Daniyeli 2:44 - Emakhuwa Bible

⁴⁴ Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 2:44 Iomraidhean Croise

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

2 Samuweli 7:13

Ti yoowo anaakitekele Empa attittimiherelaka Nsinanaka ni kinoolipiha ehice ya omwenaawe wa mahuku ootheene.

2 Samuweli 7:16

Emusaanyu ni omwenaanyu onuukhale wa mahuku ootheene ohoolowaka; ehicaanyu ya emwene eniipwaherere wa mahuku ootheene.’”

Icipo 145:13

Omwenaanyu ti omwene woohimala ni olamulawanyu ompwaherera wa ikhapira sootheene. Yave ti oororomeleya mwa soororomelihasawe sootheene ni onoonihera murima wooreera mwa sootheene opankaawe.

Yesaya 60:12

Vano muloko hoye hoye omwene ohintthuna woorumeelani onooriheya; owo onoohononaxiwa.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Daniyeli 2:28

Mene ookhala Muluku wiirimu onthupulula mitikhinelo. Owo oomoonihera mwene Nebukadenezari yeeyo eneera yeereye mmahukuni a muhoolo. Yooloha ni nyoonelo moonnaanyu mukonaka ti iya:

Daniyeli 2:34

Nyuwo ngwehexexaka, nluku nimoha naakurukunduwa muneenaayaru. Naaswanya nyetto sa eyuuma ni oloko sinattikittheya.

Daniyeli 2:35

Vano eyuuma, oloko, ebronze*, eparatha* ni eyuuma yoorikaxa saanyaanyiwa sinakhala ntthupi ntoko makamba vanipuroni nimveeriwa* etrigu ehuhu ya elimwe. Epheyo yaavaviha seiyo sihihiyaka eneneero ya okhalawaya. Vaheera nluku naaswannye ecaambulo naathatuwa mwaako woorakamelaxa osulu ni waasareya elapo ya vathi yootheene.

Daniyeli 2:37

Nyuwo, mwene, ti mwene a mamwene. Muluku a wiirimu ohoovahani olamula ni ikuru, owera ni ovuwa;

Daniyeli 2:43

Ntoko moonnaanyu, eyuuma yaatakanseriwe ni oloko. Eyo entaphulela weera omwene owo onimwaasaasa wiiraana ni miloko sikina, mene wiiwananawaya khoolipa, hiiho ntoko eyuuma ehintakansiwaaya ni oloko.

Daniyeli 4:3

Ineneerosawe ti sitokotoko ni sootikhinihasawe ti sooweraxa! Omwenaawe ti woohimala ni olamulawawe ompwaherera wa ikhapira sootheene.

Daniyeli 4:34

Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Daniyeli 6:27

Owo onnoopola ni onnivuluxa; Owo ompaka sootikhiniha ni ineneero wiirmu ni vathi. Owo oomoopola Daniyeli mwa ikuru sa amwatto.”

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Daniyeli 8:25

Onoopakiha weera olokottha weetteleye nnene ni onimwiixoona okhala mutokweene waapwaha akina. Owo onimwaaphata ancipale a yaawosa aniixuupuwela weera nri mmuretteleni ni onoongwanano Mutokweenexa a anamwane asilopwana a mamwene. Vaheera owo onoophwatiwa, mene khoohiyono ni ikuru sa omutthu.

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Axewu 2:22

Kinoomoroxa ihice sa emwene ni kinoophwata olamula wa omwene wa anamarwa. Kinoopittula ikaaro ni anamweettihaaya; ikavalu* ni anamweettihaaya anoomora, khula mutthu mwa ekatana ya mukhwaawe.

Axewu 2:7

Kinoothukumeliha miloko sootheene, mwa seiyo, sinooruuha mihakhusaya ni kinoosariha ovuwa Empa ya Muluku ela,’ onghima Yave a ikuru sootheene.

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Yohaane 12:34

Atthu ancipale yaamweerela: “Nohiiwa munlamuloni weera Kristu anaakhale mahuku ootheene. Mungwera hai weera: ‘Ontthuneya ottukhuliwa Mwaana a mutthu?’ Taani Yoowo Mwaana a mutthu?”

aHeberi 12:28

Tivawo, woonaka weera nnaakhela omwene woohiteterexeya, nittottopele, ni hiiho nimulape Muluku moota woowaakhuleleya, ni nttittimiho ni woova.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 2:27

“Owo anaalamule ni ekopo ya eyuuma, ni anaapwexakase ntoko mwaapu wa oloko” –