Daniyeli 2:37 - Emakhuwa Bible

³⁷ Nyuwo, mwene, ti mwene a mamwene. Muluku a wiirimu ohoovahani olamula ni ikuru, owera ni ovuwa;

Daniyeli 2:37 Iomraidhean Croise

1 Mamwene 4:24

Owo aalamula elapo yootheene mpatta ninkela nsuwa wa mooloko – okhuma oTipexa mpaka oGaza. Vano waakhala murettele wa mipatta sootheene.

2 Mamwene 25:28

Mwene owo aamupwattha nnenesene, anamvaha nipuro noottittimiheya opwaha mapuro a mamwene makina aaraaweno oBabiloniya.

2 Nyaha 36:23

“Miyo Siru, mwene a oPersiya, kinghima ha: ‘Yave, Muluku a wiirimu, ookivaha omwene wootheene wa mulaponi, anakithanla weera kimutekele Empaawe oYerusaleemu, mulaponi ya oYuda. Ootheene ari a mulokwaawe, eroweke oYerusaleemu, ni weera Yave, Mulukwaaya, akhale ni yaawosa.’ ”

Ezera 1:2

“Siru, mwene a oParesi oneera ha: ‘Yave, Muluku a wiirimu, ookivaha omwene wootheene wa vathi ni ookithanla weera kamutekele Empa ya Yave oYerusaleemu, elapo ya oYuda.

Ezera 7:12

Aritaxaxete, mwene a mamwene, wa Ezera, Musaserdoti* ni namahusiha a Nlamulo na Muluku a wiirimu – salaama ni murettele.

Icipo 62:11

Muluku aahuuluma, ni miyo kohiiwa nnenesene: Owera ti wawawe.

Masu a Miruku 8:15

Mwa miyo mamwene anlamula, asitokweene ankhaliha ikano sa ekhaikhai;

Yesaya 10:8

Awosa aneera: “Ootheene a asitokweenaahu a anakhotto ari mamwene.”

Yesaya 47:5

“Mwaana muthiyana a oBabiloniya, mukilaathi emaalelo, mvolowe mpiphini; khamurwa mwiitthaniwatho pwiyamwene a imwene.

Yeremiya 28:14

Yave a ikuru sootheene, Muluku a oYixrayeli oneera ha: Kinoopakiha nivatta noolemela na eyuuma vaxiko wa miloko sootheene weera simurumeele Nebukadenezari, mwene a oBabiloniya, ni iyo nsilamuliwe ni yoowo. Mpaka axinama a ntuphini anoolamuliwa ni yoowo.’ ”

Yeremiya 34:1

Nebukadenezari, mwene a oBabiloniya, anakhottwaawe ootheene a imwene sootheene ni miloko sa omwene owo aalamulaawe yaawananaaya oYerusaleemu ni isidade sootheene saarukureenrewo, Yave aamurumihela masu ala Yeremiya:

Ezekiyeli 26:7

Yave onlamula sootheene oneera ha: Wa nyuwo oTiro, kinooruuhelani mpatta wa ottuttuwani mwene a oBabiloniya, Nebukadenezari, mwene a mamwene, vamoha ni ikavalu* ni ikaaro, anamweettiha ni anakhotto ancipale.

Daniyeli 1:2

Vano Yave aamwinnyerera Yehoyakimi, mwene a oYuda, mmatatanimwawe vamoha ni ikaruma sikina sa Empa ya Muluku. Nebukadenezari aakuxa seiye aronghaka wa empa ya mulukwaawe oBabiloniya, aniikaathi mpaani mwa mihakhu sa mulukwaawe.

Daniyeli 2:31

Amwene, mwaahoona ni ohoolowanyu yaakhala ecaambulo etokotoko; ecaambulo yoorakamaxa yoowaara ni ekhalelowaaya yoowoopihaxa.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 4:19

Vano Daniyeli (iitthaniwatho Beltexazari) aatikhinihiwaxa wa ehuhu ekina ni soowuupuwelasawe samoopopiha. Vanonto mwene aamweerela: “Beltexazari, muhihiye yooloha naari etaphulelowaaya ewoopopihakani.” Daniyeli aamwaakhula: “Pwiiyaaka, waari weera yooloha ela yaaweereela amwiittanaanyu ni etaphulelowaaya awananinyu!

Daniyeli 4:22

vano nyuwo, mwene, ti mwiri mutokweene owo! Moothatuwa mutokweene ni oolipaxa; otokweenaanyu wohunnuwa mpaka woophiya wiirimu ni olamulawanyu ompwaherera mpaka ilapo sa ottai sa elapo ya vathi.

Daniyeli 4:25

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe ni munimwiimeliwa nikame na wiirimu. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.

Daniyeli 4:3

Ineneerosawe ti sitokotoko ni sootikhinihasawe ti sooweraxa! Omwenaawe ti woohimala ni olamulawawe ompwaherera wa ikhapira sootheene.

Daniyeli 4:32

Munimoomoleliwa ottai wa atthu ni munookhala vamoha ni axinama a ntuphini; munimooca malaxi ntoko imombe. Sinimoovirelani ihuhu ithannapiili mpaka muneeraanyu mwaakhulele weera Muluku a Musulusulu onlamula omwene wa omutthu, amvahaka akhalaru mutthu onimutthunaawe.”

Daniyeli 4:34

Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 5:18

Ii! Amwene, Muluku a Musulusulu aahaavaha atithinyu, Nebukadenezari, olamulaxa, otokweenexa, ovuwa ni waara.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Hoxeya 8:10

Arimwiithumiharu eriyari ya miloko, vano kinimwaathukumanyiha, ni woowaakuveya anoopacera woonda moohasulani wa mwene ooweraxa.

Matheyo 6:13

Muhinihiye nivolowaka ngweereriwani, mene munivuluxe mwa soonanara.’

Yohaane 19:11

Yeesu aamwaakhula: “Nyuwo khamwaakhalano hata vakhaani ikuru ni Miyo mwahaavahiwe ikuru iyo wa wiirimu. Tivawo yoole okivaherenre wa nyuwo ookhalano nthowa na yoottheka yoowoopwahani nyuwo.”

Ethupululo 1:5

ni wa Yeesu Kristu ori Namoona oororomeleya, Ntthaara mwa anamakhwa, Namalamula a mamwene a elapo yootheene. Wa Yoole onnisivela ni onivulunxe wa sootthekasahu niwoko na ephomaawe, ni

Ethupululo 17:14

Eniiwane ni Eputtiputthi, mene Eputtiputthi eniiwine, niwoko eri Apwiya a asipwiiya ni Mwene a mamwene ni oowiitthaniwaaya, oothanliwaaya ni oororomeleyaaya eniikhale vamoha ni Eyo.”

Ethupululo 19:16

Mmukaandyonimwawe ni vatakhwiniwawe noolempwa nsina nna: MWENE A MAMWENE NI APWIYA A ASIPWIIYA.

Ethupululo 4:11

“Nyuwo moophwanela waakhela ovuwa, nttittimiho ni ikuru, Apwiya ni Mulukwaahu, niwoko moopattuxa itthu soothesene, ni iyo sinkhala ni sipakiwe niwoko na otthunawanyu.”

Ethupululo 5:12

ni yaahiipa ni nsu ntokotoko: “Yoophwanela ti Eputtiputthi yiiviwe weera yaakhele owera, mihakhu, miruku, ikuru, nttittimiho, ovuwa ni ottottopela!”