Daniyeli 6:23 - Emakhuwa Bible

²³ Mwene aahakalalaxa, analamula weera Daniyeli akhumihiwe munlittini. Vano Daniyeli akhumihiweene munlittini, yaahoona weera khaavulanleru niwoko aamuroromela Mulukwaawe.

Daniyeli 6:23 Iomraidhean Croise

1 Mamwene 5:7

Hirami iiwakaru mutthenga wa Salomoni, aahakalala, aneera: “Yave atthapeliwe olelo, niwoko oomvaha Davide mwaana a miruku weera alamule muloko mutokweene owo.”

1 Nyaha 5:20

Ewanaka hiihaale, yaamukhuwelela Muluku, mwa Yoowo aakhavihenre, awinnyereraka mmatatanimwaya aHagari ni oowiiraananaaya ootheene. Muluku aawaakhula, niwoko yaamuroromela Yoowo.

2 Nyaha 20:20

Oyaaka ni oxa yaattimula, erowaka onikareni na oTekowa. Yaavenyaaya, Yehoxafati aaweerelasa: “Mukiiwe Yuda ni muloko wa oYerusaleemu! Munroromele Yave, Mulukwaanyu, ni nyuwosa munoolipihiwa; mwaaroromele maprofeeti a Yave ni munoowina.”

Icipo 18:21

Miyo koheettela ephiro ya Yave; nkitapannye kimuhiyaka Mulukwaaka.

Icipo 37:40

Yave onaakhavihera ni onaavuluxa; Owo ongwoopola mwa atakhali aavuluxaka, niwoko awosa animuroromela Yoowo.

Okhuma 18:9

Yethero aahakalala woowiiwa itthu sooreera sootheene Yave aapakenlaawe aYixrayeli aavulunxaawe mmatatani mwa awExipitu.

Masu a Miruku 18:10

Nsina na Yave ti Nipuro Noolipaxa nootthawelamo; oororomeleya antthimakela weiwo, enakhala oolipeene.

Yesaya 26:3

Nyuwo Yave munoomuthokorora ni mmuretteleni wookwanela yoole olakelanxe niwoko onoororomelani Nyuwo.

Daniyeli 3:17

Hiyo navonyeriwa muniikhoni noovihaxa, Muluku mwa Yoowo nnimulapaahu onoowera onitapuxa ni Owo onoonoopola mmatatanimwanyu, nyuwo amwene.

Daniyeli 3:25

Owo aaweerela: “Moone! Kingwoona asilopwana axexe ootaphuliweene ni ooreereleene, yeetteettaka mmooroni, ni anaaxexe ole onlikana mwaana a miluku.”

Daniyeli 6:14

Mwene iiwakaru yeeyo aathananaxa; aatthunaxa omoopola Daniyeli ni aahaasaasa moota woomoopola mpaka wiila.

Daniyeli 6:18

Vahoolowaya mwene aaholokoleela mpaanimwawe ya emwene, anaviriha ohiyu ahicaaka, hata ahimutthunaka mutthu vamaithoniwawe. Vano khaawenre okona.

Marku 9:23

“Mwawera?” Yeesu aamweerela. “Sootheene singwereya wa yoowo onroromela.”

aHeberi 11:33

mwa yaawo munroromeloni yaawinne omwene, yaapaka itthu sa ekhaikhai, yaahaakhela soororomelihiwa, yaawala iyano sa amwatto,