Daniyeli 11:12 - Emakhuwa Bible

¹² Vano anakhottweene yaawo yaawiniwaka, mwene a ohitto onoosareya wiixoona, awiivaka anakhotto ancipalexa, vaheera owinawawe khoopwaherera.

Daniyeli 11:12 Iomraidhean Croise

2 Mamwene 14:10

Mohaawina awEdomi ni vano munimwiixoona. Muupuwelele owinawanyu, mene mukhaleke owaani! Nyuwo muniitannyera oyevihiwa ni yeeyo enimoohelani nthala nyuwo ni oYuda.

2 Nyaha 25:19

Nyuwo mohiixeerela weera mohaawina awEdomi, ni vano muniikuxerera ngwiixoonani. Mene mwakhale owaani! Muntannyerela heeni erisa eneera yooheleeni nthala nyuwo ni oYuda?”

2 Nyaha 26:16

Wa soothesene, Uziya athatungweene ooweraxa, wiixoonawawe waammoroxa. Owo khaaroromeleiye wa Yave, Mulukwaawe, anavolowa Mpaani mwa Yave weera ahise erubani* valtaarini* a erubani*.

2 Nyaha 32:25

Vaheera Hezekiya aathatuwa oowiixoona, ohicelanaka onnene aapakeliwaawe; tivawo isara sa Yave saammorenlaaya owo, oYuda ni oYerusaleemu.

Masu a Miruku 16:18

Ophwatiwa ontthara wiixoona; omora ontthara wiikuxerera.

Ezekiyeli 28:17

Murimaanyu woothatuwa woowiixoona niwoko na ophwaneliwawanyu, ni nyuwo moonanariha mirukusanyu niwoko na waarawanyu. Tivawo Miyo koovonyenraakani vathi; kohoopakani mutheelelo wa mamwene.

Ezekiyeli 28:2

“Mwaana a mutthu, mwaaleele alamuli a oTiro weera Yave onlamula sootheene oneera ha: ‘Ngwixoonani wa murimaanyu nyuwo muneera: “Miyo ti Muluku; kinkilaathela ehice ya emwene ya Muluku eriyari ya ephareiya.” Vaheera nyuwo muri mutthu paahi, khamuhiyono Muluku, naari mwiixeeraka okhala musuweli ntoko Muluku.

Ezekiyeli 28:5

Mooweranimwanyu otokotoko omweetta nakoso, nyuwo mohaandyeerera mihakhusanyu, ni murimaanyu ommweera otepa wiikuxerera niwoko na seiyo.

Daniyeli 11:11

Vanonto mwene a ohitto onookhuma oonyoonyiweene, angwananaka mwene a ottuttuwani mwa yoowo aneera aangwanane ni anakhotto ancipale, mene orookhalaru hiiho mwene a ottuttuwani onoowiniwa.

Daniyeli 11:13

Niwoko mwene a ottuttuwani onimwaathukumanyiha anakhotto ancipale akina waapwaha anakhottweene yaale oopacera ni, siviraleene iyaakha sikina, owo onoorowa ni anakhotweene yaawo oolikaneene owana.

Daniyeli 5:23

Ohiyanawaya mohiivuwiha ompwaha Yave a wiirimu. Moolamula weera ikoomixi sa Mpaani mwa Yave muruuheliwe nyuwo, maneethaanyu, axaarinyu ni ikuxosanyu weera ngwurere. Moottottopela miluku sa eparatha*, eyuuma yoorikaxa, ebronze*, eyuuma, nyiri ni maluku mwa seiyo sihingwera woona, wiiwa naari wiiwexexa. Vaheera khamunttittiminghe Muluku mwa Yooworu onlakela okumaanyu ni iphirosanyu sootheene.

Daniyeli 8:25

Onoopakiha weera olokottha weetteleye nnene ni onimwiixoona okhala mutokweene waapwaha akina. Owo onimwaaphata ancipale a yaawosa aniixuupuwela weera nri mmuretteleni ni onoongwanano Mutokweenexa a anamwane asilopwana a mamwene. Vaheera owo onoophwatiwa, mene khoohiyono ni ikuru sa omutthu.

Deuteronomiyo 8:14

vano onoowereya othatuwa oowiixoona munttiwalaka Yave Mulukwaanyu ookhumihaleni wExipitu, elapo ya okaporo.

1 Timootheyo 3:6

Ahikhaleke oorukunxa murima vaanaano, weera ahiixoone ni ahimorele yoottheka emoharu yeeyo omorenlaawe Diyabu*.

1 Pedru 5:5

Mooteene yoowo, amiravo, ngwiiwelele asitokweene. Mukhale ootheene oowiiyeviha mukina ni mukhwaawe, niwoko “Muluku ti Mwiittana a oowiixoona, mene onaavaha mahala oowiiyeviha.”