Daniyeli 3:7 - Emakhuwa Bible

⁷ Tivawo, yiiwakaru oruma wa nipalapatta, ampetta, amakita oohiyanahiyana, mapalapatta makina ni ikaruma soohiyanahiyana, miloko sa ilapo sootheene ni atthu a muulumo ootheene yaakokhorela enalapa ecaambulo ya eyuuma yoorikaxa mwene Nebukadenezari eemenxaawe.

Daniyeli 3:7 Iomraidhean Croise

Yeremiya 51:7

Babiloniya aari ekoomixi ya eyuuma yoorikaxa mmatatani mwa Yave; eyo yoohapaliha elapo yootheene. Miloko soowura eviinyuwaaya; tivawo sipupurumiheiyaaya.

Daniyeli 2:46

Vano mwene Nebukadenezari aamukokhorela Daniyeli, anamuttittimiha, analamula weera apakeliwe soovaha ni sooveleela ni avahiwe erubani*.

Daniyeli 3:10

Moohela ekano, amwene, weera ootheene eniyiiwe oruma wa nipalapatta, ampetta, amakita oohiyanahiyana, mapalapatta makina ni ikaruma soohiyanahiyana, ekokhoreleke ni elapeke ecaambulo ya eyuuma yoorikaxa.

Daniyeli 3:4

Vanonto namutthenga aalaleiya ni nsu ntokotoko: “Ii! Atthu, miloko ni asilopwana a muulumo ootheene, yeeyo mulamuleliwaanyu opaka ti ela:

Daniyeli 3:5

Mwiiwaru oruma wa nipalapatta, ampetta, amakita oohiyanahiyana, mapalapatta makina ni ikaruma soohiyanahiyana, muurameleke vathi, mulapeke ecaambulo ya eyuuma yoorikaxa mwene Nebukadenezari eemenxaawe.

Daniyeli 3:6

Yoole aneera ahikokhorele ni ahilape, onoovonyeriwa woowaakuveya muniikhoni noovihaxa.”

Daniyeli 3:8

Ehuhuweene yeele anamawehaweha ithenyeeri akina yaarowa, enaahimahima aYuda.

Miteko 14:16

Khalayi Owo aahiya miloko sa atthu sootheene weettela iphirosaya asineenaaya.

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 13:14

Niwoko na ineneero yaatthuniheriwaaya opaka mwa nsina na enama yoopacera, eyo yaahaalokottha atthu a elapo ya vathi. Yaahaalamulela opaka ecaambulo ya enama yoopacera weera ettittimihe enama ele yaavulalihiwe ni ekatana, nitho yaalamihiwe.

Ethupululo 13:3

Muru mmoha wa enama ya mmunepani waavulalihiwa ntoko waari mookhwa, mene nikhwatta na okhwa nne naavolihiwa. Elapo yootheene yaatikhina ni yaatthara enama ya mmunepani.

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 17:8

Enama ele moonnaanyu yaari, vanotho kheehiyono, ni ehanle vakhaani okhuruwela ngwiixerani, erooke wooriheyani. Atthu a elapo ya vathi, mwa yaawo masinaaya ahilempwale mulivuruni ya okumi okhuma ephattuwelo ya elapo, eniitikhine yoonaka enama, niwoko eyo yaari, kheehiyono, nitho ehanle orwa.

Ethupululo 19:20

Enamatho ele yaavariwa, nitho mprofeeti oolokottha aapanke ineneero sootikhiniheya mwa nsinanaya, mwa seiyo owo aalokotthannaawe yaawo yaarino eneneero ya enama ni yaalapa ecaambulowaaya. Ooweeli yaavonyeriwa ereene ni okumi vantthiyani na mooro omvarela ni enxofre*.