Daniyeli 6:26 - Emakhuwa Bible

²⁶ Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Daniyeli 6:26 Iomraidhean Croise

Ezera 1:3

Akhalaru mutthu a mulokwaawe a eriyaraanyu (Mulukwaawe akhaleke ni yoowo), aroweke oYerusaleemu elapo ya oYuda, weera arasele Empa ya Yave, Muluku a aYixrayeli, mwa Yoowo onkhala oYerusaleemu.

Ezera 7:21

Vano miyo, mwene Aritaxaxete kinaalamulela anamawehaweha ootheene a soosungiwa a ilapo sa okhopela mooloko Efratesi weera mwamvahe Ezera, musaserdoti* ni muhusiha a Nlamulo na Muluku a wiirimu, sootheene aneeraawe oovekeleni –

Icipo 119:120

Erutthwaaka enthukumela ohoolowanyu; malamulowaanyu ankiruuhelaxa woova.

Icipo 146:10

Yave onlamula wa mahuku ootheene; Mulukwaanyu, oSiyoni, wa ikhapira sootheene. Munttottopele Yave.

Icipo 2:11

Munrumeele Yave ni woova; mumvuwihe Yoowo ni othukumela.

Icipo 29:10

Yave onkilaathi vahiceniwawe vasulu wa mirupi; Yave onlamula ntoko Mwene wa mahuku ootheene.

Icipo 42:2

Okumaaka onimuhaawela Muluku, aani Muluku Mukumi. Nkivolowe yaakhani weera kiixoonihere wa Muluku?

Yesaya 66:2

Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 3:29

Vano kinlamula weera atthu a sakhalaru miloko hoye hoye nuulumo eneera emuulumele etthu yoovirikana Muluku a Xadraki, Mixaki ni Abedneku ekakatthanyiwe ni impasaya sitatuxiwe ettuxo, niwoko khoowowo muluku mukina ongwera ovuluxa moota ola.”

Daniyeli 4:3

Ineneerosawe ti sitokotoko ni sootikhinihasawe ti sooweraxa! Omwenaawe ti woohimala ni olamulawawe ompwaherera wa ikhapira sootheene.

Daniyeli 4:34

Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 6:20

Aakhuveelaawe vanlittini, aamwiitthana Daniyeli ni nsu noothananaxa: “Daniyeli, murumeiyi a Muluku Mukumi, weeraka Mulukwaanyu mwa Yoowo munimurumeelaanyu khula nihuku oowera oowoopolani?”

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Malekiya 3:6

“Mwa yeeyo, Miyo, Yave, nkinceendya. Tivawo nyuwosa, ekhapira ya Yakobe, muhiphwatiwaanyu.

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Luuka 1:33

Owo anaalamule empa ya Yakobe mahuku ootheene. Olamulawawe onuukhale woohimala.”

Luuka 12:5

Vano Miyo kinoowooniherani taani ontthuneya omoova. Mmoove Yoole oneera iiva erutthu, onooweratho ovonyera mmooroni. Aani, Miyo kinooleelani: mmooveke Yoowo.

Miteko 17:25

Owo khanrumeeliwa ni matata a atthu ntoko ahaawelaka etthu, niwoko Owo muneenaawe omvaha okumi, omumula ni sootheene wa ootheene.

aRooma 9:26

Ni: “Nipuro naahimmwalaaya: ‘Nyuwo khamuhiyono mulokwaaka,’ vaavaawo nyuwo mmwiitthaniwe ‘anamwane a Muluku mukumi.’”

Deuteronomiyo 5:26

Vekhaikhai khawowo mutthu mweelaponi otonke wiiwa nsu na Muluku Mukumi nikhumaka mmooroni, ntoko hiyo niiwalaahu, anapwaherera ni okumi.

1 aTesalonika 1:9

Atthweene yaawo anthaliha moota nyuwo mwaanaakhenlaanyu, ni moota muhokoleenlaanyu wa Muluku, muhiyaka miluku sikina weera munrumeele Muluku mukumi ni a ekhaikhai,

aHeberi 12:29

Vano, Mulukwaahu ti mooro woolalihaxa.

Yakobe 1:17

Yoovahiwa yooreera yootheene ni yamahala yookwanela yootheene enrweela wa Atiithi a waara, mwa Yaawo ahinceendya ntoko irungu sooceendyaceendya.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 4:10

asitokweene miloko miili naaxexe animukokhorela Yoole okilaathiye vahiceni ni animulapa Yoole onkhala ni okumi woohimala, evonyeraka icireembasaya ohoolo wa ehice, yeeraka:

Ethupululo 5:14

Ikhalelo ixexe sa okumi saaheera: “Ame”*, ni asitokweene yaakokhorela ni yaalapa.

1 Samuweli 17:26

Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”

1 Samuweli 17:36

Murumeiyaanyu aamwiiva mwatto ni ursu*. muFilisti oohiineliwa ole anaakhale ntoko mmoha a yaawosa, niwoko ohaaderera anakhotto a Muluku mukumi.