Daniyeli 3:19 - Emakhuwa Bible

¹⁹ Vano Nebukadenezari aamunyoonyeriwa Xadraki, Mixaki ni Abedneku ni ekhovaawe yaaceendyeya. Aalamula weera oviha wa niikho waandyeereriwe imaara ithannapiili.

Daniyeli 3:19 Iomraidhean Croise

Epacerero 31:2

Yakobe aapacera woona weera mweettelo wa Labani waamvirikaneela.

Exteri 3:5

Hamani oonaka weera Mordekai khuurama hata khaakokhora, aanyoonyaxiwa.

Exteri 7:7

Oonyoonyiweene mwene aavenya ahiyaka eviinyu, anarowa munttimbeni na empa ya mwene. Vaheera Hamani, asuwelaka weera mwene oolakela omwiiva, aahala vamoha ni pwiyamwene Exteri amudyoonttelelaka wuurela okumaawe.

Icipo 76:10

Mpaka isara munaakhalelaanyu atthu sinimooruuhelani ottottopela ni eniihalahale musaranimwanyu anoohiiheya.

Masu a Miruku 16:14

Isara sa mwene ti namutthenga a okhwa, vaheera mutthu a miruku onookurunuxa isarasene seiyo.

Masu a Miruku 21:24

Oowixoona ni oowiikuxa oniitthaniwa namatthebwa; owo ontepa waapakela akina moota woowaaronyihela.

Yesaya 51:23

Kinimwiikaathi mmatatani mwa anamahasulaanyu yaaweerelani: ‘Muurame weera noovireeni ni nyuwo mwaahaatalela makhataanyu ntoko etthaya ni musewe omviriwa.’”

Daniyeli 2:12

Eyo yaamunyoonyiha mwene, emusarihaka isara moota wooweera aalamulela ohitiwa wa anamiruku ootheene a oBabiloniya.

Daniyeli 3:13

Oonyoonyiweene Nebukadenezari aamwiitthana Xadraki, Mixaki ni Abedneku. Vano asilopwana ale yaaronghiwa ohoolo wa mwene

Daniyeli 3:20

Aalamulelatho weera akina a anakhottwaawe ooweraxa emutthuke Xadraki, Mixaki ni Abedneku, ni yaavonyere muniikhoni.

Daniyeli 5:6

Aahookhwa maririmela ni aahoovaxa moota wooweera makuthaawe yaamanana ni khaawera weemela.

Daniyeli 6:24

Mwene aalamula weera asilopwana yaamoothenre Daniyeli moota woolokotheya eruuhiwe ni evonyeriwe munlittini na amwatto vamoha ni axaaraaya ni anamwanaaya. Awosa ehinaaye ophiya vathi, amwatto yaahaakaphula, enapwexakasa makhuvaaya ootheene.

Levitiku 26:18

Vahoolo wa itthu sootheene iyo nyuwosa nlelo mwaahikiiwa, kinimoottaruxani imaara ithannapiili wa sootthekasanyu.

Levitiku 26:21

Nyuwo mwapwaherera okhala amwiittanaaka mukhoottaka okiiwa, kinimwaandyeerera soohoxasanyu imaara ithannapiili, ntoko sootthekasanyu simphwanelaaya.

Levitiku 26:24

Miyo muneenaaka kinookhala Mwiittananyu koohooxakani imaara ithannapiili niwoko na sootthekasanyu.

Levitiku 26:28

Miyo kinookhala Mwiittananyu koonyoonyeriwakani, koottaruxakani imaara ithannapiili niwoko na sootthekasanyu.

Miteko 5:33

Yiiwaka yeeyo, awo yaanyoonyiwa vancipale ni yaatthuna owiiva.

Miteko 7:54

Yiiwaka yeeyo, yaanyoonyiwa ni yaamukhuurihela maino Stefano.