Axewu 2:22 - Emakhuwa Bible

²² Kinoomoroxa ihice sa emwene ni kinoophwata olamula wa omwene wa anamarwa. Kinoopittula ikaaro ni anamweettihaaya; ikavalu* ni anamweettihaaya anoomora, khula mutthu mwa ekatana ya mukhwaawe.

Axewu 2:22 Iomraidhean Croise

2 Nyaha 15:6

Miloko ni isidade sannaphwatana, niwoko Muluku aaruuhela moota wootheene wa makacamiho.

2 Nyaha 20:22

Epacenreene wiipa icipo soovuwiha, Yave aahaareherera anakhotto weera yaawanane anakhotto a wAmoni, oMowabe ni a mmanyaakoni sa oSeyiri yaahaavoleela oYuda, ni awosa yaawinasiwa.

2 Nyaha 20:23

awAmoni ni aMowabe yaahaawanano yaawo yaari a mmanyaakoni sa oSeyiri weera yaaphwatase. Yaahononneene anakhotto a oSeyiri, yaawanasa, enaphwatanasa.

Icipo 46:9

Owo ommaliha ikhotto mulaponimu yootheene; Owo onintaka nyuupa anyaanyaka mavaka ahisaka ixikudu* ni mooro.

Icipo 76:6

Niwoko na ohiihawanyu Yave, ikavalu* ni ikaaro khasineettaru.

Okhuma 14:17

Wa soothesene, Miyo kinimuumiha mirima sa awExipitu ni awosa animoottharelelani. Kinimwaakhela ovuwa moomphwatani Farawu*, anakhottwaawe ootheene, ikaarosawe sa ekhotto ni anamweettiha a ikavalu*.

Okhuma 14:28

Maahi yaakhuneela ikaarosaya sa ekhotto, anamweettiha a ikavalusaya* nitho anakhotto ootheene a Farawu* yaattharelenle aYixrayeli mpaka mphareiya. Khawowo aahanle ni okumi.

Okhuma 15:19

Ikavalu*, ikaaro sa ekhotto ni anaweettiha a ikavalu* sa Farawu* evolowakaru mphareiya, Yave aahaakumanyihera maahi a ephareiya. Vaheera aYixrayeli yaalapuwa ephareiya vatthayani yoowuuma.

Okhuma 15:4

Owo oovonyera mphareiya ikaaro sa ekhotto ni anakhotto a Farawu*. Ephareiya yooxeera yaahaamira asitokweene ooreerela a anakhottwaawe Farawu*.

Yesaya 19:2

Kinoongwanawaniha ngwExipitu ni ngwExipitu: khula mutthu onoongwanano munneiye, mwaattamana ni mwaattamanaawe, esidade ni esidade, omwene ni omwene.

Yesaya 60:12

Vano muloko hoye hoye omwene ohintthuna woorumeelani onooriheya; owo onoohononaxiwa.

Yesaya 9:19

Elapo enoohisiwa niwoko isara sa Yave a ikuru sootheene ni atthu anoovareliwa muteko weera mooro owo opwaherere; khawowo anaamuurele munneiye.

Ezekiyeli 21:27

Oheleya nthala! Oheleya nthala! Miyo kinooheliha nthala! Kheerehereriwa ahirwiiye yoole ophwanenle okhala muneene yeeyo; vano wa yoowo kinoomvaha.’

Ezekiyeli 26:16

Vano anamwane a mamwene ootheene a muxerexere ephareiya anookhuruwa vahiceni sa emwene yiikaathiki mikaandyosaya mpattaaya ni anoorula soowarasaya sooxoriwa. Etteenguwanxeene, anookilaathi puruvuru, ethukumelaka woohihiyerera niwoko na yeeyo yookhumelenleni.

Ezekiyeli 38:21

Kinoolattula ekatana weera engwaneno Gogi mmanyaakonimwaka moothemwene,’ onghima Yave onlamula sootheene. Khula mutthu onookuxa ekatana angwananeke munneiye.

Ezekiyeli 39:20

Vameesaniwaka nyuwosa munookhuura enama ya ekavalu* ni anamweettihaaya, enama ya atthu ooweraxa ni ya anakhotto moota moota,’ onghima Yave onlamula sootheene.

Daniyeli 8:25

Onoopakiha weera olokottha weetteleye nnene ni onimwiixoona okhala mutokweene waapwaha akina. Owo onimwaaphata ancipale a yaawosa aniixuupuwela weera nri mmuretteleni ni onoongwanano Mutokweenexa a anamwane asilopwana a mamwene. Vaheera owo onoophwatiwa, mene khoohiyono ni ikuru sa omutthu.

Amosi 2:15

Namalatha muura khapwaherera okhala vanipuroniwawe, ontthimaka khatthawa, ni namweettiha a ekavalu* khoopola okumaawe.

Mikeyasi 5:10

“Nihuku nno,” onghima Yave, “kinimwiiva ikavalusanyu*, ni kinoophwata ikaarosanyu sa ekhotto.

Mikeyasi 5:15

Kinimwiinlela ikukuttula musarani ni moonyoonyeriwani miloko sihikiiwelenle.”

Mikeyasi 5:8

Oohalahala a Yakobe anookhala eriyari ya miloko, aani, eriyari ya miloko sincipale, ntoko mwatto eriyari ya axinama a ntuphini, ntoko mwatto oolipa eriyari ya mihuwo sa ikhondoolo, mwa yoowo omvara ni onnyaanya yoovara, ahikhalakaru ongwera otapuxa.

Mikeyasi 5:9

Ntatananyu nnimwaavenyera amwiittanaawe ni ootheene awosa anoophwatiwa.

Mikeyasi 7:16

Miloko sinimoona yeeyo, suulihiheyeke muru, sihuhuleliweene owerawaya wootheene. Sinoophuta iyano, sittiyeyeke maaru.

Zefaniya 3:8

“Tivawo, mukiweherere Miyo,” onghima Yave, “ngweherere nihuku Miyo kineeraaka kivenyere okhalela onamoona. Koolakela othukumanyiha miloko ni omwene weera kiyeehere isarasaka, wuupa wootheene wa onyoonyiwawaka. Elapo yootheene enoolalihiwa ni mooro wa isarasaka sa ehace.

Zakariya 10:11

Awosa anoovira mphareiyani mwa makacamiho; ephareiya yoowali enoomaalihiwa ni maahi ootheene a Nilu animuuma. Wiikuxa wa wAsiriya onoohononiwa ni ekopo ya emwene ya wExipitu enoolakaseya.

Zakariya 10:5

Awosa anoolikana asilopwana ooweraxa enyikalaka nttoko mmiseweni okhottoni. Eenre Yave akhala ni yaawosa, awosa anoowana, yaawineke anamweettiha a ikavalu*.

Zakariya 12:9

Vanihukuni nenenenno kinimwaasa ophwata miloko sootheene sineera siwaneno oYerusaleemu.

Zakariya 14:3

Vano Yave onookhuma awananeke milokosene seiyo, ntoko ongwanaawe vanihukuni na ekhotto.

Zakariya 4:6

Owo aakeerela: “Masu a Yave wa Zerubabeli ti ala: ‘Khoohiyono ni ikuru hata ni oweraxa, mene mwa Munepaaka,’ oneera Yave a ikuru sootheene.

Zakariya 9:10

Owo onoophwata ikaaro sa ekhotto sa wEfrayimi, ikavalu* sa ekhotto sa oYerusaleemu ni nyuura sa ekhotto sinimwintakiwa. Owo onoolaleera murettele wa miloko, alamulaka okhuma ephareiya ni ephareiya; okhuma mooloko Efratesi mpaka ekotenle elapo.

Matheyo 24:7

Elapo eniiwane ni elapo, aani, omwene onuuwane ni omwene. Nsikhale itala ni otetereiya wa mapuro makina.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ahooleli 7:22

Erumakaru mapalapatta macira mararu, Yave aaheeriha weera waakonelingwe woothewene asilopwana yaarukunuwelana ni ekatana. Vaheera anakhotto ancipale yaatthawela oBeti-Xita, mpatta wa oZerera, mpaka omwiinanoni wa wAbeli-Mehola, waattamela oTabati.

1 Samuweli 14:16

Anamalipelela a Sawuli yaari oGibeya, elapo ya oBenyamini, yaawoonasa anakhotto ancipale a aFilisti etthawelaka mipatta sootheene.