Daniyeli 11:36 - Emakhuwa Bible

³⁶ “Mwene onoopaka yeeyo ontthunaawe. Onimwiivuwiha ni onimwiixunnuwiha opwaha wakhalaru muluku ni onoomveiha Muluku a miluku ni itthu sihitonke wiiwiwa. Owo sinoomweettela nnene mpaka okwanela ehuhu ya isara, niwoko yeeyo elakeliwe ontthuneya okhumelela.

Daniyeli 11:36 Iomraidhean Croise

Icipo 136:2

Muntthapele Muluku a miluku. Osivelawawe ompwaherera wa mahuku ootheene!

Icipo 33:10

Yave onooceeliha soovaanela sa miloko; onghiiha soowuupuwelasaya.

Masu a Miruku 19:21

Vamurimani wa mutthu sookhala soovaanela sincipale, vaheera ompwaherera ti olakawawe Yave.

Yesaya 10:23

Namalamula, Yave a ikuru sootheene onookwanihera ophwatiwa olamuliwe mweelaponi yootheene.

Yesaya 10:25

Woonyoonyeriwaniwaka onoomala woowaakuveya, ni isarasaka sinoohokolowa weera saaphwate.”

Yesaya 10:5

Ii!, awAsiriya anoohaawa! Awosa ti ekopo ya onyoonyiwawaka ni mmatatanimwaya ori murepettho wa isarasaka.

Yesaya 14:13

Nyuwo mwiixeerela: “Kinoowela wiirimu; kinimweemexa ehicaaka ya emwene osulu wa ithenyeeri sa Muluku; kinookilaathi vamwaako wa muthukumano; vathokani sa mwaako wootteela.

Yesaya 14:14

Kinoowela osuluxa opwaha mahutte oorakamelaxa; kinimwiikhaliha ntoko Muluku.”

Yesaya 26:20

Murowe, mulokwaaka, mwavolowe mukwaartuni ni mwiiwalele. Mwiipithe vakhaani mpaka isarasawe sineeraaya sivire.

Yesaya 30:33

oTopeti woorehereriwa khalayi; ooreherereliwawo mwene. Moorowaaya ti woowaattaxa ni mutokotoko, okukumaka. Iphumu sa Yave simpatta ntoko enxofre* evarelaka mooro.

Yesaya 46:10

Okhuma ompacereroni Miyo kinsuweliha ommaleloni; okhuma khalayi seiye sineera seereye. Miyo kineera: ‘Otthunawaka onoopwahereraxa ni kinoopaka sootheene sinkisiveliha.’

Yesaya 57:9

Mwaarowa mpaka wa Moleki ni makhura a sooliveira* ni mohaandyeereriha makhuraanyu oowunkhelaxa; mwaahaarumihela anamitthengaanyu wa ilapo sa ottai; mwaakhuruwela moowiixera.

Ezekiyeli 28:2

“Mwaana a mutthu, mwaaleele alamuli a oTiro weera Yave onlamula sootheene oneera ha: ‘Ngwixoonani wa murimaanyu nyuwo muneera: “Miyo ti Muluku; kinkilaathela ehice ya emwene ya Muluku eriyari ya ephareiya.” Vaheera nyuwo muri mutthu paahi, khamuhiyono Muluku, naari mwiixeeraka okhala musuweli ntoko Muluku.

Ezekiyeli 35:13

Nyuwo mookisareela wiixoona ni okuulumelawanyu kohiiwa.

Daniyeli 11:16

Namahuhula owo onoopaka yeeyo ontthunaawe; khaawo aneera amooceelihe. Owo onimwiitekiha mweelaponi Yooreeraxa ni onookhalano ikuru soophwatano yeeyo.

Daniyeli 11:3

Vanonto mwene ooweraxa onookhumelela mwa yoowo aneera alamule ni ikuru sitokotoko, apakaka yeeyo ontthunaawe.

Daniyeli 11:37

Owo kharwa attittimiha miluku sa makholowaawe hata miluku soothanliwa ni asithiyana naari kharwa ampwattha akhalaru muluku, mene onimwiivuwiha eeraka ti mutokweene opwaha iyo.

Daniyeli 12:7

Mulopwana aawanre ikuwo sa eliinyu* aari vasulu maahi aatheteelela moonowaawe mulopwana ni muthiyana wiirimu ni kaamwiiwa amulipelaka Yoowo onkhala ni okumi woohimala: “Enoovira ehuhu, ihuhu ni eriyari ya ehuhu. Ikuru sa muloko wootteela saamalakaru, itthu sootheene iyo sinookwaniheriwa.”

Daniyeli 2:47

Mwene aamweerela Daniyeli: “Vekhaikhai Mulukwaanyu ti Muluku a miluku ni Apwiya a mamwene ni Namathupulula a mitikhinelo, niwoko moowera woonihera ntikhinelo nna.”

Daniyeli 4:35

Atthu ootheene a elapo ya vathi khaveetthwaawewo. Owo ompaka yeeyo ontthunaawe ni ikuru sa wiirimu ni amaki a vathi. Khawowo ongwera ohiiha ntatanawe hata omweerela: “Mpankeni?”

Daniyeli 5:19

Niwoko na otokweene Muluku aavanghaawe, miloko sootheene sa elapo ya vathi ni atthu a muulumo ootheene yaamoovaxa. Yaale mwene aatthunnaawe owiiva, aangwiiva ni yaale aatthunaawe owuurela, aangwuurela; yaale aatthunaawe waakhaliha mapuro oottittimiheya, aamwaakhaliha ni yaale aatthunaawe waayeviha aamwaayeviha.

Daniyeli 5:20

Wa soothesene, murimaawe waathatungwaaya woowiixoona ni woowuuma niwoko na wiikuxa, aavenxiwa vahiceniwawe ya emwene ni aahaakhiwa ovuwawawe.

Daniyeli 7:8

Miyo kiwehexexaka manyaka, kaahoona nnyaka nikhaani nikina, naakhuma eriyaraaya ni manyaka mararu a yaale oopacera yaakompholiwa weera nikhaani nne niphwanye nipuro. Nnyaka nne naakhalano maitho ntoko a atthu ni eyano yuuluma moota woowiikuxa.

Daniyeli 8:19

Owo aakeerela: “Miyo kinimoothaliherani yeeyo eneera ekhumelele muhoolo, mweehuhuni ya isara, niwoko moonelo ola onthoonyera ehuhu ya ommaleloni.

Daniyeli 8:4

Kaangwehexexa napunci eetteettaka mpatta wa ninkela nsuwa, ottuttuwani ni ohitto. Khaariworu mwaamunama aawera ongwanano hata waakiha mwa ikurusawe. Aapaka yeeyo aatthunaawe ni aamutepa wunnuwa.

Zakariya 11:16

Miyo kinoomukhaliha mukukhuli mweelaponi aneera ahitthukuruwele ikhondoolo sooriheya, naari ahaasaase yootaphuliwa, hata ahilamihe soovulala hoye hoye ahicihe seiye siri salaama, mene anaakhuure enama ya ikhondoolo sooreerelaxa, awottholaka nyettosaya.

Yohaane 5:30

Miyo nkingwera opaka naari etthu muneenaakaru. Kinthoriha paahi ntoko kiniiwaaka ni nthorihelonaka ti na ekhaikhai niwoko nkinaasaasa wiisiveliha, mene waasiveliha Yaale yaakirumihale.

Yohaane 6:38

Vano, kookhuruwa wiirimu khoohiyono opaka otthunawaka, mene otthuna wa Yaawo akiruminghe.

Miteko 4:28

Awo yaapaka yeeyo Nyuwo mwaalakenlaanyu mwa ikurusanyu ni otthunawanyu khalayi weera ekhumelele.

Deuteronomiyo 10:17

niwoko Yave Mulukwaanyu ti Muluku a miluku ni Yave aasipwiiya; Muluku Mutokweene, Ooweraxa ni Oowoopiha, oohinthalu, akhoottaka makhwankwa.

2 aTesalonika 2:3

Ahikhale mutthu onoolokotthani hata vakhaani. Nihuku nno khaninrwa ophiya ohinaaye ohiiwelela otokotoko wookisera, ni wooniheriwa wa mutthu a yoottheka*, mwaana a oriheya.

2 aTesalonika 2:4

Owo anaakhale mwiittana a sootheene seiyo siri sa Muluku, hoye hoye soolapiwa, ni aniivuwihe wa itthu iyo mpaka anaakilaathi vaNipuroni Nootteela* na Muluku, alaleiyaka weera owo muneenaawe ti Muluku.

2 aTesalonika 2:8

Vahoolowaya anooniheriwe namatakhala owo, ni Apwiya Yeesu eniimwiive ni iphumu sa eyanowaaya ni eniimphwate ni orwawaya.

Yoxuwa 22:22

“Yoole Ooweraxa, Muluku Yave! Yoole Ooweraxa, Muluku Yave! Owo onsuwela ni aYixrayeli esuweleke! Naapanke yeeyo niwoko na ovaanya hoye hoye ohiiwelela, muhinuurele olelo.

Ethupululo 10:7

Mahukutho ndyelo anaathanneeli aneeraawe iipe nipalapattanawe nnikwaniheriwe ntikhinelo na Muluku, ntoko Owo aaleenlaawe arumeiyaawe, maprofeeti.”

Ethupululo 12:14

Aavahiwa muthiyana mapupha meeli a xaaka mutokotoko weera owo awere ovava mpaka nipuro aareherereliwaawe munikareni, weiwo eeraawe acihiwe ehuhu, ihuhu ni eriyari ya ehuhu, ottaiwene wa enowa.

Ethupululo 13:1

Kaahoona enama ya mmunepani emoha yaakhumale mphareiyani. Yaarino manyaka muloko ni nyuru mithannamiili ni icireemba muloko mmanyakanimwaya, ni khula muru waarino nsina nooveiha.

Ethupululo 17:17

niwoko Muluku oohela mmurimanimwaya ohaawela opaka yeeyo ontthunaawe, aakhulelaka ovaha enama ele ikuru iyo sirinaaya weera elamule mpaka ekwaniheriwe masu a Muluku.

Ethupululo 17:3

Vano ndyelo aakikuxa mMunepani akironghaka munikareni. Weiwo kaamoona muthiyana, awenleene enama yooxeera ya mmunepani, esareiyeene masina ooveiha ni yaarino nyuru mitannamiili ni manyaka muloko.