxa.

Daniyeli 3:2

Vahoolowaya aawiitthana mapwattapwattha, asitokweene, maguvernadori, anamalaka, anamawehaweha musurukhu a mwene, aphuki, anamalamula ni asitokweene ootheene a ilapo sikina weera erwe yoone ohuleliwa wa ecaambulo eemenxaawe.

Daniyeli 3:27

Mapwattapwattha, asitokweene, maguvernadori, ni anamalaka a mwene yaathukumanasa yaarukureenreene. Yaahoona weera mooro khawaahinse irutthusaya naari mayihi a nyurusaya khayaaziiye hata mikaandyosaya khasaaziiye ni khayuunkharu murule.

Daniyeli 3:6

Yoole aneera ahikokhorele ni ahilape, onoovonyeriwa woowaakuveya muniikhoni noovihaxa.”

Daniyeli 6:16

Vano mwene aalamula ni awosa yaamuruuha Daniyeli, enamvonyera mulittini mwa amwatto. Wa soothesene mwene aamweerela Daniyeli: “Mulukwaanyu munimurumeelaanyu khula nihuku awoopoleni!”

Daniyeli 6:22

Mulukwaaka aamurumiha ndyelowaawe ni owo oowala iyano sa amwatto. Awosa khaakivulalinghe niwoko koophwanyiwa woohinthowa vamaithoniwawe. Hata nkipankeru etthu yoonanara ohoolowanyu, amwene.”

Mikeyasi 6:5

Mulokwaaka, muupuwelele moota Balaki, mwene a oMowabe oovaanelenlaaweni, ni yeele Balaami mwaana mulopwana a Beyori aakhunlaawe. Muupuwelele mukwaha mwaapankaanyu okhuma oXitimi mpaka oGiligali, ni moonelele weera miteko sa Yave ti soororomeleya.”

Nahumi 2:12

Mwatto annavara, anaakawela amwatto athiyana ni axaana, asarihaka makhukwaawe enama aavaraawe.

Matheyo 12:14

Vano aFarisi* yaakhuma ni yaapacera ovaanela moota heeni yeeraaya emwiive Yeesu.

Matheyo 26:4

ni ootheene yaavaanela omvara Yeesu ni moota mukina woomvariha weera emwiive.

Marku 15:1

Oyaaka ni oxa ahooleli a asaserdoti*, asitokweene a muloko, anamawera a nlamulo* ni ootheene a eSineedriyu* yaaphiya woovaanelani. Emutthukaka Yeesu, yaamukuxa ni yaamvaherera Pilatu.

Yohaane 12:10

Hiiho ahooleli a asaserdoti* yaavaanela weera emwiivetho Lazaru,