Daniyeli 11:31 - Emakhuwa Bible

³¹ Anakhottwaawe anoorowa weera eveihe Empa ya Muluku yoolipaxa, emalihaka sooveleela sa khula nihuku. Vanonto anoomuteka muluku oohiira.

Daniyeli 11:31 Iomraidhean Croise

Yeremiya 19:4

Vano awosa aakihiya ni aatatuxa nipuro nna nipuro na miluku sa anamarwa; awosa aahisera erubani* miluku mwa seiyo awosa, naari makholowaaya, hata mamwene a oYuda yahaasuwenlaayaru ni aasariha nipuro nna ephome ya oohinthowa.

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Icipo Soolalamika 1:10

Mwiittana onghuhula mihakhusanyu sootheene; owo ohoona miloko sa amalapo sivolowaka vaNipuroniwaya Nootteela* – yaawosa nyuwo mwaakhoottihalaanyu ovolowa mmuthukumanonimwanyu.

Icipo Soolalamika 2:7

Yave ohaakhootta altaaraawe ni oohiya Nipuronawe Nootteela*. Oowinnyerera amwiittana ixiri sa impasawe sa emwene, ni awosa yaakhuwelasa Mpaani mwa Yave, ntoko naapakaahu mmahukuni a ifesta.

Ezekiyeli 9:7

Hiiho, Owo aaweerelasa: “Mvalihe Empa ya Yave ni musarihe mittembo mmapuwani. Murowaseke!” Awosa yaarowasa, enampacerasa noomala musidadeni moothemwene.

Daniyeli 12:11

Okhuma ehuhu sooveleela sa khula nihuku sineeraaya simalihiwe mpaka otekiwa wa muluku oohiira, anoovira mahuku 1 290.

Daniyeli 8:24

Owo onoothatuwa oolipaxa, mene khoohiyono ni ikurusawe. Owo onootannyera ophwata woowoopiha ni sinoomweettela nnenesene mwa sootheene aneeraawe apake. Owo onimwaaphwata asilopwana ooweraxa ni atthu ootteela.

Daniyeli 8:26

Moonelo wa oxeexelo ni ohiyu 2 300 nyuwo moonnaanyu etiitthu, mene muthokorore muxiirini niwoko onthoonyera itthu sa muhooloxa.”

Daniyeli 9:27

Owo onoopaka wiiraana ni ancipale wa esimana emoha. Vano eriyari ya esimaneene yeeyo sinoomala sooveleela ni soovaha. Mpatta mmoha wa Empa ya Muluku onootekiwa muluku oohiira aneeraawe akhalewo mpaka ophiya ommaleloni olakeleliwaawe.”

Hoxeya 3:4

Eyo enthoonyera weera aYixrayeli anookhala mahuku mancipale woohikhalano mwene hata mwanawe, woohikhalano yooveleela naari amarimbu ootteeliheriwa, woohikhalano mooxikootti a esaserdoti ni mpaka woohikhalano miluku sikina.

Matheyo 24:15

Hiiho, nyuwo moonaka yiikaathiweene vaNipuroni Nootteela* etthu yoonanaraxa yoowuulihaxa muru* mwa yeeyo uulumalaawe mprofeeti Daniyeli, – owo onsoma iiwexexeke!

Marku 13:14

Nyuwo moonaka etthu yoonanaraxa yoowuulihaxa muru yiikaathiweene vanipuroni ehintthunihiwaaya – namasoma, iiwexexe – vano yaawo eneera ekhale oYudeiya, etthawele nnyaakoni.

Luuka 21:20

Moonaka oYerusaleemu orukureeriweene ni anakhotto, mmwisuwele weera othaamiwawaya wookhuveela.

Ethupululo 17:12

Manyaka muloko moonnaanyu ari mamwene muloko ahinaaye waakhela olamula, mene eniyaakhele wa ewoora emoha ikuru sa mwene vamoha ni enama ya mmunepani.