Daniyeli 6:27 - Emakhuwa Bible

²⁷ Owo onnoopola ni onnivuluxa; Owo ompaka sootikhiniha ni ineneero wiirmu ni vathi. Owo oomoopola Daniyeli mwa ikuru sa amwatto.”

Daniyeli 6:27 Iomraidhean Croise

Yobi 36:15

Vaheera Yaawo anghaawa Owo onaatapuxa moohaawaxanimwaya; Muluku onuuluma ni yaawo moothanananimwaya.

Icipo 145:13

Omwenaanyu ti omwene woohimala ni olamulawanyu ompwaherera wa ikhapira sootheene. Yave ti oororomeleya mwa soororomelihasawe sootheene ni onoonihera murima wooreera mwa sootheene opankaawe.

Icipo 18:48

Ti Nyuwu munkoopola mwa amwiittanaaka. Nyuwo mookikhaliha vasulu wa awananaaka. Mookivuluxa mwa anamapuhera.

Icipo 18:50

Owo oningwinihaxa mwenaawe; ommoonihera onnene oottikittheliwaawe, wa Davide ni ekhapiraawe wa mahuku ootheene!”

Icipo 32:7

Nyuwo ti Wootthawelawaka; munkaakiha mwa makacamiho; munkirukureerihano icipo sa owina.

Icipo 35:17

Ii! Yave, mpaka yaakhani mpwahereraka oweha paahi? Moopole okumaaka mwa okiwananawaya; aani okumaaka woosiveleya mwa amwatto ale.

Icipo 97:10

Yaale animusivela Yave ethanye soonanara, niwoko Owo onkosoopa okumi wa oororomeleyaawe, aavuluxaka mmatatani mwa atakhali.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 4:31

Owo uulumaka hiihaale, nsu naahoorwa wiirimu: “Mwene Nebukadenezari, ekano elamuliwe wa nyuwo ti ela: Olamulawanyu wa omwene woovenxiwa wa nyuwo.

Daniyeli 4:34

Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 4:35

Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”

Daniyeli 6:20

Aakhuveelaawe vanlittini, aamwiitthana Daniyeli ni nsu noothananaxa: “Daniyeli, murumeiyi a Muluku Mukumi, weeraka Mulukwaanyu mwa Yoowo munimurumeelaanyu khula nihuku oowera oowoopolani?”

Yohaane 4:48

Yeesu aamweerela: “Nyuwo mwaahoona ineneero ni sootikhiniha, khamunroromela!”

Miteko 4:30

Mookole ntatananyu weera mulamihe ni mupake ineneero ni sootikhiniha muNsinani na Murumeiyaanyu Ootteela, Yeesu.”

aHeberi 2:4

Mulukutho ookhalela onamoona ovuluxiwa iwo mwaha wa ineneero, sootikhiniha, miteko sa ikuru soohiyanahiyana, ni samahala sa Munepa Wootteela sivahiwe ntoko otthunawaya.

1 Samuweli 17:26

Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”