Daniyeli 3:18 - Emakhuwa Bible

¹⁸ Ni waaheereya hiiho, vano musuwele nnenesene amwene weera hiyo khaninlapa milukusanyu naari ecaambulo ya eyuuma yoorikaxa mweemenxaanyu.”

Daniyeli 3:18 Iomraidhean Croise

1 Mamwene 19:14

Aamwaakhula: “Kinnamurumeela ni nthiti Yave, Muluku a ikuru sootheene. aYixrayeli aakhootta wiiraanawanyu ni ahaapwexa altaaraanyu*, ewiivaka maprofeetaanyu ni ekatana. Vano ti miyo paahi kinhanle ni awo anaasaasa okiivatho.”

1 Mamwene 19:18

Kohaakhalanotho atthu akina macira miloko mithannamiili oYixrayeli, mwa yaawo yahaakokhorenle ohoolo wa Bahali* hata yaahaambeence.”

Yobi 13:15

Naari Owo akiivaka, hata hiiho, kinooweherera mwa Yoowo; vekhaikhai kinimwaakiha iphirosaka ohoolowawe.

Masu a Miruku 28:1

Mutakhali ontthawa naari ahitthareleliwaka, vaheera oororomeleya anlipiha murima ntoko mwatto.

Daniyeli 3:28

Vano Nebukadenezari aaheera: “Muluku a Xadraki, Mixaki ni Abedneku attottopeliwe, mwa Yoowo omurumihale ndyelowaawe, anaavuluxa arumeiyaawe! Awosa aamuroromela Yoowo ehipwatthaka nlamulo na mwene ni yaalikana oleva okumaaya ohiya okokhorela naari olapa miluku sikina ahikhanle Mulukwaaya.

Levitiku 19:4

Muhitthare miluku soowootha naari muhiipakele miluku sa iyuuma soohaniwa. Miyo ti Yave Mulukwaanyu.

Matheyo 10:28

Muhiwoove yaawo aniiva erutthu, mene ehiweraka wiiva munepa. Mmoove toko Yoowo ongwera ophwata erutthu ni munepa mmooroni.

Matheyo 10:39

Yoowo onthokorora okumaawe, anaarihe yoowo, mene yoowo onriha okumaawe niwoko na Miyo, anaaphwanye yoowo.

Matheyo 16:2

Vano Yeesu aawaakhula: “Oxekuwa waawaaka, nyuwo muneera: ‘Enookhala ehuhu yooreera, niwoko erimu eri yooxeera’

Miteko 4:19

Pedrutho ni Yohaane yaawaakhula: “Muupuwele nnenesene asineenaanyu, asipwiiya, weera waari wooreera vamaithoni wa Muluku wiiwelela yeeyo nyuwo muntthunaanyu, ohikhanle omwiiwelela Muluku.

aHeberi 11:25

athanlaka ohasuliwa vamoha ni muloko wa Muluku ohiya soohaawela sootthekeya sa ehuhu vakhaani.

Yoxuwa 24:15

Wa soothesene, waahoosivelakani omurumeela Yave, vano munthanleke olelo taani muneeraanyu munrumeele – saari miluku yaarumeelaaya makholowaanyu okhopela wEfrates hoye hoye miluku sa awAmori a elapweene yeela munkhalaanyumo. Vaheera miyo ni emusaaka nnimurumeela Yave.”

Ethupululo 12:11

Awo yaamuwina ni ephome ya Eputtiputthi, ni ni masu a onamoona akhalenlaaya. Awo khayaakhoontte oleva okumaaya asineenaaya.