Axewu 2:17 - Emakhuwa Bible

¹⁷ Miyo koophwata muteko wootheene wa matataanyu ni nihooxo, murawa ni maralala, vaheera nyuwosa khamwaahokoleenle wa Miyo,” onghima Yave.

Axewu 2:17 Iomraidhean Croise

Epacerero 42:23

Vano ale khayaasuwela weera Yoseefe aamwiiwexexa yeele yuulumaaya, hapo yuuluma ni Yoseefe emvarelaka muteko namataphulela.

Epacerero 42:27

Vanipuroni yeemenlaaya weera ekonele, mmoha a yaawo aataphula esaakhwaawe weera amvahe yooca buurwaawe, anoona musurukhu owanoni wa esaakho ele.

Epacerero 42:6

Yoseefe aari ti yoowo aahoolela elapo yootheene ya wExipitu nitho aari ti yoowo aathumihera etrigu miloko sootheene sa mweelaponi. Tivawo, ephiyakaru axunneiye Yoseefe, yaamukokhorenlaaya ohoolowawe.

1 Mamwene 8:37

Yaavolaka etala hoye hoye nihooxo mweelaponi, hata soowaaliwa suuma niwoko na oviha, naari aaphiyaka nasope hoye hoye axiitthu akina hoye hoye mwiittana mukina awanano musidadenimwaya emoha – nakhalaru nihooxo hoye hoye iretta –

2 Nyaha 28:22

Naari ehuhuweene yeeyo owo aavireene mmakacamihoni, mwene Ahazi aamweera otepa ohiroromeleya wa Yave.

2 Nyaha 6:28

Yaavolaka etala, hoye hoye nihooxo mulaponi, soowaaliwa, suuma niwoko na oviha, naari aphiyaka nasoope hoye hoye axiitthu akina, hoye hoye amwiittana yaaricaka isidadesaya – nakhalaru nihooxo hoye hoye ikwerere –

Yobi 36:13

Yaawo arino murima wootakhala aasareya isara; naari Owo aatthukaka, awosa khaamvekela ekhavihero.

Icipo 128:2

Nyuwo mmwice soowiima sa mutekwaanyu; mareeliho ni mpuha onuukhale mpattaanyu.

Icipo 78:46

Aahinnyerera soohephasaya misoope; sooruwera wa okuukule.

Yesaya 28:2

Moone, Yave onimurumiha mukina ori ooweraxa ni a ikuruxa. Owo onoovatarulela vathi ecireemba ntoko epheyo yoophwata ni ettheku ya maralala, ntoko epula etokotoko ni mirupi.

Yesaya 37:27

Amakaaya, ekhulumungweene, yaapororaxa ni wuulihiwa muru. Ari ntoko soomela sa ntuphini ni ntoko munyepu; ntoko malaxi ammela vampani, enuuma ehikhomaanle.

Yesaya 42:25

Tivawo aayeehenraawe oYixrayeli onyoonyiwawawe, eyo tiiyo nipuhero na ekhotto. Eyo yaarica ni malumi a mooro, hata hiiho khooxuttenre; eyo yaahisa, mene khawaapwatthenle.

Yesaya 62:8

Yave aalipela mwa ntatanawe noolopwana ni moonowaawe wooweraxa: Nkirwa kivaha etrigwaanyu ntoko yooca wa amwiittanaanyu ni anamarwa kheewuratho eviinyu enyowani mwa yeeyo yookhulumunleni.

Yesaya 9:13

Vaheera muloko khawaamurukunuwenle Yoowo aavulalinghe, naari khawaamwaanse Yave a ikuru sootheene.

Yeremiya 3:24

Okhuma emiravowaahu miluku soowuuliha muru soomaliha soowiima sa miteko sa makholowaahu – mihuwosaya sa ikhondoolo ni imombe nitho anamwanaaya asilopwana ni asithiyana.

Yeremiya 5:3

ii! Yave, maithwaanyu anaasaasa ekhaikhai. Nyuwo mwaahaavulaliha, mene awosa khayoonne ovoreya; mwaahaattaruxa, mene yaakhoottha olakiwa. Yaahuumihaxa mirimasaya, ekhoottaka orukunxa murima.

Amosi 4:6

“Ti Miyo koovolihani etala wa khula esidade, ni othowa wa yooca mmapuroni moothemwene, ni waarookhalaru hiiho, nyuwosa khamuhokoleenle wa Miyo,” onghima Yave.

Axewu 1:11

Mutuphini ni mmwaako kootannyera wuumelela ophwannye etrigu, eviinyu, makhura ni sootheene enruweraaya etthaya, mpakatho atthu, mihuwo ni miteko sootheene sa matataanyu.”

Axewu 1:6

Nyuwosa munnaphatteyaxa, vaheera munghepha vakhaani. Nyuwosa munnaca, mene khamumvona. Munnawura, mene khamunkwaneya. Munnawara, mene khamumviherana. Munnaakhela nlivonanyu, munahela munrupani woothorowa.”

Axewu 1:9

“Nyuwosa mwaaweherera yincipale, mene erwiiye vakhaani. Vano yeeyo nyuwosa muruuhalaanyu owaani Miyo kiphwante ni iphumu. Kipakenleni hiiho?” onkoha Yave a ikuru sootheene. “Niwoko Empaaka eheleiyeene nthala, khula mutthu a nyuwo ompwatthela paahi mpaanimwawe.

Axewu 2:16

Mukina aaphiyaawe yuukeliwaayawo etrigu aasaasaka miringo miloko miili, saakhala paahi muloko. Mukina aarowaawe yaathokororiwaayawo eviinyu weera akuxe miringo miloko mithanu, aaphwanya miloko miili paahi.

Malekiya 3:11

Kinimooceeliha mahooxo ohonona soohepha, ni iwuuva* sinimwiima soowiimasaya mweehuhunimwaya,” oneera Yave a ikuru sootheene.

Deuteronomiyo 28:22

Yave onimoorumihelasani ikwerere soohonona, xipwexa soowiipaipa, ovihaxa mpaka ohaawela maahi iretta sa irooro, mwa seiyo sineera soohooxaseni mpaka ophwatiwawanyu.

Ethupululo 2:21

Koomvaha ehuhu yoorukunxa murimaawe wa olavilavaawe, mene owo khantthuna.