Daniyeli 4:3 - Emakhuwa Bible

³ Ineneerosawe ti sitokotoko ni sootikhinihasawe ti sooweraxa! Omwenaawe ti woohimala ni olamulawawe ompwaherera wa ikhapira sootheene.

Daniyeli 4:3 Iomraidhean Croise

Yobi 25:2

“Olamula ni wooveya ti wa Muluku; Owo onkhalela sootheene siri wiirimu sa osulusulu.

Icipo 104:24

Ii! Yave! Sincipalexa ti soopakasanyu! Moopaka sootheene seiyo mmirukunimwanyu. Elapo yoosareya itthu mpattunxaanyu.

Icipo 105:27

Mwa yaawotho aapaka ineneerosawe sootikhiniha ni miiriirasawe mweelaponi ya oHami.

Icipo 145:13

Omwenaanyu ti omwene woohimala ni olamulawanyu ompwaherera wa ikhapira sootheene. Yave ti oororomeleya mwa soororomelihasawe sootheene ni onoonihera murima wooreera mwa sootheene opankaawe.

Icipo 66:7

Owo onlamula wa mahuku ootheene ni ikurusawe; maithwaawe angwehaweha miloko. Anamapuhera ehingwaneno. Sela*

Icipo 72:18

Yave Muluku, Muluku a oYixrayeli attottopeliwe, niwoko Owo paahi ompaka itthu sootikhiniheya.

Icipo 77:19

Ephirowaanyu yaavira mphareiyani; musewaanyu mmaahini mmaahini, ni khaawo oonne mwaanyikalaanyumo.

Icipo 86:10

niwoko Nyuwo ti Mutokweenexa mpakaka miteko sootikhiniha; Nyuwo paahi ti Muluku!

Icipo 92:5

Ii! Yave, sitokotoko ti mitekosanyu; sootikhiniheya ti soowuupuwelasanyu!

Yesaya 25:1

Ii! Yave, Nyuwo ti Mulukwaaka. Kinimoovuhiwani ni kinoottottopela Nsinananyu, niwoko moopaka itthu sootikhiniha moororomeleyanimwanyu wookwanela – itthu saavaaneliwe khalayi.

Yesaya 28:29

Sootheene iyo sinrweela wa Yave a ikuru sootheene, oohilikanxereya moolakanimwawe ni Muneene miruku.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 10:10

Vaheera Yave ti Muluku a ekhaikhai; Owo ti Muluku Mukumi, Mwene Oohimala. Owo aanyoonyiwaka, elapo enootetereya; miloko khasingwera ovilela isarasawe.

Daniyeli 2:2

Tivawo aawiitthannaawe anamacitta, anahako, akhiwiri ni anamawehaweha ithenyeeri, anaalamula omuleela yeeyo aalonghaawe.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 4:17

Yoolakela enlaleiwa ni anamitthenga; ootteela anghima yoolakela eyo weera akumi ootheene esuwele weera Muluku Musulusulu onlamula meekhaawe omwene wootheene wa omutthu. Owo onimvaha onimutthunaawe ni onimwinnyerera olamula yoole oohiphwanelela.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

aRooma 11:33

Ii! Wiixera wa mihakhu ni miruku ni esuwelo ya Muluku! Taani ongwera ophima soothorihasawe ni wiiwexexa iphirosawe?

Deuteronomiyo 4:34

Khoowowo muluku mukina olakenle okhumiha muloko mmoha variyari wa mukina weera okhale wawawe ovarelaka muteko woota murima, ineneero sootikhiniheya, owana, ntata nooweraxa, moono woolipa ni miteko sitokotoko ni sooweraxa. Itthu sootheene iye oopakenlaaweni Yave Mulukwaanyu wExipitu, ntoko moonnaanyu ni maithwaanyu!

1 Timootheyo 1:17

Wa Mwene oohimala, Muluku mmoharu oohikhwa ni oohooneya, nikhale nttittimiho ni ovuwa mahuku ootheene oohimala. Ame*.

aHeberi 1:8

Mwahatho wa Mwaana, eenre: “Ehicaanyu ya olamula eri yoohimala, ni ekopo ya omwenaanyu eri ya ekhaikhai.

aHeberi 2:4

Mulukutho ookhalela onamoona ovuluxiwa iwo mwaha wa ineneero, sootikhiniha, miteko sa ikuru soohiyanahiyana, ni samahala sa Munepa Wootteela sivahiwe ntoko otthunawaya.

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”