Axewu 1:6 - Emakhuwa Bible

⁶ Nyuwosa munnaphatteyaxa, vaheera munghepha vakhaani. Nyuwosa munnaca, mene khamumvona. Munnawura, mene khamunkwaneya. Munnawara, mene khamumviherana. Munnaakhela nlivonanyu, munahela munrupani woothorowa.”

Axewu 1:6 Iomraidhean Croise

2 Samuweli 21:1

Ehuhu ekina moolamulani wa Davide, yaakhala etala yaavonle iyaakha tthaaru. Tivawo Davide aamvekenlaawe Yave. Yave aamwaakhula: “Ti niwoko na Sawuli ni emusaawe yoosareya ephome; niwoko aawiiva aGibiyoni.”

1 Mamwene 17:12

Naamukhweli aamwaakhula: “Kinlipela mwa Nsina na Yave Mulukwaanyu – nkinonoru yooca. Kirino ephepa vakhaani mmwaapuni ni makhura vakhaani munipoottoroni. Kinaasa ikhuuni weera kikuxe owaani kiitterekheleke miyo ni mwanaka mulopwana weera nace ni vahoolowaya nikhweeke etala.”

Nehemiya 5:2

Akina yeera: “Hiyo vamoha ni anamwanaahu asilopwana ni asithiyana nohaatta. Nintthuna etrigu weera nipwaherere ni okhumi.”

Yobi 20:22

Asareiyeene mihakhu, othanana onoommorela, makacamiho ootepaxa anoomphwanya.

Yobi 20:28

Mirupi sitokotoko sinookumburula empaawe, aani maahi oowuupa vanihukuni na isara sa Muluku.

Icipo 107:34

atatuxaka ya maakha etthaya yooruwereya niwoko na sootakhala sa yaale yaamankewo.

Masu a Miruku 11:24

Yoowo anaavahe ni murima wootheene, onimwaandyeerera mihakhusawe; yoowo onlipano mmatatani ni yeeyo eeraawe avahe, ommorela moohaawani.

Yesaya 5:10

Ematta ya mikwara muloko enooruwera iliitru* miloko miili ni piili sa eviinyu paahi ni ikiilu* macira meeli ni miloko miili sa mmiso sinooruwera ikiilu* miloko miili ni piili sa etrigu paahi.”

Yeremiya 12:13

Awosa yaahaala etrigu, mene ahemphe nyiiwa; wohaakhulumula ovara muteko woohiruwera etthu. Vano, awosa anuulihiheya muru ni ohepha niwoko na isara sitokotoko sa Yave.”

Yeremiya 14:4

Etthaya yohuumelela niwoko khayaarumpe epula; anamalima aapororaxa yiikhuneelaka mmuru.

Yeremiya 44:18

Vaheera, nihiyererakaru omuhisera erubani* pwiyamwene a wiirimu ni omuyeehera soovaha soowura, khannakhalane etthu ni naariheya mwa ekatana ni mwa etala.”

Hoxeya 4:10

Awosa eniice, mene kheevona; eniiraruwe, mene khayaandyeerera waattawaya, niwoko aamuhiya Yave weera yiixinnyerere

Hoxeya 8:7

Awosa anaala epheyo, enahepha eyuupuru. Etrigu ehinthapuruwa kheenkhumiha ephepa. Naari yaathapuruwa, anamarwa yaamunyaanyaxa.

Levitiku 26:20

Ikurusanyu khasivareleya muteko niwoko khamuruwera etthu mulaponi, hata nyiri khasiwiimelani.

Levitiku 26:26

Miyo kaavukulaka woovahani sooca, asithiyana muloko eniyooxereke ipaawu niikho nimoha ekawanaka vamuringoni. Munimooca, mene khamvona.

Axewu 1:10

Tivawo, niwoko na nyuwosa, erimu ehiimihalaaya nikame ni etthaya ehiyalaaya wiimiha soowiimasaya.

Axewu 1:5

Vano, Yave a ikuru sootheene oneera ha: “Moone nnenesene ephiro mukuxenraanyu.

Axewu 1:7

Vano, Yave a ikuru sootheene oneera ha: “Moone nnenesene ephiro mukuxenraanyu.

Axewu 1:9

“Nyuwosa mwaaweherera yincipale, mene erwiiye vakhaani. Vano yeeyo nyuwosa muruuhalaanyu owaani Miyo kiphwante ni iphumu. Kipakenleni hiiho?” onkoha Yave a ikuru sootheene. “Niwoko Empaaka eheleiyeene nthala, khula mutthu a nyuwo ompwatthela paahi mpaanimwawe.

Axewu 2:16

Mukina aaphiyaawe yuukeliwaayawo etrigu aasaasaka miringo miloko miili, saakhala paahi muloko. Mukina aarowaawe yaathokororiwaayawo eviinyu weera akuxe miringo miloko mithanu, aaphwanya miloko miili paahi.

Axewu 2:17

Miyo koophwata muteko wootheene wa matataanyu ni nihooxo, murawa ni maralala, vaheera nyuwosa khamwaahokoleenle wa Miyo,” onghima Yave.

Zakariya 5:4

Yave a ikuru sootheene onghima: ‘Miyo kirumihenle nlapho nno weera nivolowe mpaani mwa namwiiya ni mwa yoowo onlipela moota woowootha mwa Nsinanaka. Nno nnookhala mpaanimwaya, ni nnoophwata okhuma itthaabwa mpaka indyerwa.’”

Zakariya 8:10

Vano, ehinaaye ehuhu ele, khanaariworu nlivo wa mutthu hoye hoye mwaamunama. Khaawo aampaka nakoso oolipeene niwoko na awananaawe keenre Miyo kangwanawaniha mukina ni mukhwaawe.

Malekiya 2:2

Nyuwosa mwaahiiwelela, muhipwatthelaka Nsinanaka,” oneera Yave a ikuru sootheene, “kinimoolaphasani, mpakatho kinoolapha mareelihowaanyu. Aani koolapha, niwoko nyuwosa khamukittittiminghe ni murimaanyu.

Deuteronomiyo 28:17

Sinoolaphiwa mipaparasanyu ni muneetheyaanyumo etrigu.