awEfeso 6:6 - Emakhuwa Bible

⁶ Muhiwiiwelele paahi weera mwaasivelihe awo yoowehawehakani, mene, ntoko ipottha sa Kristu, mpakeke otthuna wa Muluku ni murima wootheene.

awEfeso 6:6 Iomraidhean Croise

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Yeremiya 3:10

Orookhalaru hiiho, axunnaya aYuda anamavariha, khaahokoleenle wa Miyo ni murima wootheene, mene ni woothereriha,” onghima Yave.

Matheyo 12:50

Vano, yoowo ompaka otthuna wa Atiithi ari wiirimu, owo munnaka, murokoraka ni amayaka.”

Matheyo 7:21

Khaahiyono ootheene ankeerela ‘Apwiya, Apwiya!’ eniivolowe moomweneni wa wiirimu, mene paahi yaawo ampaka otthuna wa Atithaka ari wiirimu.

Marku 3:35

Yoowo oniiwelela otthuna wa Muluku, owo ti munnaka, murokoraka ni amayaka.”

aRooma 6:17

Asanttetho wa Muluku niwoko, mwaarookhalaru ipottha sa yoottheka, nyuwo mohaakhulela ni murima wootheene moota wa nihusiho muvahiwaanyu.

1 aKorinto 7:22

Vano, yoole oniitthaniwa mwa Apwiya, areene epottha, ti neethi a Apwiya, onlikana ntoko yoole aari neethi iitthaniwaawe mwa Apwiya, ori epottha ya Kristu.

aGalata 1:10

Apaale miyo kinaasaasa waakhuleliwa wa atthu, naari wa Muluku? Hoye hoye miyo kineerera waasiveliha atthu? Kaasaasa waasiveliha atthu, nkaakhala murumeiyi a Kristu.

awEfeso 5:17

Tivawo, muhikhale alolo, mene musuwele ti heeni otthuna wa Apwiya.

aFilipi 2:12

Hiiho, oosiveleyaaka, ntoko mwiiwelelaanyu mahuku ootheene, khoohiyono miyo kaakhalaaka variyariwanyu paahi, mene wootepaxa vaanaano vaava miyo kinkhalaaka ottaiwene, mureherereke ovuluwawanyu wa mmunepani ni woova ni othukumela.

aKolosi 1:9

Tivawo, okhuma nihuku niiwalaahu yeeyo, khaninghiyerera woovekelelani, nivekelaka weera nyuwo mukhale oosareya ni esuwelo yootheene ya otthuna wa Muluku, vamoha ni miruku sootheene ni wiiwexexa wa mmunepani.

aKolosi 4:12

Epafra ori mmoha a nyuwo ni murumeiyi a Kristu Yeesu onimoovahani isalaama. Owo onnawana woohihiyerera mmavekeloni wa nyuwo weera nyuwo mupwaherere oolipeene mwa otthuna wootheene wa Muluku ntoko atthu atokweene munroromeloni ni ooviriyeliwaxa.

1 aTesalonika 2:4

Ohiyanawaya, ninuuluma ntoko asilopwana oowaakhuleliwa ni Muluku avahereriwe masu ooreeraxa. Khannuuluma hiiho weera naasivelihe atthu, mene wa Muluku onsuwela mirimasahu.

1 aTesalonika 4:3

Otthuna wa Muluku ti weera nyuwo mutteelihiwe: musembe oraruwa.

aHeberi 10:36

Ontthuneya weera nyuwo muvilele mooteene yoowo weera mwaamalihaka opaka otthuna wa Muluku, nyuwo mwaakhele yeeyo Owo ororomelihalaawe.

aHeberi 13:21

ookwaneliheni nyuwo mwa sooreera sootheene weera mupake otthunawawe. Owo awere mwa hiyo muteko woomusiveliha mwaha wa Yeesu Kristu, mwa Yoowo okhale ovuwa woohimala. Ame*.

1 Pedru 2:15

Vano, Muluku ontthuna weera nyuwo mpake yooreera, weera hiiho mmalihe ohisuwela wa atthu oohikhalano miruku.

1 Pedru 4:2

Hiiho, ehuhu emuhaleenle mweelaponi, akhale weera apake otthuna wa Muluku, ohikhanle opaka soohaawela soonanara sa atthu.

1 Yohaane 2:17

Elapo ya vathi ni soohaawelasaya enoovira, mene yoole ompaka otthuna wa Muluku, onookhala mahuku ootheene.