Daniyeli 11:16 - Emakhuwa Bible

¹⁶ Namahuhula owo onoopaka yeeyo ontthunaawe; khaawo aneera amooceelihe. Owo onimwiitekiha mweelaponi Yooreeraxa ni onookhalano ikuru soophwatano yeeyo.

Daniyeli 11:16 Iomraidhean Croise

Yesaya 8:8

ni anoomwareela oYuda, emireihaka mpaka muxiko. Mapuphaaya ookungeyeene anookhuneela elapwaanyu yootheene, Emanuweli!”

Yeremiya 3:19

Miyo muneenaaka keenre: “Kaatthunaxa waapaka nnene ntoko ampakeliwaaya anamwane kaavahaka elapo yootthuneyaxa, yoohiyeriwa yooreerelaxa variyari wa miloko sootheene. Kuupuwela weera mwaankiitthana ‘Tiithi’ ni khamwaahiya okitthara.

Daniyeli 11:3

Vanonto mwene ooweraxa onookhumelela mwa yoowo aneera alamule ni ikuru sitokotoko, apakaka yeeyo ontthunaawe.

Daniyeli 11:36

“Mwene onoopaka yeeyo ontthunaawe. Onimwiivuwiha ni onimwiixunnuwiha opwaha wakhalaru muluku ni onoomveiha Muluku a miluku ni itthu sihitonke wiiwiwa. Owo sinoomweettela nnene mpaka okwanela ehuhu ya isara, niwoko yeeyo elakeliwe ontthuneya okhumelela.

Daniyeli 11:41

Owo onoovolowatho Elapo Yooreeraxa. Ilapo sincipale sinookuxiwa, mene wEdomi, oMowabe ni asitokweene a wAmoni anootapuxeya mmatatanimwawe.

Daniyeli 11:45

Owo onookunga iheemasawe sa emwene eriyari ya iphareiya vathi wa mwaako wootteela wooreeraxa. Vaheera ommaleloniwawe onoomphiyera ni khaawo anaamukhavihere.”

Daniyeli 5:19

Niwoko na otokweene Muluku aavanghaawe, miloko sootheene sa elapo ya vathi ni atthu a muulumo ootheene yaamoovaxa. Yaale mwene aatthunnaawe owiiva, aangwiiva ni yaale aatthunaawe owuurela, aangwuurela; yaale aatthunaawe waakhaliha mapuro oottittimiheya, aamwaakhaliha ni yaale aatthunaawe waayeviha aamwaayeviha.

Daniyeli 8:4

Kaangwehexexa napunci eetteettaka mpatta wa ninkela nsuwa, ottuttuwani ni ohitto. Khaariworu mwaamunama aawera ongwanano hata waakiha mwa ikurusawe. Aapaka yeeyo aatthunaawe ni aamutepa wunnuwa.

Daniyeli 8:7

Kaahoona epuri engwananaka napunci moota woowoopihaxa; yaammana napunci epwexaka manyakaawe. Napunci khaawenre owina ni aamoroxeliwa vathi, ananyikaleliwa ni khaawo aawera omoopola mwa ikuru sa epuri.

Daniyeli 8:9

Vannyakani nimoha a yaawo naakhuma nikina nikhaani, mene naahunnuwa woowaakuveya mukuruni niwehaka mpatta wa ohitto, ninkhuma nsuwa ni wa Elapo Yooreeraxa.

Yoxuwa 1:5

Khaawo eniiwere woowinani mmahukuni ootheene a okumaanyu. Kinookhala ni nyuwo ntoko kaaraaka ni Moisesi. Nkirwa koohiyaani meekhiinyu.