Daniyeli 5:23 - Emakhuwa Bible

²³ Ohiyanawaya mohiivuwiha ompwaha Yave a wiirimu. Moolamula weera ikoomixi sa Mpaani mwa Yave muruuheliwe nyuwo, maneethaanyu, axaarinyu ni ikuxosanyu weera ngwurere. Moottottopela miluku sa eparatha*, eyuuma yoorikaxa, ebronze*, eyuuma, nyiri ni maluku mwa seiyo sihingwera woona, wiiwa naari wiiwexexa. Vaheera khamunttittiminghe Muluku mwa Yooworu onlakela okumaanyu ni iphirosanyu sootheene.

Daniyeli 5:23 Iomraidhean Croise

Epacerero 14:19

Aamureeliha Abraamu ni masu ala: “Ooreelihiwa akhale Abraamu ni Muluku Musulusulu, Yoowo opattunxe erimu ni elapo ya vathi.

Epacerero 2:7

Vano Yave Muluku aamoopa mulopwana avarelaka muteko ntthupi na etthaya ni aamwiiseelela mphulanimwawe ngwiya wa okumi ni mulopwana aathatuwa okhala ni okumi.

2 Mamwene 14:10

Mohaawina awEdomi ni vano munimwiixoona. Muupuwelele owinawanyu, mene mukhaleke owaani! Nyuwo muniitannyera oyevihiwa ni yeeyo enimoohelani nthala nyuwo ni oYuda.

Yobi 12:10

Okumi wa soopattuxiwa sootheene ori mmatatanimwawe nitho ngwiya wa omutthu wootheene.

Yobi 31:4

Owo onnoona iphirosaka, anoonelamo khula malipaaka.

Icipo 104:29

Mwaahuluwaka, iyo sinoopupuruma ni mwaavenxaka ngwiyaaya, sinimookhwa sihokoleelaka vantthupini.

Icipo 115:16

Irimu sa osuluxa ti sa Yave, vaheera Owo oovaha omutthu elapo ya vathi.

Icipo 139:3

Munsuwela miyo keettaka ni kiixaatalelaka; munsuwela nnenesene iphirosaka sootheene.

Icipo 146:4

Awosa yaakhwaaka, anghokoleela vantthupini, ni nihuku nenenenno soovaanelasaya sinimwaamalela.

Masu a Miruku 20:24

Malipa a mutthu anghooleliwa ni Yave. Anaawere hai mukina wiiwexexa ephirowaawe?

Yesaya 13:11

Kinoottaruxa elapo ya vathi niwoko na yoonanaraaya; atakhali niwoko na sootakhalasaya. Kinoomaliha wiixoona wa oowiikuxa ni kinooyeviha wiixoona wa oowuuma murima.

Yesaya 14:13

Nyuwo mwiixeerela: “Kinoowela wiirimu; kinimweemexa ehicaaka ya emwene osulu wa ithenyeeri sa Muluku; kinookilaathi vamwaako wa muthukumano; vathokani sa mwaako wootteela.

Yesaya 2:12

Yave a ikuru sootheene oothanla nihukunawe wa anamwiixoona ni anamwiikuxa ootheene – aani ootheene oovuwihiwa – ni awosa anooyevihiwa.

Yesaya 33:10

Yave oneera: “Kinoovenya vaanaanova; vano kinoovuwihiwa; kinoottittimihiwa vaanaanova.”

Yesaya 37:19

Yaavonyera milukusaya mmooroni, ephwataka, niwoko khasaahiyono miluku, mene nyiri ni maluku paahi, ookheriwa ni atthu.

Yesaya 37:23

Munruwanne taani? Mumveihale taani? Mwaamukhuwelenle taani, mungwehexexaka ngwiixoonani? Ti Ootteela a oYixrayeli!

Yesaya 42:5

Muluku Yave ti Yoole opattunxe irimu ni aatanle seiye, Yoole otanunxe etthaya ni sootheene simmelamo, Yoole onaavaha ngwiya amakaaya ni okumi wa sootheene sinkhalamo. Vano, Mulukweene Yoowo oneera ha:

Yeremiya 10:23

Ii! Yave! Koosuwela weera mutthu khanlakela sa muhoolomwawe; mutthu khanghoolela malipaawe.

Yeremiya 48:26

“Munghapalihe, niwoko owo oomveiha Yave. oMowabe wiivottokolele marapheyowaaya ni okhale munyemu.

Yeremiya 50:28

Ngwiiwe anamatthawa ni yaale atthangwe ekhumaka oBabiloniya, elaleiyaka oSiyoni moota Yave, Mulukwaahu, iinlenlaawe ikukuttula, aani iinlenlaawe Empaawe.

Yeremiya 50:29

Ngwiitthanele ananyuupa oBabiloniya, ootheene yaale amvarela nyuura. Ekonele ootheene mukhwipimwawe; ahikhaleru anaatthawe. Mutthuvele muttharihaka ipakelosaya; mpakele iwo sootheene opankaaya. Niwoko iwo woomveiha Yave, Ootteela a oYixrayeli.

Ezekiyeli 28:17

Murimaanyu woothatuwa woowiixoona niwoko na ophwaneliwawanyu, ni nyuwo moonanariha mirukusanyu niwoko na waarawanyu. Tivawo Miyo koovonyenraakani vathi; kohoopakani mutheelelo wa mamwene.

Ezekiyeli 28:2

“Mwaana a mutthu, mwaaleele alamuli a oTiro weera Yave onlamula sootheene oneera ha: ‘Ngwixoonani wa murimaanyu nyuwo muneera: “Miyo ti Muluku; kinkilaathela ehice ya emwene ya Muluku eriyari ya ephareiya.” Vaheera nyuwo muri mutthu paahi, khamuhiyono Muluku, naari mwiixeeraka okhala musuweli ntoko Muluku.

Ezekiyeli 28:5

Mooweranimwanyu otokotoko omweetta nakoso, nyuwo mohaandyeerera mihakhusanyu, ni murimaanyu ommweera otepa wiikuxerera niwoko na seiyo.

Ezekiyeli 31:10

Vanonto, Yave onlamula sootheene oneera ha: Weenre owo wunnuwaka, onarakama ophiyaka osuluxa, ni makukhwaaya a mwiitti yakhalaka vasulu wa othako wootheene, ni weenre wiikuxererakano orakamawaya,

Daniyeli 11:12

Vano anakhottweene yaawo yaawiniwaka, mwene a ohitto onoosareya wiixoona, awiivaka anakhotto ancipalexa, vaheera owinawawe khoopwaherera.

Daniyeli 4:37

Vano miyo, Nebukadenezari, kinimuttottopela, kinimuttittimiha ni kinimvuwiha Mwene a wiirimu, niwoko sootheene ompakaawe ti sa ekhaikhai ni iphirosawe sootheene ti sookwanela. Owo ongwera wayeviha ootheene aneetta moota woowiixoona.

Daniyeli 8:11

Aahunnuwa moota wooweera aamutannya mutokweene a anakhotto a wiirimu avenxaka yooveleela ya khula nihuku aapakeliwa mutokweene yoowo, ni nipuronawe nootteela naaphwatiwa.

Habakuki 2:4

Mmoone, owo ti oowiixoona; soohaawelasawe khasireenre; vaheera oororomeleya onookhala niwoko na nroromelonawe.

Miteko 17:25

Owo khanrumeeliwa ni matata a atthu ntoko ahaawelaka etthu, niwoko Owo muneenaawe omvaha okumi, omumula ni sootheene wa ootheene.

1 aKorinto 8:4

Tivawo, mwaha wa yooca yootteeliheriwa miluku soowootha, noosuwela weera muluku oowootha khahiyono etthu mweelaponi, ni ookhala Muluku mmoha paahi.

1 Timootheyo 3:6

Ahikhaleke oorukunxa murima vaanaano, weera ahiixoone ni ahimorele yoottheka emoharu yeeyo omorenlaawe Diyabu*.

aHeberi 4:13

Vamaithoni a Muluku kheewo eriwo yoowiipithiheya mweephattuweloni yootheene. Sootheene sohooneleliwa ni sohooneya vamaithoni wa Yoowo hiyo nneeraahu nimwaakhuleke.

Ethupululo 9:20

Yaawo yaahanle ehiiviwe ni sohooxa iye, waarookhalaru hiiho, khayaarukunxale murimaaya wa miteko sa matataaya. Awo khayaahiyale olapa minepa soonanara ni miluku sikina sa iyuuma soorikaxa soohiyanahiyana; sa maluku ni sa nyiri; seiyo sahaawera woona, wiiwa, naari weetta.

Ahooleli 16:23

Ahooleli a aFilisti yaathukumana weera empakele yooveleela etokotoko mulukwaaya Dagoni epakaka efesta. Awosa yaaheera: “Mulukwaahu Dagoni ooninnyerera mwiittanaahu, Samesoni.”

1 Samuweli 17:26

Davide aahaakoha asilopwana aattamannaaweno: “Ntthuvelo heeni aneeraawe aakhele mulopwana yoowo anaamwiive muFilisti owo, aakihaka ottittimiheya wa aYixrayeli? muFulisti heeni yoowo oohiineliwa onaadeerera anakhotto a Muluku mukumi?”

1 Samuweli 17:36

Murumeiyaanyu aamwiiva mwatto ni ursu*. muFilisti oohiineliwa ole anaakhale ntoko mmoha a yaawosa, niwoko ohaaderera anakhotto a Muluku mukumi.