Daniyeli 10:12 - Emakhuwa Bible

¹² Owo aapwaherera: “Muhoove, Daniyeli, okhuma nihuku noopacera mwaapacenraanyu waasaasa wiiwexexa, mwiiyevihaka vamaithoni wa Mulukwaanyu, maswaanyu ahiiwiwa ni miyo kirweenle waakhula yaawo.

Daniyeli 10:12 Iomraidhean Croise

Icipo 69:10

Miyo kiinlaka ni kitthukaka, nkinooneliwamo.

Yesaya 35:4

Mwaaleele yaale amporora: “Mukhaleke oolipeene, muhoove; Mulukwaanyu onimoowa, onimoowa ni ikuhu, ni ottaruxiwa wa wiirimu; Owo onimoowa weera oovuluxeni.”

Yesaya 41:10

Vano muhoove niwoko Miyo kiri ni nyuwo; muhitteenguwe niwoko Miyo ti Mulukwaanyu. Miyo kinimoolipihani ni kinimookhaviherani. Kinimoovarelani ni ntatanaka noolopwana noowina.

Yesaya 41:14

Muhoove, muungu Yakobe, Ii! Yixrayeli mukhaani, niwoko Miyo muneenaaka kinimookhaviherani,” onghima Yave, Mvuluxaanyu, Ootteela a oYixrayeli.

Yesaya 58:9

Hiiho nyuwosa munoomwiitthana, ni Yave onoowaakhulani; nyuwosa munookhuwelela ekhavihero ni Owo onooweerelani: “Kiri va.” Nyuwosa mwamalamaliha eriyaraanyu yoolemela yoohooxa, soowoothera ni masu oowootha,

Yesaya 65:24

Awosa ehinaaye wiitthana, Miyo kinoowaakhula; awosa nlelo yuulumaka, kinoowiiwelela.

Daniyeli 10:11

Owo aakeerela: “Daniyeli, nyuwo muri oosiveleyaxa. Ngwiriyane nnenesene masu kineeraaka kooleeleni, ni mweemele niwoko miyo kirumiheliwe nyuwo.” Owo akileelakaru yeeyo, miyo kaaheemela, kithukumelaka.

Daniyeli 10:19

Owo aakeerela: “Ii! Mulopwana oosiveleyaxa, muhoove. Murettele okhaleke ni nyuwo! Mukhaleke oolipa, aani oolipaxa.” Owo ahimakaru masu ale, kaalipihereya, kinamweerela: “Pwiiyaaka, muulume mweenre mukivaha ikuru.”

Levitiku 16:29

Ekanowaanyu yoohimala ti ela: vanihukuni nanaamuloko na mweeri wanaathannamiili mwiiyevihe ni muhivareru muteko – akhalaka muYixrayeli xaxaxa hoye hoye namarwa onkhala variyariwanyu,

Levitiku 16:31

Ti eSaabadu ya wiitthuuwa ni mwiiyevihe; ti ekano yoohimala.

Nuumeru 29:7

Vanihukuni nanaamuloko na mweeri wanaathannamiili owo, mpake muthukumano wootteela. Nyuwosa mwiiyevihaseke ni muhivareru muteko.

Matheyo 28:10

Vano Yeesu aaweerela: “Muhoove. Murowe mwaaleele axunnaka weera erowe mpaka oGalileiya. Weiwo awo eniikoone.”

Matheyo 28:5

Ndyelo aaweerela asithiyana: “Muhoove! Koosuwela weera nyuwo mummwaasa Yeesu okhomeliwe.

Marku 16:6

Owo aaweerela: “Muhoove. Munimwaasaasa Yeesu muNasarete, okhomeliwe. Owo oovenyerera! Khamomo. Moone nipuro awo yaamwiikaanthaaya.

Luuka 1:13

Ndyelotho aamweerela: “Muhoove Zakariya, nivekelonanyu nohiiwiwa. Amwaarinyu Elisabeti animooyarelani mwaana mulopwana, ni muntthuneya omutteha nsinanawe Yohaane.

Luuka 1:30

Vano ndyelo aamweerela: “Muhoove Mariya, niwoko Muluku oowooniherani mahala matokotoko.

Luuka 2:10

Ndyelotho aaweerela: “Muhoove, miyo kinooruuhelani masu ooreeraxa a ohakalalaxa ari wa muloko wootheene.

Luuka 24:38

Owo aaweerela: “Heeni muntuthuwaanyu ni munghovelaanyu mmurimanimwanyu?

Miteko 27:24

‘Pawulo, muhoove. Ontthuneya weera nyuwo muphiye ohoolo wa Seesari. Muluku aahoovahani mmahalanimwawe okumi wa ootheene anlapuwa ni nyuwo.’

Ethupululo 1:17

Kimoonakaru, kaamorela vanaawoniwawe ntoko mutthu okhwiiye. Vano Owo aakiikaathera ntatanawe na moono mulopwana, anakeerela: “Muhoove, Miyo ti Oopacera ni Oomalihera.