Daniyeli 4:34 - Emakhuwa Bible

³⁴ Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 4:34 Iomraidhean Croise

2 Samuweli 22:31

Ephiro ya Muluku ti yookwanela; masu a Yave ti oophwanela ororomela. Owo ti yoowiixaakihera wa ootheene animuroromela.

1 Nyaha 29:10

Davide aamvuwiha Yave vamaithoni wa muthukumano wootheene, eeraka: “Attottopeliwe Yave wa mahuku ootheene, Muluku a tithiihu Yixrayeli.

1 Nyaha 29:13

Vano Mulukwaahu, nnoottottopelani ni nimvuwiha Nsinananyu noovuwaxa.

Yobi 1:21

aneera: “Kikhumale woohiwara mmirimani mwa amayaka, ni nkittimuletho woohiwara. Yave aakivaha, ni Owo ookuxa; Nsina na Yave nittottopeliwe.”

Icipo 10:16

Yave ti Mwene wa mahuku ootheene! Miloko sinoolakaseya mweelaponimwawe.

Icipo 102:24

Vano kaavekela: Ii! Mulukwaaka, muhikivenxe eriyari ya mahukwaaka. Mahukwaanyu ampwaherera wa mahuku ootheene.

Icipo 107:15

Awosa emutthapele Yave niwoko na osivelawawe woohimala ni mitekosawe sootikhiniha aapakenlaawe atthu,

Icipo 107:22

Awosa epakeleke sooveleela sootthapela elaleiyaka mitekosaya ni icipo sa ohakalala.

Icipo 107:31

Awosa emutthapele Yave niwoko na osivelawawe woohimala ni mitekosawe sootikhiniha aapakenlaawe atthu.

Icipo 107:8

Awosa emutthapele Yave niwoko na osivelawawe woohimala ni mitekosawe sootikhiniha aapakenlaawe atthu.

Icipo 111:7

Miteko sa matataawe ti soororomeleya ni sa ekhaikhai; ikanosawe sootheene soophwanela ororomela.

Icipo 121:1

Kinttukhulela maithwaaka omwaako, kinakoha: Ekhaviherowaaka engweela woowi?

Icipo 123:1

Kinttukhulela maithwaaka wa Nyuwo, wa Nyuwo munkilaathela ehicaanyu ya emwene wiirimu.

Icipo 145:13

Omwenaanyu ti omwene woohimala ni olamulawanyu ompwaherera wa ikhapira sootheene. Yave ti oororomeleya mwa soororomelihasawe sootheene ni onoonihera murima wooreera mwa sootheene opankaawe.

Icipo 146:10

Yave onlamula wa mahuku ootheene; Mulukwaanyu, oSiyoni, wa ikhapira sootheene. Munttottopele Yave.

Icipo 50:14

Mumpakele Muluku sooveleela sootthapela, mukwanihere soomuroromelihasanyu a Musulusulu.

Icipo 66:7

Owo onlamula wa mahuku ootheene ni ikurusawe; maithwaawe angwehaweha miloko. Anamapuhera ehingwaneno. Sela*

Icipo 7:17

Kinoomutthapela Yave niwoko na ororomeleyawawe ni kinimwiipa icipo kittottopelaka Nsina na Yave a Musulusulu.

Icipo 9:2

Kinoohakalala ootteeliweene mwa Nyuwo; kinimwiipa icipo soottottopela Nsinananyu na musulusulu.

Icipo 92:1

Ti wooreera omuttottopela Yave ni wiipela Nsinananyu, Muluku a Musulusulu;

Yesaya 13:11

Kinoottaruxa elapo ya vathi niwoko na yoonanaraaya; atakhali niwoko na sootakhalasaya. Kinoomaliha wiixoona wa oowiikuxa ni kinooyeviha wiixoona wa oowuuma murima.

Yesaya 2:11

Maitho a oowiixoona anooyevihiwa ni wiikuxa wa atthu onooveiheya. Yave paahi ti anaavuwihiwe nihuku nenenenno.

Yesaya 24:15

Tivawo amaki a ninkhuma nsuwa ni icirumba sa mphareiya, munttottopele Yave; mvuwihe Nsina na Yave, Muluku a aYixrayeli.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Icipo Soolalamika 3:38

Ti wa eyano ya Musulusulu sinrweelaaya irisa ni mareeliho.

Daniyeli 12:7

Mulopwana aawanre ikuwo sa eliinyu* aari vasulu maahi aatheteelela moonowaawe mulopwana ni muthiyana wiirimu ni kaamwiiwa amulipelaka Yoowo onkhala ni okumi woohimala: “Enoovira ehuhu, ihuhu ni eriyari ya ehuhu. Ikuru sa muloko wootteela saamalakaru, itthu sootheene iyo sinookwaniheriwa.”

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 4:2

Enkisiveliha woothaliherani sa ineneero ni sootikhiniha sooweraxa Muluku a Osulusulu okipakenlaawe.

Daniyeli 4:26

Nlamulo noohiya nikotto ni mikhwakwaarisaya nintaphulela weera omwenaanyu munoohokoloxeriwatho nyuwo mwaakhulela olamula wa wiirimu.

Daniyeli 4:3

Ineneerosawe ti sitokotoko ni sootikhinihasawe ti sooweraxa! Omwenaawe ti woohimala ni olamulawawe ompwaherera wa ikhapira sootheene.

Daniyeli 4:32

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.”

Daniyeli 4:36

Ehuhuweene yeele waakihokoleela muupuwelowaaka ni kaahaakhelatho nttittimihonaka ni waarawaka wa ovuwa wa omwenaaka. Anamalakaaka ni maneethaaka yaakaasa ni kaahokoleela vahiceniwaka ya emwene kithatuwaka mutokweene opwaha khalayi.

Daniyeli 5:18

Ii! Amwene, Muluku a Musulusulu aahaavaha atithinyu, Nebukadenezari, olamulaxa, otokweenexa, ovuwa ni waara.

Daniyeli 5:21

Aahoomoleliwa ottai wa atthu ni muupuwelowaawe waari ntoko mwaamunama. Aakhala vamoha ni abuuru a ntuphini, anaca malaxi ntoko imombe ni erutthwaawe yaahiimeliwa nikame na wiirimu mpaka aakhulenlaawe weera Muluku a Musulusulu onlamulaxa omwene wa atthu ni onimukhaliha mulamuli yoowo onimutthunaawe.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Daniyeli 9:14

Yave khaapinse oniruuhela erisa, niwoko Yave Mulukwaahu ti a ekhaikhai mwa sootheene ompakaawe; hata hiiho khanimwiiwelenle.

Yoonasi 1:14

Yaamudyoonttelela Yave: “Dyoontte Yave, muhinihiye nikhwaaka niwoko noomwiiva mulopwana ola. Nihikhaleno nthowa woomwiiva mutthu oohikhalano nthowa. Vano Nyuwo Yave, moopaka yeeyo mwaatthunaanyu.”

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Luuka 1:33

Owo anaalamule empa ya Yakobe mahuku ootheene. Olamulawawe onuukhale woohimala.”

Luuka 18:13

Namaliviha a musokotho aaheemela ottaiwene. Khaatthuna oweha osulu, mene amanaka ekakasa, aaheera: ‘Muluku, mukimorele ikharari, miyo kiri namattheka.’

Yohaane 5:26

Vano, mooteene yoowo Atiithi ankhalanaaya okumi mwa aneenaaya, hiihotho aamvaha Mwaana weera akhalenotho okumi mwa muneenaawe.

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

1 Timootheyo 1:17

Wa Mwene oohimala, Muluku mmoharu oohikhwa ni oohooneya, nikhale nttittimiho ni ovuwa mahuku ootheene oohimala. Ame*.

1 Timootheyo 6:16

mmoharu oohikhwa ni onkhala ngwaarani woohiphiyeya, mwa Yoowo khaawo amoonne, naari ongwera omoona. Wa Yoowo nikhale nttittimiho ni ikuru soohimala. Ame*.

Ethupululo 10:6

ni aamulipela Yoole onkhala wa mahuku oohimala, Yoole opattuxale wiirimu ni sootheene siri mwemmo, elapo ni sootheene siri mwemmo ni ephareiya ni sootheene siri mwemmo, eeraka: “Khoorwa opisatho.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 4:10

asitokweene miloko miili naaxexe animukokhorela Yoole okilaathiye vahiceni ni animulapa Yoole onkhala ni okumi woohimala, evonyeraka icireembasaya ohoolo wa ehice, yeeraka:

Ethupululo 4:9

Imaara sootheene ikhalelo sa okumi simvahaaya ovuwa, nttittimiho ni sootthapela wa Yoole okilaathiye vahiceni ni onkhala ni okumi woohimala,